أعجبني قارب ALOMANI 24 CC فما رأيكم في قوارب مصنع العماني؟

[سامي الحسين]

أخي عقام الرايس .. الله يبارك فيك ويجزاك خير ..

بالنسبة لعدم تناسب الطول والعرض .. أعتقد أن المسألة جدلية خصوصاً وأن القوارب الأمريكية تشترك في نفس الصفة ..
بالنسبة للمساحة الداخلية فكما ذكرت ستكون كافية لأن العدد في الغالب 2 وبالكثير 4 أشخاص ..
بالنسبة لأرتفاعه عن سطح الماء فهي ميزة أبحث عنها لأني لم أرتاح للقوارب المنخفضة ما يضطرني للجلوس ..
كما أنها ميزة في حال كانت الرحلة للنزهة وخصوصاً مع العائلة لأن في ذلك نوع من الأمان ..
وأثناء الصيد لا أعتقد أنها ستكون مشكلة كبيرة في رفعه ولو كانت كذلك سأستخدم الشبكة ..
بالنسبة لشكلك القارب الخارجي فهو فعلا على شكل حرف V ..
ومن خلال قراءتي للكثير من التعليقات في منتديات كويتية وجدت أن البعض يقول بأن التأرجح مشكلة كبيرة في هذا القارب ..
والبعض الأخر يقول عكس ذلك وأن التأرجح بمعدل طبيعي ..
وكما هو معروف لكل قارب مميزات وعيوب ..
من مميزات القارب على شكل V السرعة والأنسيابية أثناء الأبحار .. ومن عيوبه التأرجح أثناء الوقوف ..
بالنسبة للمكينة واحدة .. حسب كلام شركة الخريف أن القارب بتصميمه الحالي لا يقبل مكينة واحدة!
وأنا في كل الأحوال قررت تركيب ماكينتين ياماها 150 حصان فور ستروك كاونتر روتيشن ..
ومعك كل الحق في موضوع صيانتها وتوضيبها لا قدر الله .. المكينة الأصغر ستكون أوفر في الصيانة والأصلاح ..

وتقبل شكري وتقديري على ملاحظاتك القيمة جداً والتي أستفدت منها بكل تأكيد ..

وأنتظر منك النصيحة في تجهيز القارب ..

[سامي الحسين]

مساكم الله بالخير ياأخوان .. :

