السلام عليكم ورحمة الله وبركاته ،،
واسعد الله اوقاتكم بالمسرات ايها المكشاتيين الكرماء ،،
اعتذر للجميع عن الانقطاع المستمر كنت مشغول بعدة اجتماعات يوم الاربعاء والخميس
وومشاغل الجامعة ايضا << ياكثر اشغالك يا نائب الوزير
المهم جاييكم ان شاء الله بكل علوم طيبة وابشرو بعزكم يالنشامى ،،
المشاركة الأصلية كتبت بواسطة الساهر 3
السلام عليكم سوال يااخوان غيرت زيت القير عندورشه العثمان وقال يتم تغييرالزيت عند كل 25الف كيلو صحيح ام لا كما طلب ان اركب اديترللقيرللحفاض علي القيرهل هوصحيح امل الافاده من الاخوان جزاكم الله خير
بالنسبة لتغيير زيت حسب علمي او مرة تغيره من 80-90 الف كيلو ثم بعدها اذا غيرت الزيت بنوع اصلي مثل حق الوكالة او الكتلوج من 60 - 70 الف كيلو ( حسب اراء المجربين والمختصين والفنيين ) و بالنسبة لتركيب اديتر اضافي للقير فهو احتياط وأأمن للقير من التخبيط والتلف فالايام المقبلة ،، حسب كلام المختصين ان السيارة اذا تعرضت لجلد وشد وجور مستمر ودائم في البران والشعبان والطعوس فإن تركيب اديتر اضافي شيء مهم لهذا الاستخدام الحاد والزائد على السيارة ،، اما اذا لم تتعرض لجلد وشد وجور فيما سبق فلا يحتاج مالك السيارة بإذن الله ان يضع اديتر اضافي للقير ( لأن قائد السيارة اساسا لم يعرض الموتر للمخاطر فلا يحتاج الى اديتر اضافي للقير )
المشاركة الأصلية كتبت بواسطة واثق الخطوه-
هلا بك اخوي يعني لو ركبت الفرارات تركب فوقهن اكواب الوكاله يعني تتغطى الفرار ومايحتاج لقص
حياك الله اخوي ،، يالنسبة للفرارت انا ركبت على 2009 فرارات برازيلي نيكل وقصيت الكوب او الكوع (مقاس الجنط 16 ) اصلا الكوب او الكوع مايركب على الفرار الا اذا كان الكوب تجاري ( التجاري اكبر واوسع قميته = 10-15 ريال ) احتمال وارد ان الفرار الاسود يركب عليه الكوب ( معي اني اشوف النيكل والاسود نفس الحجم اذا ماني غلطان ) انا اضطريت اني اقص الكوب ( شكله وهو مقصوص مقبول لا بأس به ) بالنسبة لجنط 17 اتوقع نفس حجم الكوب يعني لو ركبت على جنط 16 او جنط 17 تضطر انك تقص الكوب او تركب كوب تجاري بدون قص ،،
اتمنى تكون الفكرة وصلت ،،
المشاركة الأصلية كتبت بواسطة ابو عطر
السلام عليكم
أخواني الكرام في يوم من الايام قررت تغير زيت القير(تماتيك) بعد ما مشئ الفتك 50كم ، فا رحت لم الوكالة و استشرت مهندس الاستقبال بتغيير زيت القير . فرد علي :.
زيت قير الفتك الأوتماتيك لا يغير ابداً و اذا انت حاب تتأكد راجع كتالوج السيارة . فقط يشييك عليه هل هو ناقص ام لا .
و أكد علي بشده ان يتم تغليق الزيت اذا كان ناقص من زيت الوكالة الخاص به .
إنتهاء
بنسبه لإيديتر القير اقول يا جماعه لا تحاولون ‘‘ تكحلونها همن تعمونها ‘‘
نصيحه خله شد بلد
بالنسبة ( لتغيير الزيت ) انا اعرضك وبشدة ،، القير الاوتو يتغير زيته باستمرار والدليل اغلب السيارت القير الاوتو يغيون زيت القير تبعا ( اصلا الوكالة قبل تطلع السيارة من عندهم تقولك انتبه لزيت القير غيره باستمرار ، وايضا اغلب المكيانكينين ينصحون بتغيير زيت القير حماية وخوفا على القير من تآكل التروس والكلتشات ومن ثم تكثر الاعطال ويبدأ مشوار التخبيط الذي لا ينتهي )
اما بالنسبة للاستفسار الثاني ،، اقولك المبرد الخارجي مهم ومهم ومهم لأهل الجلد والجور والشد على السيارة باستمرار في البران او الطعوس والشعبان خوفا وحماية للقير من التسخين ثم التخبيط ،، اما اللي سواقته هادية داخل المدن وخطوط وبران على خفيف هذا في الغالب لا يحتاج الى ترهيم او تركيب مبرد خارجي للقير ،،
اتمنى ان تكون الفكرة وصلت ،،
المشاركة الأصلية كتبت بواسطة شحرور الدهنا
اي تركب وانا مركبهابدون قص وفراراتي البرازيلي الاسود اللي بدون غطا نيكل وطبعا جنوطي فتك 17
كلامك على الراس وعلى العين ،، اذا اتوقع وحدة من الثنيتن :
1- ان يكون الفرار البراازيلي الاسود اصغر من الفرار النيكل .
2- او ان تكون مركب كوب او كوع تجاري ( لأن التجاري اكبر واوسع )
وانا اشوف الاحتمال الاول هو الصائب اكثر من الثاني ،،
المشاركة الأصلية كتبت بواسطة واثق الخطوه-
السلام عليكم ورحمة الله وبركاته
اخوي محامي وراط الله لايهينك معي فتك 2009 تنصحني اركب فرارات برازيليه وارد السليماني بس هل فيه فرق لو ماركبتها يعني فرق عندك الموتر وشكله على جنوط الوكاله زين وهل قصيت الكوب حق الجنط
نعم انصحك وبشدة لاسباب مهمة وفوائد جبارة :
1- الحفاظ على العمود والصلبان من الاعطال و الرجة مستقبلا.
2- تقليل من استهلاك الوقود بشكل ملحوظ على المدى البعيد .
3- خفة الدركسون واداء رائع في قومة الموتر بشكل ملحوظ .
4- لا تحتاج الى وقت وسهولة فصلها وشبكها يدويا من الجهتين للكفر .
والموتر اشوفه فرق معي ( مع اني ما استخدام الموتر بشكل دائم ولكن حسيت بالفرق )
وبالنسبة للكوب او الكوع اضطريت اقصه لأنها ماركب على الفرار ( شكل الكوب وهو مقصوص مقبول وان شاء الله بحاول انزل له صور في اقرب وقت )
المشاركة الأصلية كتبت بواسطة مقطع العروق
يالغالي انا ما شرهت على انشغالك
وحنا نعين ونعاون اخوي محامي
ولكن بسبب التسمية انها من 2005 الى 2009
وليه ما تكون من ظهور الفتك 2002 الى 2012 ....؟
هلا بك وحياك الله يالغالي وجعلك تسلم وما قصرت ،،
التسمبة ذكرتها لسبب ان الشكل الخارجي والديكورات والتعديلات التي يجريها الاعضاء على سياراتهم تتناسب مع الموديل 2005 -2009 بشكل اكثر ،،
واذا الاعضاء يبونها من 2002 فلا مانع ولكن هناك اختلاف في الشكل والديكوات و..
وانت ابوها وسمها طال عمرك ،، الاختلاف في الراي لا يفسد للود قضية