•.★*... يا خير من نزل النفوس أراحل ! بالأمس جئت فكيف سترحلُ ..*★.• عين ابوها

[ياعين ابوي]

حيآكمـ الله آل مكشآت ( زوآرنا وأعضاءنا ) ..

تقبل الله منا ومنكم صاالح العمل ..

ينعآد عليكم وأنتم بصحه وعاافيه ي رب .

موضوع بسيط .. أخير .. ان شاء الله تستفيدون منه وتدعولي .

نبداء بـ الحلو //

مثلثات الـ بف باستري < أفضل عجينه الكراامه عن تجربه

نحتاج لـ عجينة البف باستري سواء بر أو عاادي

للحشو : جبنه .. أو تفاح مبشور مع قرفه وسكر وزبده

نحشيها ونقفلها كويس ثم نغطسها بـ حليب ثم سميد وبعدين نقليها ونرشها حليب نستله

هنا مثلثات التفاح .. نحشيها بالتفاح المبشور بعد ما نطبخه عـ النار مع باقي المقادير ثم اذا بردت الحشوه نحشيها وندخلها للفرن ثم نرشها سكر مطحون + قرفه

وهذا شكلها من جوه ( هشه وخفيفه ) ..

أصابع الكنافه بالجبن

الطريقه بالصور .. < تصوير ipod

تقلى الكنافه ولآتخافون هذي طريقتي من زماان ماراح يجيكم شيء

نسقيها شيره وخليكم كرماء ونزينها ونقدمها وعواافي

عيش السرايا بالتوست

نحمص توست من الجهتين ثم نسقيه شيره .. نضيف له كريم كراميل

وندخله الثلاجه يجمد ..

ثم نضيف له قشطه ونزينه ونقدمه .. حلو رااائع

[ياعين ابوي]

المخااامير ( مخيميرات ) ..

لآتفوتونها نصيحه من مجربه

نحتاج ( بيضه . فنجان حليب و زيت . ملعقتين سكر . كلعقه كبيره خميره . ملعقه صغيره قرفه . ربع بصله . ثلاث تمرات . كأس ماء دافي . كاسين طحين أسمر ( بر ) وكأس طحين أبيض

بالخلاط ( جميع المقادير عدا الطحين بنوعيه والخميره ) ..

ثم نضيف الطحين والخميره ونتركها ليما تخمر .. ثم نفردها ونقصصها ونقليها

شفتوا شلون مافيها عجيييين

نحليها أو نتركها كذا .. بكل الأحوال ولآ أطعم منها

بالعسل الأصلي

الحين بنبداء بلأطباق الرئيسيه

هنا بتشوفون وشلون بنقلي بطاطس بالمقلآة الصحيه

و ... بملعقة زيت بس

ميزتها ان الأكل فيها يطلع مقرمش ومافيه زيوت وتنفع للي فيهم قولون وأصحاب الريجيم

ياخذ البطاطس فيها تقريبا نص ساعه

[ياعين ابوي]

تنفع لجميع المقاالي .. سويت فيها بروست ولآ أحلى وجدا خفيف عـ المعده




ياخذ الدجاج فيها




بدون زيت طبعا





شكله بعد ماخلص







قدمته مع عصير التفاح بـ السفن أب










أيضا جربت المشوي فيها ... جدا لذيذ

تبلت الدجاج + بطاطس



برضه نفس المده .. 35 دقيقه



بعد مرور نص المده







نجهّز الحافظه علشآن مايبرد
















للموضوع بقيه .. الله يخليكم بدون ردود

[ياعين ابوي]

دقوس الباميه رائع رائع رائع

نحتااج لـ باميه .. ثوم .. فلفل حاار أخضر وأحمر

ملح .. زيت .. صلصه + طماطم مقشر وشوية مويه

الطريقه بالصور

ننتظر يبرد ثم نحطه بعلبه نظيفه ونضيف له زيت زيتون .. ندخله الثلاجه لحين الإستخدام .. جدا رائع مع الرز

آخر طبق ... أسمه ( الكبسه البداوي ) < اسمها كذا في قطر

ذقناها عند هذا المطعم في دولة قطر ..