بالأول : تقبل الله طاعتكم والعيد عليكم مبارك .. انا اخوكم ريــان من الكويت
وحبيت اشارك بنفس الموضوع ويزيدني شرف لما اناقش اخواني من الخليج لهم خبرتهم الكبيره اللي قاعدين نستفيد منها ككل .. وياأخوان لاتقولون هذا كويتي بمدح بالطراد
لاوالله اني بقول اللي شفته نعم مصنع العماني مصنع زين وكل ماله ينتج للأفضل واللي يمز العماني صلابة الفيبر بالتصنيع حالياً ولا قبل كانت كل منتجات المصنع قوارب صيد فقد مشابهه لقوارب الروضان سطحه ولا فيها اي كماليات وكان اهل الكويت اقصد اهل الصيد يفضلون الضاعن على العماني وكان انتاج مصنع الروضان هو المتصدر بالبيع .. لكن كلنا نعرف وندرك انه مايبقى حال على حاله.. وهذا الشي يعتمد على الأدارة من ناحية التصنيع والجوده وجمالية القارب بكل احواله اذا كان لصيد او لنزهة او يجمع كلى الثنتين نزهة وصيد ..يوجد بالكويت كذا مصنع وكانت فالسابق جميعها تصنع قوار الصيد فقط وحسب اعتقادي وعلى كلام احد ابناء اصحاب هذي المصانع يقول بالسابق كنت الافكار محدوده وتمت الاداراة على هذا الحال حتى نشأء الجيل الجديد بأفكاره لأنه ياأخوان هؤلاء الأبناء استلموا الأداراة من بعد الأباء وتم تطوير هذه المصانع بجودة التصنيع والأرباح القليلةحتى يتم ثبوت هذا المنتج بسوق المحلي لدولة الكويت وبعدها ينتقل الي الخليج ويكون له قبول .. نحن هنا يأخواني بالكويت نشوف ونسمع وناقش وأذا اختلفنا بالراي نلجأ الي التجربه وهي خير برهان لنا .. حالياً فالكويت كذا مصنع نشاهد فيه قبول كثيف بمعنى المصانع اللتي كانت بالأول هي المتصدرهنراها حاليا تنزل في منحدر قوي .. وصعود كذا مصنع في هذا المجال مثلاً مصنع العماني ونظرياً هذا القارب 24 قدم التصميم صحيح كما تفضل اخوي
Ghostship
نعم فهو مقتبس من الروبالو لكن مصغر والمعروف عن الروبالو كأحد القوارب الأمريكية فهو يتصف بالصلابه والوزن وارتفاع الصدر بالقارب وتم تصنيع قارب العماني على هذا الأساس واهمها صلابة القرف من ناحية الفيبر والدعامات الداخليه نعم فهو قارب ثقيل الوزن على حجم القارب نفسه اما عن المكاين تعرفون ياأخون ولا اخفي عليكم اهل الكويت جميعاً مولعون بالقوه والسرعة بمعنى مبسط وبالعاميه.. ( نحب نطير ) ..
وبخصوص البركت اللي بنفس الطراد هذا قوي جداًجداً بأمكانه تحمل 140 +140
لكن التحديد بحجم المكينة يتم على المسافه مابين الماكنتين توجد قياسات تلزمك بهذا الحجم ومراعات المسافه ونعلم يأخواني انه 140 قوه لايستهان فيها للعلم انه جميع الوكالات للمكائن وهو المستفيد من البيع يقترح عليك اقتراح مبدئي ان تقلل من قوة المحرك ..
اما بخصوص هذا القارب بالأخص فالكويت ولاقارب مركب 100+100
الكل مركب 140+140
والأمور طيبة وحنا بخير
وللأمانه انا كمواطن كويتي افضل السي هوك الأمريكي ( مصنعة بالكويت حالياً ) على العماني وهو مقارب لشكل وأنا الاحظ فالكويت جميع المصانع حالية تكسب الزبون بالكماليات من ناحية المظهر الجمالي بالأكسسوارات لاينقص القارب شئ وهذا شي طيب والمصنع العماني طبقها على هذا القارب وبخصوص العربانه الاحظ بالكويت جميع من عندهم نفس القارب تكون العربانه دبل تاير 2+2 لأن وزن القارب له تأثير على العربانه .. والله ياأخوان انه يوجد بالكويت قوارب الروضان قديمة جداً وهي تستعمل من قبل الحداقه اهل القراقير اهل التجاره بسوق الأسماك لحد الأن يستعملونها ان دل ذلك فيدل على صلابة القرف والفيبر .. والعماني حالياً كصلابة وقوة الفيبر بالقرف فهو قوي جداً وهذا الحجم بالذات مرغوب عند اهل الكويت لأنه يسهل نزوله وصعوده وسحبه بالسيارة .
اسمحولي على الأطاله بالموضوع ارجو من الكل تقبل موضوعي بوسعة الصدر ياأخوان
وأنا جالس اتصفح موقع بالكويت لقيت نفس الطراد للبيع بأمكانكم التواصل معاه وسؤاله عن هذا القارب من سلبياته وأجابياته ..
http://www.shalay.com/view-boat.php?id=71
:
:

وهذا قارب السي هوك الأمريكي الذي يتم حالياً تصنيعة فالكويت من قبل شاب كويتي كان يدرس بأمريكا وتم حصوله على الموافقة على تصنيع هذا القارب بالكويت .. واللهي انجاز كبير .. الله يوفقة .. ويوفق الجميع .
http://www.garooh.com/forum/viewtopi...%D9%83#p304455
وتقبلوا احترامي للجميع : اخوكم / ريـــان من الكويت

وكلي شكر على سعة صدوركم

أخي ريان .. مساك الله بالنور والسرور ..
تقبل الله منا ومنكم صالح الأعمال وكل عام وأنتم بخير وعساكم من عواده ..

الشرف لنا وأنا أخوك أننا نسمع رأيك خصوصاً وأنكم يا أهل الكويت خبرة عريقة في البحر ..
وأكيد نصيحتك طالعة من قلب و من أخ لأخوه ..
وأنا قبل أشتري القارب زرت موقع Garooh.com الكويتي وقرأت المواضيع اللي تخص هذا القارب ..
وأخذت كلام الأخوان اللي مدحوا فيه وحتى اللي ذموا فيه على محمل الجد ..
وبصراحة العيب الوحيد اللي ذكروه هو التأرجح ..
ولكن الأغلب ذكروا العيب هذا مع حجم 20 قدم .. وأعتقد أن الـ 24 قدم قد يكون أقل تأرجح ..
وأنا مثلك تعجبني القوارب الأمريكية .. وأتمنى أقتني واحد في المستقبل إذا الله أراد ..
وزن القارب حسب ما ذكر لي مندوب المصنع في حدود 1070 كجم بدون المظلة والكونسول والمقاعد ..
وأعتقد أن مكينتين ياماها 150 حصان فور ستروك كاونتر روتيشن مناسبة جداً ..
في مثل هذه القوارب اللي تعتبر Pleasure - Fishing السرعة مطلوبة ..
ولكن من المهم أن يتحمل القارب القوة الحصانية ووزن المكائن ..
وفعلاً قبل رمضان تواصلت مع راعي الطراد العماني 24 قدم اللي أنت حطيت رابط له ..
وما قصر رد علي ومدح في القارب سواء في ممشاه أو في وقفته ..

