وش رايكم بترهيم الفكسار 2003 الى2007

[ابو ودع]

السلام عليكم ورحمة الله وبركاته
يالربع انا معي فكسار 2003 ابيض فل الفل رقم 4 خليجي وتراودني فكرة اني ارهمه الى موديل 2007 او 2005 يعني اذا بغيت ارهمه الى 2007 راح اركب شمعات وشبك واسطبات خلفيه وخط … الخ
واذا ابي ارهم الى 2005 راح ابدل الخط بس والجناح
طبعا الخطوط والشمعات راح تكون تجاري يعني شهور ومتغير اللون
او اركب خط 2005 اصلي بس
او رايكم اخليه على ما هو عليه انا محتار شوي عطونا نصيحتكم وتجاربكم وكم يكلف هذا الترهيم

والله يعطيكم العافيه

[برق6]

السلام عليكم ورحمة الله وبركاته
كل عام وانت بخير اخوي ابو ودع
اذا دراهمك كثيره ولا انت عارف وين تصرفها الله يقويك
وبالنسبه لى انا لو بمحلك اخليه على ماهو عليه وبالاخير الموديل هو هو
اتمنى تتقبلها بصدر رحب

[ابو ودع]

هلا بخوي
اشكرك على الرد
بس يا خوك لو الدراهم كثيره شريناه ولا قعدنا نرهم

[برق6]

هلا بخوي
اشكرك على الرد
بس يا خوك لو الدراهم كثيره شريناه ولا قعدنا نرهم

العفوووو اخوي نصيحه مني اتركه على ماهو عليه اهم شي الموتر نظيف والمظهر الخارجي مهو لك.

[zulfi]

يقول ابو مصعد: إلي معاه إرش ومحيره يشتري طير ويطيره... مثل ما قال الاخ اذا دراهمك واجده إقلبه 2007 بس انتبه الخطوط لا تاخذ الا وكاله لآن التجاري يدمر البويه يعني لويغيت تشيله بعدين يبقى اثر ولا ينفع تلميع وانا مجرب ... والله يحفظك

[صحراء الدهناء]

لا والله نصيحه خل الموتر على حاله أفضل من الترهيم اللي ماله سنع

هذا اللي عندي وأنت حر هذا حلالك

[أبو حرب 111]

رهمه 2007 بس اهم شي الخط لازم يكون اصلى وبعد لو تقدر على الشمعات والشبك والاصطبات ولك والزمن

[عذب الروح]

تبي نصيحتي خل الموتر على حالة مثل ماقالوا الشباب

والله تكلفة ليس لها داعي الخط أصلي لحالة لايقل عن 1000 ريال

لو يمسك المرور ويدقق على طول الموتر للحجز ولاتاخذة إلا وأنت شايل الخط ومرجعة شد بلد لان هذا من تغير شكل الموتر الخارجي

تحيتي

[الله يزينها]

ياخوي من افضل الخطوط خط الثلاثة

[مغرم بالفتك]

السلام عليكم ورحمة الله وبركاته

كل عام وانت بخير اخوي ابو ودع
اذا دراهمك كثيره ولا انت عارف وين تصرفها الله يقويك
وبالنسبه لى انا لو بمحلك اخليه على ماهو عليه وبالاخير الموديل هو هو

اتمنى تتقبلها بصدر رحب

ها الكلام الي يجمد على الشارب

[مغرم بالفتك]

خط 2003 للفكسار بنسبه لي افضل خطوط تويوتا كله

[كم كيلو باقي]

بالنسبة لي خط 2003 من أفضل الخطوط اللي شفتها بحياتي .. ويليه خط الـ2006

اذا انت مليت من موترك وودك توسع صدرك شوي .. ركب اصطبات خلفية وأمامية جديدة ( مع الاحتفاظ بالقديمة ) .. واذا الشبك مملح ومتغير لونه ركب له شبك جديد وكالة (مع الاحتفاظ بالقديم )

طبعا الاحتفاظ بالقديم لأجل اذا جيت تبيع مايقولون ايه اكيد مصدوم ولا كان ماغيره

ودخله تلميع داخلي فقط.. ووده لمغاسل حقين النصب يغسلونه ويجلونه من تحت ..


ولاتنس بس تقول اذكارك وتودعه ربك .. صدقني يطلع 100% بإذن الله