((((( رابطة ملاك الفتك )))))

[كلاشنكوف]

السلام عليكم
مبارك عليكم باقي الشهر
ابي اركب كفرات للسفاري صالون 275 70 16 موديل 15
وش افضل نوووع من خبره تكفووون

انا مثلك .. ياليت يفيدونا الاخوان

[فتك 11]

الصراحه انا مثلك محتار لكن نصيحه اخووو

هج عن الدنلوب

خاصه اللي عندنا بالسوق

تصنيعه سيء شد بلد برجستون قاسي لكن خذ كفر مابه اصوات

[العنيزان]

السلام عليكم ورحمةالله وبركاته ،،،،،وكل عام وانتم بخير يااخواني
ابي الفزعه تكفون يالربع ابي احد يفيدني عن سعر الفتك 2009 السوبر اعلى فئه النظيف وفي اي منطقه احصله
انتظر ردودكم

[R.m]

R.m
مكشاتي

تاريخ التسجيلJul 2016المشاركات1

اغراض باترول للبيع

السلام عليكم ورحمة الله وبركاته
.
مساكم الله بالخير
.
.
اغراض باترول للبيع
.



1: غطاء سبير من 2005 وطالع (يركب على جميع المديلات)
اللون:ابيض


الغطاء نظافته وسط من ورا فيه بعض الحكوك


وفيه قفل معلق : بس ينفك الغطاء بالراحة

ماسيم : ولالي حد




2: صاجة حماية للديتر والمكينة من تحت


تركب من مديل 98 إلى 2001 اكيد غيرة ماني متأكد



راشة اسود


تركب بدون ترهيم ..



ماسيمة:ولالي حد

للصور:0545944365



وسلامتكم .؛

[(( الذيب))]

السلام عليكم
يا شباب عزمت شراء الفتك 2016اربع أبواب ودي بالتماتيك بس خايف منه رغم اني راعي بر وبلد
افتوني بارك الله فيكم علما أنني لم استعمل التماتيك من قبل

[zxnm]

السلام عليكم و رحمة الله و بركاته
اولا : تشكرون جميع على هذه الاعمال الجبارة التي تقومون بها

ثانيا : قدمت على فتك 2016 صالون قير عادي Gl للمعلومية الوكالة مافيها فل كامل قير عادي نهائي لا 15 و ل 16
عندي كم سؤال الله يعافيكم

كيف عمل المكيف الخلفي مستقل او مع الامامي بالتفصيل ؟
كيف عمل الدفلوك ؟ و كيف اعرف شغال او مفصول ؟
الدبل الخفيف و الثقيل كيف اعرف انه شغال او مفصول و كم السرعة المحددة لكل منها ؟
وش الاشياء اللي اشيك عليها قبل استلام السيارة الجديدة ؟

و شكراً

[راعي البخاخ]

السلام عليكم , صباح الخير يااهل مكشات

تكفووووووون الفزعه وابي المشوره منكم ناوي اطلع فتك ربع ماحصلت فل كامل الا قير تماتيك ,, وانا ابغى قير عادي هل التماتيك كويس وقوي ونشيط بالبر والنفود وابغى استخدام خطوط وبر
ماحصلت الا جي ال ربع ؟ وش الفرق بينه وبين الفل كامل وهل اقدر ارش الصدامات والرفارف ويكون الشكل نفس الفل


شكرا ياجماعة الخير ارجوا سرعة الرد

[فتك08]

القير العادي يختلف عن التماتيك اختلاف جذري
و ليتك بحثت بقوقل و ريحتنا من الكتابة.ههه
القير العادي مختلفة تروسه عن القير التماتيك و اكبر لذلك اذا بتمسك به خطوط مايصلح لانه يكون القير محشور يعني في خامس على سرعة 120 الضغط على 3.5 و التماتيك بنفس السرعة تحصل الضغط على 2.5 فرق جذري..لذلك التماتيك اهدأ و أريح...اذا استخدامك تطعيس فقط و بر لكن استخدام قوي فالعايدي انشط..لو طاح العايدي برمل و عشقت الخفيف بيمشي معك بسهولة غالبا بعكس التماتيك احتمال مايمشي الا بالثقيل...طبعا لايعني الكلام ان التماتيك ضعيف بالعكس بل قوي و من اقوى قيور التماتيك صلابة و تحمل من بين منافسيه..لعلمك موتري تماتيك و جايز لي و لو خيرت مااخذت الا تماتيك لان العايدي مااحتاجه الا فقط في مقاوم او تطعيس بتهور و الحمدلله مالي فيهن....اهم شي الدفلك ثم الدفلك ثم الدفلك لان الجيب بدون دفلك حرااااام صراحة تسوق فيه ريال..الثلاجة كويسة و شي طيب انها تكون موجودة و بالنسبة للرفارف انتبه ترشها لو خذت نصف فل...لذلك استخر و اسأل و لاتستعجل