وأنت بعد ما قصرت .. والصدور وسيعة لكم وبحبكم ..
وبالعكس أحنا اللي نشكرك على سعة صدرك ووقتك اللي خصصته لنا للمشاركة في الموضوع ..

والله يجزاك خير وموفق وين ما تروح ..

[camaro]

اخوي باختصار مصنع العماني من افضل المصانع وبالنسبه لأفضل شي عندهم حسب تجربتي 20 قدم مكاين 85-85
او مكينه وحده 200
اما ال24 قدم قليل وجوده بالكويت ما ادري ليش بس اذا تفكر ب 20 قدم خذ وانت مغمض وبالنسبه للسعر احس انه بالسعوديه اغلى ياريت تتاكد من المصنع بالكويت وبالتوفيج

[camaro]

وبالنسبه لل تأرجح ظلال ثابت راح يقلل التأرجح بشكل ملحوووظ

[سامي الحسين]

اخوي باختصار مصنع العماني من افضل المصانع وبالنسبه لأفضل شي عندهم حسب تجربتي 20 قدم مكاين 85-85
او مكينه وحده 200
اما ال24 قدم قليل وجوده بالكويت ما ادري ليش بس اذا تفكر ب 20 قدم خذ وانت مغمض وبالنسبه للسعر احس انه بالسعوديه اغلى ياريت تتاكد من المصنع بالكويت وبالتوفيج

هلا بك أخوي camaro ..

أنا أشتريت الطراد اللي واضح في الصور في بداية الموضوع ..
الطراد 24 قدم معروض في شركة الخريف .. والسعر نفس سعره في الكويت ..

[سامي الحسين]

وبالنسبه لل تأرجح ظلال ثابت راح يقلل التأرجح بشكل ملحوووظ

هو عليه ظلال ثابت مثل ما تشوف في الصورة ..
إن شاء الله يكون سبب في تقليل التأرجح ..

[عقام الرايس]

مالمقصود بالظلال الثابت ؟؟ هل هي المظلة ؟؟ وماهي علاقتها بتقليل التأرجح ؟؟

عموما طالما اشتريت الله يبارك لك وكما تفضلت كل عيب في القارب له ميزات في المقابل وكل شخص له نظره معينة

تحياتي

[sanad81]

السلام عليكم
أخوي الطراد موجود عندي وأنا من سكان الجبيل أذا حاب تجربه برسلك رقمي على الخاص ونتقابل وتجربه
الطراد كولتي ممتاز بس فيه شوي عيوب وحده منهم ثقله يعني أنا مركب 140 * 2 سزوكي فورستروك يجيب في ال 78 كيلو على البروانات 23

العيب الثاني الطراد يلعب في الموج الخفيف تلاقيه يطلع وينزل بس مو مناقز , على الخفيف

ميزته بالموج والله تحس نفسك راكب 28 ولا 30 يقص الموج قص والموجه ألي مايقدرها يطلعها وينزل , ما يناقز ولا يضرب

المشاكل هذي بعد البحث حلها الترنب تاب وخلال الأيام الجاية راح نركبه

في الحداق طبعاً ال V كله يعب يعني أكثر من 5 مايقدرون يصيدو بنفس الجهة من الطراد

عربتهم أكثر من رائعة


وأذا في أي سؤال رقمي 0508844834
دق علي ونفيدك

[سامي الحسين]

مالمقصود بالظلال الثابت ؟؟ هل هي المظلة ؟؟ وماهي علاقتها بتقليل التأرجح ؟؟

عموما طالما اشتريت الله يبارك لك وكما تفضلت كل عيب في القارب له ميزات في المقابل وكل شخص له نظره معينة

تحياتي

هلا أخي عقام الرايس ..

صحيح .. الأخ camaro يقصد المظلة ..
وأعتقد بسبب وزنها فهي تساهم نوعاً ما في ثبات القارب ..

الله يبارك فيك ..
وبأذن الله مع أول التجارب راح أفيدكم بمميزاته وعيوبه أن وجدت ..

