((((( رابطة ملاك الفتك )))))

[واثق الخطوه-]

ثاني يا اهي الغالي الفرارات حلوه جدا وتفرق بالموتر خفه يخف عليك مره وخاصه بالطرق السريعه واذا ماركبتها عادي واذا ركبتها ماراح تستغني عنها وشكلها حلو خاصه البرازيل الاسود كامل حق السليماني واذا بتركب الاكواع تركب على طول وتغطي الفرار وشكرا

هلا بك اخوي يعني لو ركبت الفرارات تركب فوقهن اكواب الوكاله يعني تتغطى الفرار ومايحتاج لقص

[واثق الخطوه-]

السلام عليكم سوال يااخوان غيرت زيت القير عندورشه العثمان وقال يتم تغييرالزيت عند كل 25الف كيلو صحيح ام لا كما طلب ان اركب اديترللقيرللحفاض علي القيرهل هوصحيح امل الافاده من الاخوان جزاكم الله خير

وعليكم السلام اخوي زيت القير يغير اول مره على 80.000 الف وبعدين تغيره كل 50.000 الف او 40.000 الف وهذا يرجع على حسب كرف الموتر اذا انت راعي مشاوير ورجلك حاره لازم ماتعدى 40.000 الف واذا محافظ على السياره لو تمشي عليها 80.000 الف مايضر وبالنسبه للرديتر التبريد ماعندي خلفيه عنه بس خله وكاله هم ابخص

[ايدي باور 4x4]

هلا بك اخوي ايدي بور والحمدلله على سلامتك

والله يعوضك على كل حال

وبالنسسبة للسعر ما قلت لنا المواصفات لان السعر حلو تحكمه المواصفات ، بس هل هو سفاري 1 او 2 او سوبر او sgl

وهل الموتر وقفته زينة في تهريبات

وش اللون ..؟

جرب الموتر وهل فيه قررة بالرابع دايما تصير بالقير العادي بالفتك .

وصدقني بتشتري النيسان الفتك وما اتوقع تدور له بديل

والله يرزقك باللي تتمناه ويريحك

الله يجزاك خير
الموتر لونه لؤلؤي ابيض كامل يعني الي فيابره الي فوق الكفر نفس لون السياره لان بعضها يجي اسود مديل 2004 فتك 4800 قير عايدي ماشي 277 الف بدي وكاله داخليه يبي لها تنظيف وتلميع فقط كامل المواصفات ماعدا فتحة السقف . وحده 65000 ريال وش رايك

[مقطع العروق]

اتكل على الله السعر حلووو ماشاء الله
افحصه زين عندك البريدي بالنسيم

وبشرنا وش يصير معاك

وخذا راء الاخوان اللي هنا وان شاء الله خير لان راي لحالي ممكن يعارض وممكن يقبل
والله يكتبلك اللي فيه خير

[مقطع العروق]

السلام عليكم سوال يااخوان غيرت زيت القير عندورشه العثمان وقال يتم تغييرالزيت عند كل 25الف كيلو صحيح ام لا كما طلب ان اركب اديترللقيرللحفاض علي القيرهل هوصحيح امل الافاده من الاخوان جزاكم الله خير

الوكالة تقول يغير زيت قير الفتك كل 100 الف واذا انت محافظ كل 80 الف وهي الافضل
براي الفني في الوكالة وبرأي انا ايضا واذا تغير قبل ال 80 الف ما عندك مشكلة تحافظ اكثر
وتخسر اكثر واكثر

وبالنسبة للتبريد مشكلة قير الفتك حساس وانصحك ما تتعبث فيه وان شاء الله الاخوان بيفيدونك
لان كلامي وجة نظر خاصة فيني

والله يكتب لك اللي فيه خير

[ابو عطر]

