((((( رابطة ملاك الفتك )))))

[محامي وراط]

السلام عليكم ورحمة الله وبركاته ،،

اسعد الله اوقاتكم بالمسرات يا ملاك الفتك ،،

اعتذر لأنشغالي عن الرابطة بسبب الجامعة واشياء أخرى ،،

ولكن سأتواجد بإذن الله معكم فالرابطة في الايام القادمة بشكل مستمر بإذن الواحد الاحد ،،

ولي عودة للرد على مشاركاتكم جميعا ،،

[هاااوي ثادق]

هلا والله بمحامي وراطينا
بعت الباث والا ايش

[مقطع العروق]

استفسرت اليوم عن الخلل الكهربائي بالصناعية القديمة

السيارة طبعا تشتغل بوضع ال N ولا تشتغل بوضع ال P والمشكلة هذي صارت معي بعد تغير
كرسي القير بعد رسوبه بالفحص الدوري

وقالولي الكهربائيون بالصناعية القديمة ان المشكلة في القير وهي وزنية بسيطة وقالوا انها مثل ( الشريحة )

والصراحة انا خفت وقلت الظاهر بخلص كل شيء بالوكالة وياليت من صار له مثل هالشيء يخبرنا

..

وبالنسبة لك اخوي محامي انا شرهان عليك بالحيل .... وترجع لنا بالسلامة

[محامي وراط]

سلام عليكم

ياجماعة ودي استشيركم في الفتك 2008 او 2009 القير تماتيك
هل خرباته ومشاكله كثيره ؟
كيف صرفيه في الديره والخطوط؟

اتمنى الرد خصوصً من المجربين
لاني ناوي اشتري لي واحد

وعليكم السلام حياك الله يالغالي ،،
شف يا طويل العمر مافيه موتر على وجه الارض مايشكي من خرابات لكن الكلام على حسب الاستخدام وملاحظة القطع الاستهلاكية وتغييرها بين فترة وفترة
وكل هذا كوم وزيت القير كوم آخر ،، احرص اخي الكريم على تغيير زيت القير مابين 80 - 90 الف كيلو واحرص ايضا على زيت القير الاصلي سواء من الوكالة او غيرها ،،
اما بالنسبة للصرفية من وجهة نظري صرفيته جدا حلوة ومناسبة :
يمشيك في الديرة من 550 - 600 كيلو ( كلا التانكيين او الخزانيين )
وفي الخط على سرعة 120 كم ما يقارب 700 كيلو ( كلا التانكيين او الخزانين )
نوع البنزين : 91 اخضر + مركب فرارات برازيلية وارد السليماني

هلابك اخووي ..

بالنسبه لمسمار اللهاة انا معي فتك 2008 ومخلي المسمار لكني ملحمه عند الخضير ببريده
يعني ماراح تخسر اذا لحمته بـ150 ريال .. وعلى فكره ترا مشكلة مسمار اللهاة حلوها الوكاله من 2007 وطالع لان الموتر صار مايتفتف وهالشي
قضى على مشكلة مسمار اللهاة اللي كانت بالباترول 2005 وتحت ..

والله اعلم انا مجرد اني اعطيك رايي يالغالي والله يوفقك ..

ما شاء الله تبارك كلام سليم 100% ولا عليه أي غبار ،،

انا معي حاليا فتك 2009 ما شلت مسامير الثلاجة ولا لحمتها لأنه تم حل هذه المشكلة من 2007 وفوق ( وهو إزالة التفتفه والتقطيع ) وبالتالي تبقى المسامير ولا تسقط ابدا ،، لذلك حط رجليك ويديك في موية بارد ونم وانت مطمن ،،

اما اذا تقول والله انا خايف تطيح مع تطعيس او جلد او جور في الشعبان والبران فأبسط وارخص حل لك تلحمها مثل ما قال اخوي عبدالله لحام بارد ولا يردك الا شعيب الطوقي اوفياض الصمان او طعوس ام حزم ..

اخوي ابو واافي او الاخوة العارفين لهذي الطقة
وين مكان العمود هذا او وش اسمه الدارج

كذالك

* ما تخبرون لي (هوك شد بلد) باترول ... موديل حديث .

* وش افضل نوع (فرارات) باترول ... و كم السعر و وين احصلهن بالقصيم .

