((((( رابطة ملاك الفتك )))))

[عبدالله 9437]

السلام عليكم ورحمة الله وبركاته

يالربع أبشركم إني صملت على فتك 2008 قير عادي والله ييسر

لكن يالربع اللي رددني فيه فيه قرة بالرابع ولا يقر الا بالرابع والقره تروح وتجي

فا وش رايكم وين البلا هل هو من القير او من الكلتش؟!!

وعليكم السلام ورحمة الله وبركاته

البلا من نحاسات القير

تصليحه يكلف تقريبا 1500 ولازم يفكون القير

طبعا القره هذي بأغلب الفتكات يعني تقدر تقول عيب مصنعي


موفق

[أبو سليمان...]

الله يجزاك خير وما قصرت

[طحنون]

مساءالخير للجميع
عندي مشكله لسيارتي نيسان باترول 2009 تماتيك رجه بالدرركسون مع المطبات وبعدها تختفي في ثواني طبعا نبي حل ومعرفه العطل لان الورش يجلس يجرب ويخسرك في القطع وشغل اليد

[ياسر الحباج]

مساءالخير للجميع
عندي مشكله لسيارتي نيسان باترول 2009 تماتيك رجه بالدرركسون مع المطبات وبعدها تختفي في ثواني طبعا نبي حل ومعرفه العطل لان الورش يجلس يجرب ويخسرك في القطع وشغل اليد

نفس المشكله بالضبـط

رحت للورشه وبعد الفحص طلب مني تغيير الآتي

ذراع دركسون وعمود دركسون أصلي وكبس لي الأذرعه + ثمان جلب !!

المهم واروح اسوي وزن اذرعه وترصيص ولسى الرجه موجوده

لكن اكتشفت تهريب بصوفة الدبل يسار امامي

هل تكون سبب في الرجه؟

لان الموتر يميل لليسار اثناء السير بشكل طفيف جدا

[abw1122]

اخوي شد على رمان الكفرات الاماميه

[طحنون]

تم الفحص في ورشه وتغيير ربلات المقص الثمان قطع بقيمه 280 ريال وتركيبها 200 وتغيير الرمان بلي الجهتين والمشكله مستمره حتى الان والورش مايبون يتوهقون لانهم ماهم عارفين وين المشكله بالتحديد
وننتضر الحل من باقي الاعضاء

[abw1122]

اخوي شيك على مساعد الدوده
ورمانات الركبه تجي فوق العكس وتحته
تشييك فقط
اذا تاكدت غيرها

[N.m.a]

http://www.mekshat.com/vb/showthread.php?t=565638
سؤال عن مواصفات الفتك

[طحنون]

غيرنا عامود التوازن ومافيه فايده بقيمه 600ريال طبعا ورشه متناقضه تماما ورش تقول غير كذا وكذا وورش تقول السياراه مافيها شي والوكاله يقولون بنغير المقدمه يعني عامودالدركسون والمساعد وعامود التوازن مع الربلات والكفرات

[زحلول]

صباح الخير
سجل فتك 2003

[زحلول]

انا صارت معي مشكلة الرجة وسويت له صيانه في الوكالة قلهم صيانة 100 الف حلوه
واختفت ،،واللي يسبب هالرجه كفرات البالون وجنوط تجاريه غالبا

وفيه ميزان يضبط هالشغله بعد ميزان البادية في الصناعية

[زحلول]

يااعضاء الرابطه انا معي الباترول وابي اعرف هل فيه دفلوك او مافيه لان مكان الفيش حق الدفلوك مغير وصاير مكانه دقمه المهم طلعتها وحصلت فيه سلك ماهو مشبوك ماادري هل هو حق الدفلوك !! ولنفترض ان الفرار حق الدفلوك مخلوع من اول كيف اشيك هل فيه شيء يوضح اذا كان بالفعل فيه دفلك
موتري فتك 2003 نص فل سعودي

[محمدالعريني]

ياخوان انا مركب هدرز سويدي كامل
من اكثر من سنه وملاحظ ان صوت الدبه مزعج كان الموتر يحن دايم
وش تنصحون ابي شي هادي ورخيص

[راع الباثفندر]

السلام عليكم ورحمة الله وبركاته

يالربع عندي موتر ولد عمي سوبر سفاري 2005 قير عادي
يواجه مشكله اذا سححب بريك الموتر يتفتف كانه بيطفي والبريك ضعيف
الله لايهينكم اللي واجه مثل هالمشكله وعنده الحل ياليت يفيدنا وله جزيل الشكر

مع العلم اني بالمنطقه الشرقيه بالدمام تحديدا

[najd_boy]

غيرنا عامود التوازن ومافيه فايده بقيمه 600ريال طبعا ورشه متناقضه تماما ورش تقول غير كذا وكذا وورش تقول السياراه مافيها شي والوكاله يقولون بنغير المقدمه يعني عامودالدركسون والمساعد وعامود التوازن مع الربلات والكفرات

السلام عليكم ورحمة الله وبركاته انا كانت معاي رجه بعد سرعة 40 تنتفض السياره
فحصتها قالو غير مساعد التوازن وربلات في العامود والحمدالله غيرتها وراحت الجيب الي فيه المشكله 1999 تكد من المساعد التوازن الي الي تحت والربلات مهمه وبعد كذا ارفع السياره بعفريته وهزز الكفارات الاماميه تكد انه مافيها فراغ والجنوط سليمه وبعد كذا التشخيص بيكون واضح