[سامي الحسين]

السلام عليكم
أخوي الطراد موجود عندي وأنا من سكان الجبيل أذا حاب تجربه برسلك رقمي على الخاص ونتقابل وتجربه
الطراد كولتي ممتاز بس فيه شوي عيوب وحده منهم ثقله يعني أنا مركب 140 * 2 سزوكي فورستروك يجيب في ال 78 كيلو على البروانات 23

العيب الثاني الطراد يلعب في الموج الخفيف تلاقيه يطلع وينزل بس مو مناقز , على الخفيف

ميزته بالموج والله تحس نفسك راكب 28 ولا 30 يقص الموج قص والموجه ألي مايقدرها يطلعها وينزل , ما يناقز ولا يضرب

المشاكل هذي بعد البحث حلها الترنب تاب وخلال الأيام الجاية راح نركبه

في الحداق طبعاً ال V كله يعب يعني أكثر من 5 مايقدرون يصيدو بنفس الجهة من الطراد

عربتهم أكثر من رائعة


وأذا في أي سؤال رقمي 0508844834
دق علي ونفيدك

وعليكم السلام أخي sanad81 ..

مشكور ع العرض الحلو .. ما قصرت وأنا أخوك ..
الله يبارك لك في الطراد ويوفقك وين ما تروح ..

ومشكور ع المعلومات اللي ذكرتها .. إضافة جديدة للي سمعته عن الطراد ..
والعيوب تقريباً تتفق مع اللي ذكروه الأخوان وهي التأرجح ..
وهذا اللي يعيب القوارب على شكل حرف V مثل ما هو معروف ..

بالنسبة لي راح أركب ياماها 150 * 2 فورستروك كاونتر روتيشن ..
أتوقع بتكون مناسبة جداً ..
وترى سرعة في حدود 80 كم/ساعة تعتبر ممتازة ..

أنا حالياً أنسق مع ورشة الخريف بخصوص تجهيز الطراد ..
وأي نصيحة في هذه المرحلة راح أكون شاكر لك ..

[sanad81]

الله يوفقك وأن أحتجت لشي أو أي مشورة دق وأنا بالخدمة

[سامي الحسين]

الله يوفقك وأن أحتجت لشي أو أي مشورة دق وأنا بالخدمة

يخدمك المال والبنون ..
جزاك الله خير ..

[hadag3]

السلام عليكم
اخوي ابي افيدك ابمعلومة مكاين الفور ستروكً فيهم وزن كبير واكثر من ١٤٠ التو ستروكً يعني لو تاخذ ١٤٠ يكون سرعة الطراد فوق المعقولة واتزان وثبات كبير بالموج وعد الدق واعتقد راح يكون الاختيار الصحيح
اذا انت معزم علي ١٥٠ فور ستروك ماليك راي ثاني علي طول من غير حجي ركب الترنب تاب وراح يريحك ويحل العيب الي راح يكون بالطراد من جراء تركيب مكاين ثقيله بالوزن واعتقد سعرة بحدود ٢٠٠٠ ريال
الله يهنيك بالطراد ومصنع العماني عندنا بالكويت مشهود له وطراريدة من سنة ٩٢ للحين قاعدين نستعملها من ابدع ما يكون
الله يبارك لك بالطراد ويعطيك خيرة ويكفيك شره
امين يارب العالمين×

[عقام الرايس]

ماهو الترنب تاب ؟؟ هل هي اجنحة التوازن ؟؟

[سامي الحسين]

السلام عليكم
اخوي ابي افيدك ابمعلومة مكاين الفور ستروكً فيهم وزن كبير واكثر من ١٤٠ التو ستروكً يعني لو تاخذ ١٤٠ يكون سرعة الطراد فوق المعقولة واتزان وثبات كبير بالموج وعد الدق واعتقد راح يكون الاختيار الصحيح
اذا انت معزم علي ١٥٠ فور ستروك ماليك راي ثاني علي طول من غير حجي ركب الترنب تاب وراح يريحك ويحل العيب الي راح يكون بالطراد من جراء تركيب مكاين ثقيله بالوزن واعتقد سعرة بحدود ٢٠٠٠ ريال
الله يهنيك بالطراد ومصنع العماني عندنا بالكويت مشهود له وطراريدة من سنة ٩٢ للحين قاعدين نستعملها من ابدع ما يكون
الله يبارك لك بالطراد ويعطيك خيرة ويكفيك شره
امين يارب العالمين×

الله يجزاك خير أخوي hadag3 ..
أنا أرغب في مكائن فورستروك ..
واللي أقل من 150 هي 115 وأعتقد أنها أقل من المطلوب ..
علشان كذا راح أركب 150 ..
بس ما عرفت وش هو الـ ترنب تاب .. كيف كتابته بالأنجليزي؟