((((( رابطة ملاك الفتك )))))

[برق نجد 22]

بعدين اخوي برق نجد
اي فيوز اللي تقول اطقها؟
وهل جربت تطفي وتشغل من غير ما تطق الفيوز؟

أقولكم المشكلة بدت تتكرر بوقت متقارب وبعض الأحيان أحس الدعسه ماتستجيب مباشرة

[حسن الطبايع]

السلام عليكم ورحمة الله وبركاته

اخواني انا معي فتك ٢٠٠٦ تو شاريه وراعيه يقول انه مركب دبة بي ام دبليو !!

ودي اغيرها وسمعتهم يقولون دبة يوكون فـ وش رايكم

وبالنسبه ل كفرات البالون مثل اللي طلعاته قليل للبر .. هل توثر ع الموتر

والله يعطيكم العافيه

[FHD DG]

السلام عليكم ورحمة الله وبركاتة

أخواني أهوجس في مسامير ثلاجة الفتك مع العلم أن مديل موتري 2015 سمعت انهم حلوها لاكن ماني متأكد من هالمعلومة

والشيئ الثاني لما أدعس بنزين كل الدعسة مايقطع الموتر وش الحل .

[MSAN]

السلام عليكم

عندي صوت كأنه طقة في بطن الموتر أول ما أمشي عليه اذا كان واقف وله فترة طويلة..

أول ما ابدا أحرك السيارة اذا وصلت سرعتها تقريبا 10 الى 15 أسمع طقة وحده أسفل الموتر


هل هي طبيعية والا لا؟ الموتر فتك 2015


شكرا لكم

[ابوسند9]

السلام عليكم ورحمة الله وبركاتة

أخواني أهوجس في مسامير ثلاجة الفتك مع العلم أن مديل موتري 2015 سمعت انهم حلوها لاكن ماني متأكد من هالمعلومة

والشيئ الثاني لما أدعس بنزين كل الدعسة مايقطع الموتر وش الحل .

وعليكم السلام
اذا كنت تدعس على السيارة لحمها افضل
اما السؤال الثاني ما عندي علم ويفيدوك الشباب ان شاء الله

[ابوسند9]

السلام عليكم ورحمة الله وبركاته

اخواني انا معي فتك ٢٠٠٦ تو شاريه وراعيه يقول انه مركب دبة بي ام دبليو !!

ودي اغيرها وسمعتهم يقولون دبة يوكون فـ وش رايكم

وبالنسبه ل كفرات البالون مثل اللي طلعاته قليل للبر .. هل توثر ع الموتر

والله يعطيكم العافيه

وعليكم السلام
دبة اليوكن التجارية ما انصحك فيها
ركب دبة وكاله ب 800 ريال لك وللزمن
وكفرات البالون با النسبة للمحركات والدفرنسات ما فيه ضرر
لكن اذا طلعاتك للبر قليل ولا انت راعي حجرة ما انصحك فيها لانها بتشغلك با الرجة

[ابوسند9]

السلام عليكم

عندي صوت كأنه طقة في بطن الموتر أول ما أمشي عليه اذا كان واقف وله فترة طويلة..

أول ما ابدا أحرك السيارة اذا وصلت سرعتها تقريبا 10 الى 15 أسمع طقة وحده أسفل الموتر


شكرا لكم

هل هي طبيعية والا لا؟ الموتر فتك 2015
وعليكم السلام
الطقة طبيعيه من عمود الدبل , واكثر شي موجوده با القير الاوتو, احرص انك تشحم العمود الخلفي وعمود الدبل كل ما بين 4 الى 6 شهور

[البدر 707]

ابو سند ايش مشكلة دبة اليوكن التجاريه انا مركبها وماشوف فيها شي

[MSAN]

هل هي طبيعية والا لا؟ الموتر فتك 2015
وعليكم السلام
الطقة طبيعيه من عمود الدبل , واكثر شي موجوده با القير الاوتو, احرص انك تشحم العمود الخلفي وعمود الدبل كل ما بين 4 الى 6 شهور

هلا بك يابو سند.. غريبة يكون سببها عمود.. لانها ماتطلع الا مرة وحدة بس.. اذا كانت السيارة واقفة لها فترة طويلة.. وموتري قير عايدي

وجزاك الله خير على سالفة التشحيم.. بصراحة ماقد خطرت في بالي.. لكن هن له صرة تشحيم؟


الله يقدرني على رد جمايلك يابو سند

[ابوسند9]

