( تصويت ) أفضل طريقة لحماية واجهه السيارة بالخطوط الطويلة والسفر ؟

[A B D U L L A H]

اخواني آشكركم جميعآ جزيل الشكر

على المشاركات والإستفتاء

وبارك الله فيكم وكل عام وانتم بخير ومن العايدين

**

آحبتي بدايه رمضان وانا واقف عند احد الإشارات جاني إعلان من شخص

عرض عند ( ليومار ) تضليل وعزل نصف الواجهه بـ ( 999 ) ريال يعني الف ريال

ما ادري هل لازال العرض ساري أم لا

حبيت آفيدكم ... وتحيآتي للجميع ... ,,

[سعد777]

يرجى الأنتباه محلات الزينه بالشوارع يسون حمايه فاااااااااااشله من تجربه خفيفه وتشقق مع الشمس
حتى درايف سفن خفيف وتشققت
اهم شي الفلم نسبه متانته ملموسه

[A B D U L L A H]

حياك الله اخوي سعد وشكرا لك على الإضآفهـ وجزاك الله خير على التنبيهـ

بخصوص ليومار فـ ( عزلهم ) ممتاز جدآ

لكن لا تحطون على الأنوار والكشافات لأن إحتمال تبهت من الوسط مع تركيز النور والحراره عليها

بس تنشال بسهوله ومتين العازل

[طيير شلوى]

انصحك بفلم الشفاف يمدحونه ولا يخرب الشكل الخارجي بالسيارة

[يكفيني نظرة]

السلام عليكم ..
من عرفت استعمال السيارات وأنا ولله الحمد أسافر من دون البرقع ولا الفيري ولا الفلم الشفاف ولا شفت من الله إلا كل خير .
أرى يا أخوان أكثر ما يؤثر على مقدمة السيارة أثناء السفر هي ( السرعة ) خصوصاً وقت الصيف والسافي القوي .
إذا حسيت أن الجو غير صافي هدي السرعة إلى 100 - 110 وما راح تتأثر البوية بإذن الله مهما كانت قوة الرياح والرملة من واقع تجربة .
تحياتي

وانا مجرب هالشي بطريق الشرقية وصوتي مع صوتك..

[EXPLORER2010]

انا بالنسبه لي جربة ملمع car wax وطريقته ما في اسهل منها نفس طريقة التغبيرة

[رعد الجنوب 1]

السلام عليكم
عن واقع تجربة شامبو جونسن او نونو لا ياثر علا البوية وسهل الغسل
ولي كم سنة وانا استخدمة .
بنسبة لزجاج الامامي ركب تظليل شفاف من الخارج وللاانوار الامامية ×

[aaa3]

السلام عليكم
من واقع تجربه أفضل شيء البرقع وليس له مثيل يحفظ واجة السيارة وليس له أضرار
تم تجربة أكثر ماذكر في هذا الموضوع ولم أجد أفضل من البرقع.

[ابوشوق666]

السلام عليكم
يااخوان انا شريت كابريس الفين وثمانيه من سوق الدمام وكان الموتر باسم صاحبه من الوكاله ومركب فيلم حمايه علا الوجهيه من اول ماطلعه من الوكاله وله سنتين ويمشي عليه من الدمام للرياض كل خميس وجمعه والعج ماثر علا الفلم وعلا الجنوط وحتا الرفرف بعد نهاية الفلم يعني الموتر تعرض للعج بقوه وقالي ترا المحل اللي ركبت الفلم فيه في الخبر وعليه ضمان رحت للمحل وقلت انا مابي الفلم نزلوه عن الموتر بركب جديد المهم نزلوه والله والله ماتصدقون ياشباب كيف الوجه تقول في الوكاله جديد بمعنا الكلمه جديد وصار بينه حدوده علا وجه الموتر اذا قربته لمعتها نفس حقت الوكاله اما الموتر الباقي لمعته طافيه شوي وسويتله تلميع ساطع كل الموتر وضبط وان شالله انزل صور قبل انزل الفلم وبعد مانزلته علا الموقع

[ابن مكرز511]

يقوووووووووووووووووولون تم حضر حسابك وش المشكله

[ددسن مسدرك]

ياخي المفروض انك حاط التغبيرة لحالها والصابون لحاله

يعني أفضل الفييييري و لا أحب التغبيره

[همس الغدير]

والله انا من انصار الفيري وما شفت منه مشاكل بس احسن شي لا تحطه على البدي الا هو بارد عشان يثبت

[ألكسنر]

اذا انت راعي خطوط لازم لك برقع او الفلم الشفاف و الفلم الشفاف يكون افضل عموما لانه ما يغير منضر السيارة و يجي عليه ضمان .

لكن اذا الموضوع مستعجل و مسافر اقرب محطه و فيري توفيري و انتهينا

[طيرالوله؟]

من واقع تجربتي الفيري اذا طول بالسياره يغير لون البدي
واستخدمت الشحم الاصلي يجي علبه صغيره اصلي وسعرها رخيص مايتجاوز 50 ريال لك وللزمن والحمدلله ماشفت اي ضرر من استعماله

[saed999]

تجليدة كتب مدرسية شفاف من ابو ريالين يؤدي الغرض

بشرط تأخذ المتماسك علشان عند الازالة ينشال بسرعة

مع ملاحظة وضع فتحات في الشبك الامامي لدخول الهواء للمكينة