كل الشكر مقدماً

بالنسبة للعمود لاأعلم عنه شيئا ولم يخرج حتى الآن صوت طقة عندي فالسيارة ولله الحمد والمنة ،،

بالنسبة للهوك : انا نصحك تروح للتشليح اللي عندك فالقصيم اتوقع بتلقى وبسعر مناسب ،،

بالنسبة للفرارات : انا مركب حاليا على فتك 2009 فرارات برازيلية ( نيكل) وارد السليماني (فرع الرياض - حي المرسلات )حلوة وعملية ولا أحد شكى منها في شيء ( التكلفة 550 ريال شاملة التركيب)

اتمنى اني قدمت لكم شيء يفيدكم ولو بقليل وشكرا لكل من سأل عني

فأنا موجود ولكن كنت مشغول بالجامعة وبمشاغل أخرى ..
الله لا يشغلنا الا بطاعته ،،

ودمتم بحفظ الله ورعايته ،،

[محامي وراط]

هلا والله بمحامي وراطينا
بعت الباث والا ايش

هلا بك يا هاوي ثادق << مالي غنا عن الباث فهور موتري الاول والاخير
ولكن عندي الباترول تبع الوالد أخذه احيانا واعدل واغير وانت عارف ...
((( الجيب بليا تعديل او تضبيط ما ينفع )))

استفسرت اليوم عن الخلل الكهربائي بالصناعية القديمة

السيارة طبعا تشتغل بوضع ال N ولا تشتغل بوضع ال P والمشكلة هذي صارت معي بعد تغير
كرسي القير بعد رسوبه بالفحص الدوري

وقالولي الكهربائيون بالصناعية القديمة ان المشكلة في القير وهي وزنية بسيطة وقالوا انها مثل ( الشريحة )

والصراحة انا خفت وقلت الظاهر بخلص كل شيء بالوكالة وياليت من صار له مثل هالشيء يخبرنا

..

وبالنسبة لك اخوي محامي انا شرهان عليك بالحيل .... وترجع لنا بالسلامة

لو عندي خلفية او علم عن مشكلتك لأخبرتك في الحال يخوي ولكن دون جدوى

ومن حقك تشرهـ لكن الجامعة وبعض المشاغل هي اللي خذت من وقتي

وان شاء الله اكون متواجد معكم وعند حسن ظنكم

الى اللقاء ^_^

[واثق الخطوه-]

السلام عليكم ورحمة الله وبركاته

اخوي محامي وراط الله لايهينك معي فتك 2009 تنصحني اركب فرارات برازيليه وارد السليماني بس هل فيه فرق لو ماركبتها يعني فرق عندك الموتر وشكله على جنوط الوكاله زين وهل قصيت الكوب حق الجنط

[مقطع العروق]

يالغالي انا ما شرهت على انشغالك

وحنا نعين ونعاون اخوي محامي

ولكن بسبب التسمية انها من 2005 الى 2009

وليه ما تكون من ظهور الفتك 2002 الى 2012 ....؟

[ابو عطر]

ابو حسام2010 &&& مقطع العروق &&& محامي وراط
جزاكم الله كل خير على اضافاتكم

اولا جربنا سالفة التشحيم ولا راح الصوت ودي لو يحصل وقت لي ولك اقابلك وتجرب السيارة طبعا لقريب مديلها 2008 ويطلع صوت رغم التشحيم

نفس الكلام

[راعي طويلات]

استفسرت اليوم عن الخلل الكهربائي بالصناعية القديمة

السيارة طبعا تشتغل بوضع ال N ولا تشتغل بوضع ال P والمشكلة هذي صارت معي بعد تغير
كرسي القير بعد رسوبه بالفحص الدوري

وقالولي الكهربائيون بالصناعية القديمة ان المشكلة في القير وهي وزنية بسيطة وقالوا انها مثل ( الشريحة )

والصراحة انا خفت وقلت الظاهر بخلص كل شيء بالوكالة وياليت من صار له مثل هالشيء يخبرنا

المشكلة من وزنية كرسي القير ولايحتاج تروح للوكالة ارجع للورشة الي ركبوا لك كرسي القير واطلب منهم يوزنونه لك بنفس وزنيته أول (هم راح يرخون لك مسمار الكرسي وأنت راح تكون بالسيارة بوقتها وهي طافية القير خله بالفاضي N وإذا ارخى المسمار أرفع أنت القير لل P وقله يربط ) بعدها بيرجع موترك مافيه خلاف وبيشتغل بوضعية P