السلام عليكم
أخواني الكرام في يوم من الايام قررت تغير زيت القير(تماتيك) بعد ما مشئ الفتك 50كم ، فا رحت لم الوكالة و استشرت مهندس الاستقبال بتغيير زيت القير . فرد علي :.
زيت قير الفتك الأوتماتيك لا يغير ابداً و اذا انت حاب تتأكد راجع كتالوج السيارة . فقط يشييك عليه هل هو ناقص ام لا .
و أكد علي بشده ان يتم تغليق الزيت اذا كان ناقص من زيت الوكالة الخاص به .
إنتهاء

بنسبه لإيديتر القير اقول يا جماعه لا تحاولون ‘‘ تكحلونها همن تعمونها ‘‘
نصيحه خله شد بلد

[ايدي باور 4x4]

اتكل على الله السعر حلووو ماشاء الله
افحصه زين عندك البريدي بالنسيم

وبشرنا وش يصير معاك

وخذا راء الاخوان اللي هنا وان شاء الله خير لان راي لحالي ممكن يعارض وممكن يقبل
والله يكتبلك اللي فيه خير

مشكور يالغالي عسى الله يكتب لك الاجر ويقدم لنا ولك كل خير ويصرف عنا وعنك وجميع المسلمين كل شر واليوم اروح واشوف وان شاء الله خير

[راعي طويلات]

طيب يالغالي ماقصرت واذا انت خبير فيها وبالرياض مستعد اقابلك ونروح لورشة متخصصة مجربها يوزنها لي لان اللي راح بالسيارة السواق ( المعرض ) ولا حصلت الفاتورة

وانا طريت الوكالة لان عندي مشكلة وهي ان فيه تهريب في الكرتير الكبير حق القير وبالمرة اغير زيت والقير وهذي مكلفة شوي بالوكالة
والسيارة محتاج تصفية مكينة والظاهر بسويها عند البلاد لاني ما حصلت عند العضيب او المجد جهاز تنظيف البخاخات يعني يغيرون لك كل شيء بدون ما ينظيف البخاخات

بانتظار ردك
والله ييسر الامور

للاسف أني ماني بالرياض والإ أنا بالخدمة عموما الشغله هذي يسويها أي ميزان أو ميكانيكي ماهي صعبة وقلت لك ارجع للي ركب لك الكراسي علشان ماياخذ عليك شيء لانها من اختصاصه ومن بعد تركيبه وماينمع أنك تسأل المعرض عن اسم المحل وتروح له
والتهريب الي بالكرتير وش اسبابه هل الموتر جايه ضربات من تحت أو التهريب من وجه الكرتير(يمكن يكون قد أنفك قبل ولاركب صح)
عموما غير للموتر بواجي ركب له بلاتنيوم سعرها 240 ريال تجي 2004 وفوق وتركب لل3 و2 وفلتر هواء وصفاية بنزين وطقم سيور إذا يحتاج وشف اديتره إذا يطلب تنظيف أو تصييخ (ركب له مويه فورد خضراء واكسرها بموية مقطره) مع بلف الحرارة وتأكد من تماتيك المروحة أنه شغال
وإذا الموتر ماشيء فوق 250 ألف اختبر كويلاته إذا هي ضعيفة غيرها (غالية شوي)
وعاير زيت القير إذا لونه متغير ولافيه لزوجة وناقص غيره وإذا أموره تمام خله على حاله ولايحتاج تنظف البخاخات إذا الموتر مافيه مشاكل

[شحرور الدهنا]

هلا بك اخوي يعني لو ركبت الفرارات تركب فوقهن اكواب الوكاله يعني تتغطى الفرار ومايحتاج لقص

اي تركب وانا مركبهابدون قص وفراراتي البرازيلي الاسود اللي بدون غطا نيكل وطبعا جنوطي فتك 17

[أبوحسام 2010]

أخي ابو عطر حياك ربي

متي مابغيت تعال وجرب الموتر .