[Sultan.7]

السلام عليكم ورحمة الله اخواني بغيت استشيركم .. محتار بين الربع فتك والشاص الفتك ( كلاهما توماتيك ) وش الاخف نفس فيهم والانشط سواء في المدينه او البر مع العلم اني راعي حلال ولاكن ماني راعي تحميل .. بس ابغى لعزبة قهوه وفراشي .. وش تنصحوني فيه بارك الله فيكم

[turkiq]

يا اخوان شريت ربع فل بحمد الله ومثل مانتو عارفين من داخل اسود وبغيت تلبيسة مخمل بيج للكراسي والطبلون .. وين احصل تلبيسة مميزة وبكم ؟

تكفون ياليت تفيدوني وشكرا

[الخرازة 821]

السلام عليكم ورحمة الله وبركاته ،،
إستفسار يا أخوان أنا شريت قبل شهر فتك ربع 2015 من طلعته من الوكالة في رجه من 80 إلى 120 رصصته وخفه الرجه ولا راحه ورحة للوكالة وغيرو لي الكفرات برجستون جديدة لكن إلا الآن يوجد رجه خفيفة على 100 إلى 110 وكذلك عند السرعة فوق 120 فيه صوت زي صوت الرمان أو خرفشة بالموتر .
1- أبغى حل للرجة .
2- الصوت هذا من أيش هل كل الباترول كذا أو من الكفرات أو مشكلة بالموتر .
شاكر لكم حسن تعاونكم ،،،

[ناصح]

السلام عليكم ورحمة الله وبركاته ،،
إستفسار يا أخوان أنا شريت قبل شهر فتك ربع 2015 من طلعته من الوكالة في رجه من 80 إلى 120 رصصته وخفه الرجه ولا راحه ورحة للوكالة وغيرو لي الكفرات برجستون جديدة لكن إلا الآن يوجد رجه خفيفة على 100 إلى 110 وكذلك عند السرعة فوق 120 فيه صوت زي صوت الرمان أو خرفشة بالموتر .
1- أبغى حل للرجة .
2- الصوت هذا من أيش هل كل الباترول كذا أو من الكفرات أو مشكلة بالموتر .
شاكر لكم حسن تعاونكم ،،،

هل مسوي تعديلات معينة على الموتر ..؟؟

[ابو ارام]

السلام عليكم شباب عندي مشكلة بالفتك اول ما اشغله وهو بارد يتفتف واذا احتما تصفي المكينه

[الخرازة 821]

هل مسوي تعديلات معينة على الموتر ..؟؟

الموتر وكالة ماعليه أي تعديلات

[مبارك العروي1]

السلام عليكم ورحمة الله وبركاته
أسعد الله أوقاتكم بكل خير كان لدي عضوية بأسم (مبارك العروي) وضيعت الرقم السري وكل ماجيت اوسوي إستعادة يقول لي البريد خاطئ..بس الحمدلله مو مشكلة
لدي أستفسار من الآخوه في الرابطة طلعت لي مشكلة ضيقت صدري شوي بصراحه
معاي فتك صالون2015 قير عادي والحمدلله السيارة ماعليها كلام وغيرت كفرات الوكالة برجستون بعد سنة و4 شهور بدنلوب نفس المقاس وماصبر معي اكثر 6 شهور لأن اغلب مشياتي فالبر ومناطق جبلية وعره وغيرتها ببرجستون نفس الوكالة الدعسة الناعمة ولما رحت للميزان كل شي تمام بس قال لي عندك الكفر الأيمن داخل شوي شي مايذكر لاتسوي شي كل 10 الاف كم اعكس الكفرات وخليتها 25الف كم وبدلتها ولكن حسيت رجه بين ال100 وال110 وتروح وجيت برصص ارضي قالي ماينفع لازم تسوي سحب وبصراحه متخوف من سالفة السحب اخاف ادخل في متاهات المسحيات والرجة مع انها حاصلة حاصلة لكن بشكل بسيط
سؤالي مالحل مع مشكلة الدخلة حقت الكفر للداخل .؟لأن حق الترصيص قال لازم تسوي سحب
وماسببها هل هي من الشاص ولا من غيره
مع اني مستغرب لم يحدث على السيارة حادث ولم اقفز رصيف او شي قوي مره نقزت جرف بسيط فالارض ومره صقعت الدفرنس الامامي حجره خدش بسيط ومره تعلقت السيارة على حافة جرف وريوست وجرجرة فالارض شيء لايذكر هل من المعقول يكون هذا احد الأسباب
وهل هناك مكان تمام فالمدينة المنورة لحل مثل هالمشاكل أو فالرياض أو القصيمم ممكن الواحد يروح لها