السلام عليكم يالربع الله يعطيكم العافيه هل فيه قروب واتساب خاص للفتك
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم يالربع الله يعطيكم العافيه هل فيه قروب واتساب خاص للفتك
السلام عليكم..بغيت صورة ل الليات اللي تحت الثلاجة ليات صغار للفتك2003 ار 4...فكيتهن وضيعت مكانهن...
احد قد ركب جهاز قياس حرارة الجو على ديكور الفتك
السلام عليكم ورحمة الله وبركاته
انا يا اخوان احد ملاك الفتك الجدد وعندي فتك 2006 تماتيك فيه مشكلة ماني عارف وشهي ولاني عارف وشلون احلها
المشكله هي ان الموتر شغال معي تمام لكن اذا اخذ مطب خفيف او رقلة تولع معي لمبة المكينه في الطلبون وتصير الدعسة ثقيلة والموتر ما يستجيب لدعسة بمعنى اني ادعس نص الدعسة بدون مبالغة والموتر يمشي اربعين واطفي الموتر فترة لين اسمع زي صوت الفصلة " تك " ثم اشغل واتوكل على الله والامور تمام
احد قد مرت عليه هالمشكلة او يحب يدلني على الحل وله من الله الجزاء الحسن.
السلام عليكم اخوي الحبيب
تأكد من فيش حساس الدعسه قد يكون فيه كسر او شطب او اتساع في الإبر الداخلية وموقعه أسفل يمين نهاية خرطوش الهواء الراكب في الثروتل ويكون لونه اخضر وانصح قبل القيام بالتأكد بفصل البطارية وفك خرطوش الهواء ليسهل عليك مشاهدته والعمل عليه مع تمنياتي لك بالتوفيق
السلام عليكم
عندي مشكلة بالفتك اذا اخذت مطب او احترت السيارة تولع لمبة السك ولا يقبل دعسة واذا شغلته الصباح فيه نفضه خفيفه غيرت كتاوت الدعسه مافيه فايدة احد مرت عليه هالمشكلة
انا قد سالت عن تركيب قياس تركيب درجة الحراره ولا احد جاوبني ولقيته عند ورشة الصبي لكن ما شفته كلمتهم وقالولي فيه
لتعم الفائدة
بس عندي سوال واتمنى القا اجابه
هل اذا سحبت سياره مغرزه وركبت الواير فس الجانب الايمن او الايسر من الفتحات اللي تحت سيارتي الفتك من الخلف يظر السياره لني قد قريت انه الافضل سحبها من الهوك اللي بالوسط
لني ناوي اغيره الى رمان لني اقلص عليه والرمان افضل بالقلص ما يبلشك بالطقطقه واللي يدلني على هوك رمان مع قفل مقاسه خمسين ام ام اكون له ممنون
لقيت عند رفيق الدرب 2 بوصه اعتقد يختلف عن 50 ام ام
ازعجتكم بالاسئله لكن وش اسوي تحملوني
موتري فتك 2016 وعند اي مطب خفيف اسمع صوت قربعه تجي من باب الشنطه وازعجتني اللي عنده حل يعلمني جزاكم الله خير
وعليكم السلام ورحمة الله وبركاته ،، اخي مرت علي المشكله من قبل، تحدث معي ايام الامطار كثير، نظفت فلتر الهواء والإنتيك والثروتل تنظيف طيب والحمدلله ما رجعت له المشكله بعدين،، تفسيرها ما اعرفه!!!
اسمحلي على المصطلحات بس مصطلحات قطع السياره شوي مختلفه معكم فالسعوديه ...
وعليكم السلام ورحمة الله وبركاته ،، هلا اخي، في حديده صغيره فوق باب الدبه "الشنطه" الكبير، مغطاه بنايلون اسود، على الاستخدام يتآكل النايلون وتصير فضاوه في مسكة الباب ويحدث صرير مع الحركه لان تاير السبير في الباب عامل ثقل زياده، المهم؛ يا انك تبدل الحديده، وبيرجع بعد فتره، او انك تحلها بريال (سعودي) تاخذ تيب (electric tape ) كهربائي اسود ولفه عالحديده وين رايح النايلون، كل شهر او شهرين بتشيل القديم وبتلف بداله كم لفه ...
اخوتي الاعزاء؛؛ ردودي حسب معرفتي المتواضعه، تحتمل الصح والخطأ، صححو لي اذا فيها خطأ وكملوها اذا فيها نقص..
ابشرك لفيته الحدايد اللي ما عليها بلاستك بشطرطون لفتين. واختفى الصوت والله يا كان قربعه تضيق الصدر
السلام عليكم ورحمة الله وبركاته
مساكم الله بالخير جميع
يوجد لدي قطع غيار مستعمله لفتك 2004 بابين
مكينه 4800
الذين يشاهدون الموضوع الآن: 1 (0 من الأعضاء و 1 زائر)