يالربع لحد يشوف هالموضوع :)

[الدوسري 2011]

موضوع العنوان تراه عكسي عشان تدخلون وتعلقون

اولا السلام عليكم يالربع وثانيا وش حالكم كلن بسمه

ثالثا وهو الزبده انا عندي موتر فورد حوض f150 موديل 91 دبل

ماشي 160 الف ممشى حقيقي مكيف شغال شد بلده وحتى مسجله شد بلده وقولو ماشاء الله

الأهم اني ابي احط فيه دراهم زايده عندي طلعتنا عليه للرياض امشي فوق 120 فيه

رجه غير طبيعيه وش حلها هي المساعدات ولا الركب ولا العامود ابي اغير جديد وابي

اضافات عليه ابقلبه حق رحلات ومكشات وش تنصحوني احط فيه

هو مافيه الا هالمشكله الرجه الباقي تمام

والكفرات ودي بكفرات كبار ومنظرها حلو وش ارخص شي

واللون وكالته احمر وفي الاستماره احمر ودي اخليه لونين وش الطريقه هل طريقتها في المرور

سهله وماهيب معقده ولا سريعه

وسلامتكم

[رسلان الوايلي]

موفق خير يفيدون اهل الخبره بالرجه اما موضوع الكفرت خذ مكسس 760 ممتاز ورخص من غيره

[-ahmed-]

الله يعينك انا كان عندي رجة في صالون جمس 93
قوية مرة ينتفض من اتعدى ال80 او 90تقريبا
وصارت من الصلبان تبع عمود الكرنك واتوقع
هذه مشكلتك وهو اخوه امريكي..
موفق ان شاء الله,,

[الدوسري 2011]

الله لايهينك ياراعي الجيب

واتمنى يا احمد تعلمني كم تكلفه الصلبان هل هي تغير ولا تصلح ؟

ومشكورين يالربع ولازلت اشوف اللي قرو واجد مستخسرين يردون كأنهم يكتبون بقلم حبر يخافونه يخلص هههه

[ذئب اليل]

الرجة لها عدات اسباب1 ترصيص الكفرات 2 صليب العمود 3 عمود الدبل4 العرموطة حقت الدفرنس او القير ... والله اعلم