ابو سند ايش مشكلة دبة اليوكن التجاريه انا مركبها وماشوف فيها شي

هلابك اخوي
مشكلة دبة اليوكن التجارية , نقلا عن الزملاء انها تكتم السيارة اي محشورة ,
ونا والله بهذلتني كل تقريبا من 8 الى 10 شهور دبه لكن انا مو مقياس لاني اجلد السيارة جلد والسيارة عليها هيدرز ,
بعدها نصحني احد الزملاء بدبة الوكاله ب 800 ريال وركبتها ونسيت الورش
واذا انت قيادتك عادية ان شاء الله ان ما عليها خلاف , لاني استخدمتها تقريبا 4 سنوات

[ابوسند9]

هلا بك يابو سند.. غريبة يكون سببها عمود.. لانها ماتطلع الا مرة وحدة بس.. اذا كانت السيارة واقفة لها فترة طويلة.. وموتري قير عايدي

وجزاك الله خير على سالفة التشحيم.. بصراحة ماقد خطرت في بالي.. لكن هن له صرة تشحيم؟


الله يقدرني على رد جمايلك يابو سند

هلابك اخوي وما سويت شي لا انا ولا الاعضاء الكرام
ووالله يا الغالي الطقه اللي اعرفها انه سببها عمود الدبل وهذا الشي موجود في الباترول واللاند التماتيك والفورد اف 150 , ولكي تطمئن لو تفك عمود الدبل وتمشي با السيارة وتجرب
اما التشحم ما عليك انت قل للبنشري شحم الاعمدة وهو يعرف مكانها ,كل عمود فيه عدد 2 صليب , وكلها ب 10 ريال

[أبو عدالله]

السلام عليكم جميعا ورحمة الله وبركاته...
إخواني انا عندي مشكلة سبق وطرحتها أمامكم من 6 أشهر وإلى الآن ما لقيت لها حل.
انا شريت فتك 2014..قير عادي..ولما وصل 600 كم. لاحظت صوت قرقعه كأنه حديد يلذع من الوسط تحت الطبلون من جهة الراكب تقريبا.. في بعض المهم..وديته اوتوستار ومنهم للرياض مخرج 18.فحصوه وانا معهم وقالو الدفرنس والقبر سليمه ورجعت واستمر هذا الصوت مجنني وكل فتره ارده لهم 4 مرات ارجع لهم وللأمانه تعاونو معي كثير لكن ماحددوا المشكله..والغريب لما يركب (عدد كبير) معي شبه يختفي الصوت طبعا زي ما قلت لكم الصوت من الوسط تحت الطبلون قريب من الراكب....الشاهد انه مسوي لي قلق غير طبيعي....شوركم الله يرزقكم الجنه.

[ابوسند9]

السلام عليكم جميعا ورحمة الله وبركاته...
إخواني انا عندي مشكلة سبق وطرحتها أمامكم من 6 أشهر وإلى الآن ما لقيت لها حل.
انا شريت فتك 2014..قير عادي..ولما وصل 600 كم. لاحظت صوت قرقعه كأنه حديد يلذع من الوسط تحت الطبلون من جهة الراكب تقريبا.. في بعض المهم..وديته اوتوستار ومنهم للرياض مخرج 18.فحصوه وانا معهم وقالو الدفرنس والقبر سليمه ورجعت واستمر هذا الصوت مجنني وكل فتره ارده لهم 4 مرات ارجع لهم وللأمانه تعاونو معي كثير لكن ماحددوا المشكله..والغريب لما يركب (عدد كبير) معي شبه يختفي الصوت طبعا زي ما قلت لكم الصوت من الوسط تحت الطبلون قريب من الراكب....الشاهد انه مسوي لي قلق غير طبيعي....شوركم الله يرزقكم الجنه.

وعليكم السلام
طيب ليه مثلا لو تجرب تخلي حد يسوق السيارة وانت اركب ,وحاول تحدد مكان الصوت ,
كذلك شيك على اسفل المرتبة واسفل السيارة, وكذلك افتح الكبوت وشوف صدر البدي من عند المكينه

[vtc-6688]

السلام عليكم ورحمة الله وبركاته
اخواني اعضاء الرابطه اسعد الله ايامكم وجعلكم من المقبولين في الدارين
عندي استفسار واتمنى احد يفيدني
موتري فتك ربع 2014 ماشي 37الف تقريبا وعندي مشكله في تغيير النمر احس فيه دقه بعد ماتشيل رجلك من الكلتش هل هي طبيعيه ؟؟

[البدر 707]

ياخوان موتري 2003 عليه هدرز امريكي ودبة يوكن تجاري وبوالين وبالطقاق يجيب 160 والعاده من 140 الى 150 طبعا تماتيك مع الدعسه كلها واذا الهوا معي يجيب 170 والعزم بارد مدري وش السبب