((((( رابطة ملاك الفتك )))))

[ابوسند9]

ابو سند بارك الله فيك وبيض الله وجهك على خدمة الناس وابشر بالخير من الله
اخوي جزاك الله خير ابي حل لمشكلة الوك وانت قلت لي انفخه نفخته بلي الهوا ومافاد

هلا فيك اخوي البدر ,,ووجهك ابيض ومن يقراء
وو الله يا الغالي ان المشكله عندي من زمان وما فضيت اشوف وافحص من وين المشكله واشتريت الباترول الجديد ,والفتك له اربع شهور واقف ,ومشكلة جهاز الدفلوك مشكله عجزت اعرف لها مره يشبك ومره لا ومره تولع اللمبه وانت تمشي.
لكن بقى اخر حاجه تجربها انك تفك جهاز الدفلوك الي با الكبوت وتشتري بخاخ بنزين لونه برتقالي ب 10 ريال وعليه رسمة كبليتر وتنضف الجهاز وبعدها تنظفه با الهواء وبعد يوم تركيبه وتجرب ,,
واذا ما تغير شي افحص الليات من والى لاتكون فيها قطع او تنسيم ,
او نك تشوف حد معه نفس سيارتك وفيها دفلوك وتفك الجهاز وتجرب ,,لا ن قيمته جديد اعتقد ب 400 ريال واخاف تشتريه وتطلع المشكله مو منه

[البدر 707]

انا قلت لك الله يحفظك ان الجهاز شغال لكن يوم فكيت الليات واحد دفعه ظعيف والثاني قوي وظربته بمفك يقوا الهوا ويظعف هذي المشكله لكن مايشبك

[ابومالگ79]

السلام عليكم
ياشباب عندي الموتر ينقص ازيت
مايوصل حتي 3000
يصل الي علامةL
ازيت سوبر جي تي
الي انا اغير

السلام عليكم ورحمة الله وبركاته
من كبر الخط محد انتبه ههههه
وليت تفيدوووني بم ان السياره مافيها اي مشكله واضحه
واي زيت افضل للفتك

[يآسر]

ابو سند الله يجزاك الجنه ،


فضلا وليس امرا تزودنا باسماء الورش المتمكنه بالفتك والملمه باغلب الاعطال ،

طبعا بمنطقة القصيم وبريدة تحديدا ،

شاكرين ومقدرين مقدما ،

[vtc 2007]

رحت للغرابى محل الزهرانى ولا حصلت عنده نوع فلبس قال عندى نوع انوسترام على مااعتقد اسمها كذا
وقال تحصل الاصلى عند محل العوبثانى الكبير ورحت له وحصلت عنده نوعين فلبس اصلى بسعر 500للطقم
واحد كرتونه اصفر
والثانى كرتونه سماوى
اختر الى كرتونه اصفر والحمد لله الاضاه ممتازه
ويعطيكم العافيه

[---ابو يوسف-]

ياجماعة الخير الفتك كم يمشي فل التانكيين بالخط علي سرعة 140 الي160
وهل هو مريح وراسي

[عزوز تبوك]

ياشباب عندي استفسار عن استخدام الفتك من 2007 إلى 2009
من ناحية الاعطال , واسعار القطع , العيوب والمميزات , وما رأيكم بمبيعات ارامكو موديل 2008 . لأني محتار بينه وبين الجمس 2008 , وبصراحه أنا أفضل الفتك القير تماتيك , لكن البعض يقول الفتك معقد اذا خرب تصليحه صعب, واذا جيت تبيع مايجيب قيمه , اتمنى تفيدوني عنه بشكل كامل , جزاكم الله خير

[ابواورنس]

السلام عليكم×
اخواني انا بفضل اللهىمعي باترول فتك 2002×
حولت قيره من اوتو الى عادي والحمد لله كل الامور تمام
لاكن عندي كوارين الموتر حقات الاوتو ميزتهن للخط لاكن العزم يقل
يعني تقلل صرفيت البانزين×
وانا ودي ابدلهن بكوارين قير عادي امامي وخلفي×
ابادله راس براس بشرط ان كوارينه مقفله وماقد فكت×


0562888898 واتس او اتصال

×

[سعودأبوفهد]

يالربع طيب اذا دعست للموتر اسمع صوت بالمكينه كانه صوت جنزير ؟

[سعودأبوفهد]

اول شي سلام عليكم

معي فتك 2009 ومبطه احس ثقيل وقوي شوي

المهم الناس كلن يعطي من رايه الي يقول ركب مساعدات شاص طقم والي يقول فكسار والي يقول مساعدات استراليه .. لكن واحد ثقه معه باترول 97 يقول ركب قدام شاص وورى فكسار وركب ياي استرالي ومع البالون بتشوف فرق المطب !
انتم وش رايكم ؟

وياليت يكون فيه تفاعل الرابطه نايمه ..

شاكر لكم تعاونكم

[ابن البواردي]

وعليكم السلام
هلا اخوي سعود ابو فهد االله يبارك لنا ولك ولمن يقرا
انا معي فتك 2009 وكان مطبه عادي لكن كان بالخط يلعب من ورا وغير راسي وركبت له يايات استراليه ومساعدات بلده قدام والخلفيه مونرو صفر والحمدلله ولا احلى بالخط والبر والديره

[فيصل محمد]

من يخبر فتك للبيع

يضع لونهى وموديله وكم ماشي وسومته

مشكورين

[سعودأبوفهد]

وعليكم السلام
هلا اخوي سعود ابو فهد االله يبارك لنا ولك ولمن يقرا
انا معي فتك 2009 وكان مطبه عادي لكن كان بالخط يلعب من ورا وغير راسي وركبت له يايات استراليه ومساعدات بلده قدام والخلفيه مونرو صفر والحمدلله ولا احلى بالخط والبر والديره

الله يجزاك خير ..

فعلا لاحضت اللعب بالخط ..

لكن تنصح اركب مثل ماركبت انت

[عبود بلاص]

السلام عليكم ورحمه الله وبركاته
تحية طيبة الى كل المشرفين والاعضاء والزوار بمنتدى مكشات اخواني عندي مشكله في امبير البنزين نوع السياره باترول 2009 سوبر ماسك على ثلثين التانكي ماينزل وكذا مره يوهقن ويقطع بنزين الكثير يقولون انه فيه خلل بالاسات .... الي يعرف محل بعنيزه يصلحها ويضمن تصليحه يدلني عليها

[المستشار 1]

سجلوا معاكم فتك 2009 دفعه ثانيه
خزانين وثلاجه ومكيف مركزي

على يدي من الوكاله والصيانه بالوكاله ماشي 180000

امس حدثت مشكله بالتكييف وهي قد حدثت العام لكن تجاهلتها
لما احط الفرار على رقم 4 يلذع فيوز المكيف ويطفي وقوة دفع الهواء اشعر انها مش ولا بد من فتره
اليوم غيرت الترموستات وشاف الكهربائي المروحه شغاله ولا فيها التماس ونظف المكيف
لكن لازالت المشكله على رقم 4

اللي لاحظته اليوم بعد ما ركب المكيف وشغلت السياره ولعة لمبة ( SUB TANK) وبتلت معلقه
قال لي افصل اصبع البطاريه ساعتين وعاود وصله يمكن تروح
الكهربائي حسيته مو متمكن

احد له راي يسعفنا فيه