[مقطع العروق]

مشكور يالغالي عسى الله يكتب لك الاجر ويقدم لنا ولك كل خير ويصرف عنا وعنك وجميع المسلمين كل شر واليوم اروح واشوف وان شاء الله خير

العفو يالغالي وعسى الله يكتب لي ولك الاجر

وبشر وش صار معاك ..؟

للاسف أني ماني بالرياض والإ أنا بالخدمة عموما الشغله هذي يسويها أي ميزان أو ميكانيكي ماهي صعبة وقلت لك ارجع للي ركب لك الكراسي علشان ماياخذ عليك شيء لانها من اختصاصه ومن بعد تركيبه وماينمع أنك تسأل المعرض عن اسم المحل وتروح له
والتهريب الي بالكرتير وش اسبابه هل الموتر جايه ضربات من تحت أو التهريب من وجه الكرتير(يمكن يكون قد أنفك قبل ولاركب صح)
عموما غير للموتر بواجي ركب له بلاتنيوم سعرها 240 ريال تجي 2004 وفوق وتركب لل3 و2 وفلتر هواء وصفاية بنزين وطقم سيور إذا يحتاج وشف اديتره إذا يطلب تنظيف أو تصييخ (ركب له مويه فورد خضراء واكسرها بموية مقطره) مع بلف الحرارة وتأكد من تماتيك المروحة أنه شغال
وإذا الموتر ماشيء فوق 250 ألف اختبر كويلاته إذا هي ضعيفة غيرها (غالية شوي)
وعاير زيت القير إذا لونه متغير ولافيه لزوجة وناقص غيره وإذا أموره تمام خله على حاله ولايحتاج تنظف البخاخات إذا الموتر مافيه مشاكل

التهريب واضح يعني والمشكلة الوكالة يقولون موعدك قبل اجازة العيد
والله بعيد والسيارة استخدام شخصي
والموتر فيه تفتفه ورجة بسيطة
الكفرات تحتاج تغير والسيور تحتاج تغير والدينمو فيه صوت واحتمال اذا الميزانية زينة بغيره

بس مشكلتي الحالية مع الوكالة عشان ادخلها الصيانة عشان الكرتير حق القير
وبحاول اروح لهم الاحد واشوف واحاول معاهم وان شاء الله خير

[مقطع العروق]

الملااااااااااااااااااااااااك الظاهر انهم اقليه ....!!!!؟؟؟؟


وشفيكم بااااااردين وعددكم محدود

[ابوانس1122]

السلام عليكم
سؤال ؟؟؟؟؟؟؟؟
ما هي المواصفات
للسفاري 2 وسوبر سفاري
موديل 2008 و2009
تقبلو تحياتي

[مقطع العروق]

السلام عليكم
سؤال ؟؟؟؟؟؟؟؟
ما هي المواصفات
للسفاري 2 وسوبر سفاري
موديل 2008 و2009
تقبلو تحياتي

وعليكم السلام

حسب علمي
السفاري 1 يعتبر النوع اللي بعد ال sgl من ناحية المواصفات
السفاري 2 يعتبر الفئة اللي بعد 1 وتجي فرق عنه بمثبت سرعه ويجي فتحة بعضها بس قماش او مخمل ولا يجي جلد ولا يجي دوفلك وكون اما قير عادي ولا اتوماتيك ولا يجي فيه تحكم بالمسجل عن طريق الطارة يجي فقط بالسوبر
السفاري السوبر
يجي فل كامل يجي اتوماتيك بالغالب بانه يجي دوفلك وجلد وفتحة و و والى غيرها باختصار اذا تقصدر فروقات ميكانيكية ابد لا اما قصدك مواصفات اكسسوارات فالفروقات بين السفاري 2 والسوبر قليلة في اعلى فئة لهم وقد تم ذكرها

هذا حسب علمي والاخوان يصححون لي ويفيدونك اكثر



واسأل الله التوفيق للجميع

[الهكسان6]

السلام عليكم ورحمة الله وبركاته

اخواني اناا عندي فتك 2007 ، ومثل ما تعرفون " اصحاب الفتكات " مشكلة طبلون الفتك المزمنه

ان الطبلون مع الوقت يخترب بفعل حرارة الجو والشمس ويصير منتفخ تقول فيه الجدري

حبيت اطرح هذا الموضوع للفائدة العامة وش الحل اذا فيه محل متخصص بجده دلوني ؟