((((( رابطة ملاك الفتك )))))

[ابوسند9]

وعليكم السلام
بخصوص التضبيط زي ايش مثلا؟
والمساعدات ما راح تحصل افضل من اللي فيه شد بلد
وبالنسبه للحيه مشكلة الصدام اللي فيه اللحيه يختلف عن الصدام اللي عندك لانه يجي فيه خروم
وعلى العموم تقدر تركبها لكن يبغى لك واحد فنان لان تطبيقها صعب شوي وممكن مع اي مطب تتفكك
وانا خابر الحمراني يبيعها بحدود 1500 ريال ولون اسود ويبغى لك رش ب 300 ريال
لكن لو لك زرقه للامارات موجوده هناك واصليه ومرشوشه من المصنع ب 1050 درهم واي لون موجود
وبالنسبه للجنوط اللي عندك انتبه تفرط فيها لانها اجمل واغلى جنوط طلعت للفتك
والبالون اكيد ركب مقاس 16 لكن انتبه البالون تالي كثر فيه الغش

[صالح ابو لمار]

اخواني الكرام ..

بغيت اسال ولكن ابي شخص مجرب افظل ( طبعاً موتري فتك 2009 )

ايهما افظل مساعادات جيب ربع قدام
وورى جيب في اكس ار 97

او منرو

مع ان منرو عليها ضمان مدى الحياة بشرط ارجعها بدون اي طعج على المساعد

انا ابغير لكن مابي الموتر قاسي

مركب يايات استراليه قدام وورى

لكن وجه الموتر يلعب شوي ..

[الرمادي2004]

السلام عليكم ورحمة الله وبركاته

عندي فتك 2004 رمادي مجهزه للاستعراض

بديه مشدود كامل قبل لايتجهز كل شي جديد من الوكاله للسيفتي

من جانبينات وطيات وجامبين رود وبوشات وغيرها من الاغراض وكلها من الوكاله

وماستعملته ولا مره من يوم ماجهز

عليه بيبات امان من كراج توب كام

4 بيبان ورفرفين وبانه فيبر من كراج توب ار بي ام

شغل هد كامل كامات صبابات سبرنجات حفه وبوردنج شغل الامارات كراج السيم

فلتر ريس k&n ودبة كراش معكوفه

مبرمج بيوني جب وعليه كلج مكلاود دبل جديد

كل الاغراض جديده مافيه ولاشي مستعمل وعليه شواهين جداد وبرجستن نحل قدام

ومعاه رنقات فتك اصليه مصبوغين لون ازرق يلمع

انا حاده ب 80 الف وهو كلفني اكثر من هالسعر بواجد

للاستفسار والمعاينه المراسله على الخاص او رقمي موجود في خيمة بيع وشراء السيارات

عنوان الموضوع فتك مزود ومخفف وفيه صوره

[the_gold]

بيض الله وجهك يبو سند كفيت وفيت
عندي كذا استفسار بخصوص اللحيه
كلمت واحد قالي رح للغرابي ان كانك تعرفه
ووصف لي على محل اسمه ميث العالميه
قال عنده لحية باترول ؟!
مادري شرايك ؟؟
بخصوص المساعدات الي راكبه في موتري منتهيه ومنزله الموتر
اما قصدي بمقاس البالون ارتفاعه 900 او كم اخذ

[the_gold]

وبخصوص قربعة الشنطه مالها حل ؟

[ابوسند9]

بيض الله وجهك يبو سند كفيت وفيت
عندي كذا استفسار بخصوص اللحيه
كلمت واحد قالي رح للغرابي ان كانك تعرفه
ووصف لي على محل اسمه ميث العالميه
قال عنده لحية باترول ؟!
مادري شرايك ؟؟
بخصوص المساعدات الي راكبه في موتري منتهيه ومنزله الموتر
اما قصدي بمقاس البالون ارتفاعه 900 او كم اخذ

ووجهك ابيض
والله يا الغالي
انا رجال ما اعترف بشي اسمه تجاري وشغل قص ولزق وغلاء على غير سنع وبعد فتره طايحه اللحيه
لان لحية شد البلد قويه لدرجه ما تتخيل ويجي معاها مشبكيات خاصه وسبق صدمة نفود صدم والله اني توقعت ان الوجه كامل انعدم مع الشمعات والشبك وبعد ما نزلت ماشاء الله ما كائنه صاير شي
لذا انت بالخيار روح للمحل وشوف شكل اللحيه والبويه هل قريبه للون الصدام ام لا وشوف كيف راح يركبها لك وللعلم المفترض انه يكون معاها ربل صغيرابيض يكون بين الصدام واللحيه نفس اللي على الرفارف ويكون معاها صاجه او بليته حديد تكون من اول اللحيه الى اخرها
اما بخصوص المساعدات
نزول السياره ماله دخل با المساعدات اللى اذا كانت المساعدات متفقعه وطالع منها زيت ولو ركبت اي مساعدات ماراح تستفيد ,لانه على اسمه مساعد فقط في المطبات
لذا ما ينفع معك اللى كعكات اذا كان ما عندك حمل
اما اذا كنت تحمل اغراض وغيرها فلابد من الياي الاسترالي
وبخصوص البالون
المشكله ان الانواع التي تباع الان تباع على انها اصليه زي السابق لكن للاسف اغلب المحلات يحلف لك انه اصلي وهو كذاب ويقولك ضمان والبالون ماعليه ضمان لدى الوكلاء في جميع دول العالم
يعني اللى كان يصنع بتايوان الان يصنع في فيتنام واللى في تيلند الان يصنع في تايوان وهكذا ولا تستعجل وتركب والبالون علم ثاني
واكيد لو بتركب ركب مقاس 900 , 8 كاندس او غاط
وبالنسبه للابواب حاول تشوف ميزانية الابواب او كل فتره سو او لف تيب شطرطون على مسكات الابواب اللي فوق مره واللي بالباب الكبير بالنص

