تحذير لمن أراد شراء جيب بايلوت 2011

[المسلول]

باختصار شفت اعلان في النت لاحد معارض السيارات في معرض النسيم بالرياض يبيع سيارات هوندا بايلوت 2011 جديدة بسعر 125000
لما رحت الوكالة قالوا لي سعرها 140000
قلت لهم كيف يكون سعرها كذا وانا ألقاها في المعرض بأقل بكثير
قال الموظف غير معقول أبدا لكن هناك مجوعة سيارات غرقت في جدة وقامت شركة التامين بأخذها وتعويض الوكيل عنها
وقال الموظف رحل لهم واطلب كرت الضمان وافضل من كذا رقم الشاص حتى نتأكد منه في الوكالة
لما رحت قلت لهم هل معها كرت ضمان قالوا: لا
باختصار السيارة غير مضمونه مع ان عامل المعرض قال في البداية ان وكيلها عبدالله هاشم
لكنه تفاجأ لما سالته عن كرت الضمان

[محطم عنيد]

والله إنك كفوووووووووووووو يالذيب

تسلم ع هالحشرة هههههههههههه

لاهنت ولازم نحذر من التجار الطماعين والمخادعين

[storm way]

ياليتك اخذت رقم الشاصي وشيكته عند الوكيل

هلي هي من السيارات المعروضه في جده ام لا

[فوق الشمس]

الله بيض وجهكـ اخوي


عز الله انك ماقصرت

وين دور التجارة

عطني معلومات عن المعرض خلينااا نبلغ عنهم

[ABOLEENAA]

المعرض المقصود هو معرض العمر بالنسيم وحصل لي نفس الموقف بالضبط

[البعير المغوار]

ماتعرف من تصدق ومن تكذب.

والبايلوت حلو بس مايسوا غلا سعره.

كيف ادائه في البر والطعس للي جربه؟

[الهروب الكبير]

قطع غياره متوفر والا لا لأني مصمم على الفل ولكم الشكر سلفاً

[أطلال نجد]

السيارة قوية ومتماسكة

وقطع غياره متوفره لكن أسعارها نااااار

جزاك الله خير أخي المسلول

[الدافور 1430]

والله إنك كفو يالذيب
وجعلها الله في موازين حسناتك

[أبوباسم455]

الله يرزقك وينولك اللي ببالك إذا كان هالجيب ببالك !!