جدا جدا سهله وتنفع للمستعجل .. بدون بصل وقلي و و و ..

بحثت عنها وجربتها وطلعت نفس الطعم .. الرز المفروض يكون ابو سيوف أو أبو بنت لكن احنا نرغب المزّه ( الوليمه ) ..

لحم تيس طااازج ... نسلقه في ماء فقط

أنا أضفت بهارات صحيحه علشان الزفره ..

لآزم نشيل الريم الي يظهر على سطح المرق علشان ما تسوّد

ثم نملحه ونتركه ليما يستوي ..

نصفيّ المرق وننقص منه اذا كان زايد ..

ثم نضيف له ملعقه الى ملعقتين سمنه .. لآزم سمنه أو زبده

نضيف الرز ونتركه على نار عاليه ليما ينش .. ثم نقصر عليه ..

لحظه باقي شوية صور .

[ياعين ابوي]

هذي النتيجه .. عليها طعم









هذي سفرتنا الشعبيه






قدمت معآه المتبل والسلطه والدقوس



انتهى موضوعي .. ان شاء الله تستفيدون منه ..

وان شاء الله أكون بيّضت الوجه .. كل عام وأنتم بخير ي رب

وقبل ماأختم
أحب أذكركم لاتنسون الصدقات برمضان وغير رمضان
ويكفي أخذ الفائدة من مقولة عمر بن عبد العزيز
أنثروآ القمح على رؤوس الجِبال لكي لآ يقآل ;
جآع طيرٌ في بلآد المسلمين !
يآالآن عُمر!
جآع بشر، في أغنى بلآد المسلمين

و

السلآم عليكم ورحمة الله وبركآته .!

[الصوح 10]

بيض الله وجهك يا عين ابوها
وكفيتي ووفيتي
الله يعطيك الف عافية

[الشيخ قوقل]

عرض جميل ومرتب وطبخ لذيذ
تسلم وعليكم بالعافية

[الكايف 1]

وعليكم السلام ورحمة الله وبركاته
ماشاء الله تبارك الله

الأخت /ياعين ابوي

الله يجعلنا وإياك من المقبولين
منوعات من طبخات كالعاده رائعه
رز ابو سيوف له خرمه ونكهه خاصه
الله لايحرمك الاجر
الله يجعله بالف عافيه عليكم

بارك الله فيك ورحم الله والديك
ننتظر منكم المزيد
تقبلي مروري

والسلام عليكم ورحمة الله

[بنت الأحساء]

ماشاء الله ابدآآآع واطباق لذيذه تسلمين والله يعطيكِ العافيه

[ال عيسى]

أقل ما يقال عنك أنت مبدعة ما شاء الله تبارك الرحمن

[منصور الفايز]

ما شاء الله
وعليكم بالعافيه
طبخات جميله ولذيذه بطرق رائعه

تسلم الايادي والله يحفظك من كل شر

[حمرآن النواظر]

مآشاء الله شغل مرتب ومزبوط

يآليت اللي عندي تطبخ مثلك ^_^

[القنصل,,,]

يعلم الله انك ماقصرتي ياوخيتي شغل مرتب من مالذ وطاب بسراحه شغل فنادق الله يستر عليك
اعدام×اعدام

[رشا بقعا]

تفنن ولا اروع
تسلم يمينك على هالشغل الزين

[ولدحمد]

مشاء الله تبارك الله وسلمت الايادي ..
بصراحه ماقول الا كل شي مرتب وطبخات مالذ وطاب وخاصه الاخيره والاهم عرفت مقادير الدقوس ..
بيض الله وجهك ويعطيك الف الف صحه وعافيه والله يخليك لاهلك ويجزاك الجنه ووالديك والمسلمين ..
تستاهلين اروع تقييم + + + + + + + مليون مره ماتكفي بحقك الله يحفظك ..