[ايدي باور 4x4]

السلام عليكم ورحمة الله وبركاته

قدر الله وما شاء فعل والحمدلله على كل حال

يوم السبت الماضي تعرضت لحادث واحد طلع في وجهي وخبطته والحمدلله سلمنا وموتري يبيله شغل واجد لان الايرباقات طلعت والوجهيه كامله راحت وتقدير قطع الغيار اللازمه مكلفه جدا بحدود 37000 ريال غير شغل اليد حوالي 10000 ريال وننتظر نخلص اجراءات المرور ونشوف التأمين وش يقولوا .

المهم انا ودي اشتري سياره واشوف الفتك الناس تمدحه ولقيت واحد مع جاري يبي يبيعه لونه لؤلؤي 2004 قير عادي ممشى 277000 وشوي بدون فتحة سقف والموتر مافيه سمكره بودي بلد والداخليه زينه والرجال حاده بــ 65000 ريال وابي مشورتكم يالربع هل السعر هذا زين والا مبالغ فيه ارجوا سرعة الرد والله يعينا على قروض هالبنوك

[مقطع العروق]

هلا بك اخوي ايدي بور والحمدلله على سلامتك

والله يعوضك على كل حال

وبالنسسبة للسعر ما قلت لنا المواصفات لان السعر حلو تحكمه المواصفات ، بس هل هو سفاري 1 او 2 او سوبر او sgl

وهل الموتر وقفته زينة في تهريبات

وش اللون ..؟

جرب الموتر وهل فيه قررة بالرابع دايما تصير بالقير العادي بالفتك .

وصدقني بتشتري النيسان الفتك وما اتوقع تدور له بديل


والله يرزقك باللي تتمناه ويريحك

[مقطع العروق]

المشكلة من وزنية كرسي القير ولايحتاج تروح للوكالة ارجع للورشة الي ركبوا لك كرسي القير واطلب منهم يوزنونه لك بنفس وزنيته أول (هم راح يرخون لك مسمار الكرسي وأنت راح تكون بالسيارة بوقتها وهي طافية القير خله بالفاضي N وإذا ارخى المسمار أرفع أنت القير لل P وقله يربط ) بعدها بيرجع موترك مافيه خلاف وبيشتغل بوضعية P

طيب يالغالي ماقصرت واذا انت خبير فيها وبالرياض مستعد اقابلك ونروح لورشة متخصصة مجربها يوزنها لي لان اللي راح بالسيارة السواق ( المعرض ) ولا حصلت الفاتورة

وانا طريت الوكالة لان عندي مشكلة وهي ان فيه تهريب في الكرتير الكبير حق القير وبالمرة اغير زيت والقير وهذي مكلفة شوي بالوكالة
والسيارة محتاج تصفية مكينة والظاهر بسويها عند البلاد لاني ما حصلت عند العضيب او المجد جهاز تنظيف البخاخات يعني يغيرون لك كل شيء بدون ما ينظيف البخاخات

بانتظار ردك
والله ييسر الامور

[شحرور الدهنا]

السلام عليكم ورحمة الله وبركاته

اخوي محامي وراط الله لايهينك معي فتك 2009 تنصحني اركب فرارات برازيليه وارد السليماني بس هل فيه فرق لو ماركبتها يعني فرق عندك الموتر وشكله على جنوط الوكاله زين وهل قصيت الكوب حق الجنط

اولا سجل سوبر سفاري 2005


ثاني يا اهي الغالي الفرارات حلوه جدا وتفرق بالموتر خفه يخف عليك مره وخاصه بالطرق السريعه واذا ماركبتها عادي واذا ركبتها ماراح تستغني عنها وشكلها حلو خاصه البرازيل الاسود كامل حق السليماني واذا بتركب الاكواع تركب على طول وتغطي الفرار وشكرا

[الساهر 3]

سجل عندك فتك 2006

[الساهر 3]

السلام عليكم سوال يااخوان غيرت زيت القير عندورشه العثمان وقال يتم تغييرالزيت عند كل 25الف كيلو صحيح ام لا كما طلب ان اركب اديترللقيرللحفاض علي القيرهل هوصحيح امل الافاده من الاخوان جزاكم الله خير