[the_gold]

الله لايهينك يبو سند
باستشيرك بشي
لقيت كفرات مستعمله هنا بالموقع تاريخها ٢٠١١
ماكسس فتنام
راعيها يقول الاربع تنسن بعد فتره والحل استك
انا ابي اجرب البالون فتره ان اعجبني شريت جديد

[the_gold]

اي زيت تغيرون ياشباب
موتري ٢٠٠٩

[ابوسند9]

الله لايهينك يبو سند
باستشيرك بشي
لقيت كفرات مستعمله هنا بالموقع تاريخها ٢٠١١
ماكسس فتنام
راعيها يقول الاربع تنسن بعد فتره والحل استك
انا ابي اجرب البالون فتره ان اعجبني شريت جديد

والله يا خوك الماكسس له كم سنه انت وحظك
ممكن تركبه وكل اسبوع منسلخ عليك كفر
ومشكلته برضه الترصيص يبغى احينا كل كفر 300 جرام رصاص
والمشكله الكبرى ممكن كل ثلاث ايام لازم تمر البنشر تعبيهم هواء لانه ينسم مع الاجناب
واللستك ما ينفع ابد للبالون لانه لو بتروح للبر وتنسم الكفرات اي شي يبنشر فيه حتى لو شوكه صغيره
لكن بدون لستك لو يدخل مسمار او شوك ما بنشر
يعني صناعة البالون تختلف عن باقي الكفرات
وقاعدة حطها براسك البالون في الشعبان والحجر ما يبغى هواء ابد يعني لازم تخلي الهواء من 15 الى 20 اكثر من ذالك راح يشغلك بالبنشره
وبالنسبه للزيت افضل شي التر سفن
6.5 لتر بدون سيفون
و 6.8 لتر بسيفون وحسب ما هو مكتوب عندك بالكتالوج

[صاحب فتك 2005]

السلام عليكم مساء -صباح الخير

شلونكم يالربع الفتك معاي مطبه كثير ناس قالو من الكفرات وش افضل الكفرات يوكوهاما والا هنكوك والا دنلوب

[بايسن حار]

بخصوص اللحيه
موجوده في الغرابي وموجوده عند العليان على خريص .. كلها تجاري ومشي حالك
فيه مشرف قطع الغيار والاكسسوارات هنا في مكشات اسمه كنق التعديل
يجيب لك من الامارات صدام وفيه لحيه بـ 1700 ويشرطها لك وقويه جدااا

[google-999-]

يا اخوان من يخبر لي مراتب فتك دورت بالتشاليح ولت لقيت

[صالح ابو لمار]

السلام عليكم مساء -صباح الخير

شلونكم يالربع الفتك معاي مطبه كثير ناس قالو من الكفرات وش افضل الكفرات يوكوهاما والا هنكوك والا دنلوب

بالنسبه لي جربت الدنلوب والهانكوك

الدنلوب خذ عمر وقوة ماينمسح بسرعه خاصه بالمناطق الجبلية

اما الهانكوك ممتازة جداً لينه ةمطبها حلو
والبنفود افظل

والخيار لك طبعاً ..

[صالح ابو لمار]

حبية اطرح عليكم تجربتي مع التقطيع ( التفتفه ) وصعف العزم

بالاول غيرت نوع البنزيل من ( 91 ) إلى ( 95 )
وتغير العزم نوعاً ما ولكن ليسى بالمستوى المطلوب او المتوقع

قمة بتصفية المكينة من بواجي وصفاية البنزيل
وتغير العزم للافظل
ولكن عند التوقف والسيارة شغالة تحس بالموتر فيه رعشه خفيفه

وانا من الاشخاص الدقيقين بالموتر مره

وصفلي احد الاخوان كهربائي ممتاز وقالي رحله

وفعلاً رحتله وقالي هذا حساس الهواء يحتاج تنظيف واذا ما ضبط غيره ويضبط الموتر

وفعلاً نظفه لي وطلع ولله الحمد ممتاز والعزم ممتاز

وكذلك نظف السلف لنه كان يجرس ودقته ضعيفه وطلع ممتاز بالحيل ..

[x.ls1.x]

اخواني مطلوب جنط واحد هلل 16 6 مسامير