( تصويت ) أفضل طريقة لحماية واجهه السيارة بالخطوط الطويلة والسفر ؟

[eid4343]

رش سفن اب على الوجهيه والمرايات

[صبري الجوكر]

صحيح إن البرقع إذا ارتخى ممكن يلعب بالبويا لكن اللعب راح يكون محدود بمكان الكلبس الي راح يفك
لكن الفلم العازل مشكلته انه بعد فتره طويله إذا قدر الله عليك بحادث أو حكه بمقدمة السيارة وحبيت تفكه
عشان تعديلها أو تغيير رفرف أو صدام مثلا تلقى المنطقة الي تحت الفلم العازل لونها غير المنطقة الخارجيه
وهذا طبيعي لأن المنطقة الخارجيه معرضه للشمس والعوامل البيئيه وتحت الفلم منطقة محميه وعلى كذا
يتشوه شكل السيارة .

من وجهة نظري البرقع يظل الأفضل مع الإنتباه للكلبسات قبل وبعد الفك لأنه لابد من إرتخائها استخدمته
وكنت أسافر بالشهر مرتين اركبه بالشرقيه واروح للرياض وارجع للشرقيه ثاني يوم وافكه مابدت ترتخي
إلا تقريبا بعد سنه .
صوتي للبرقع وبقوة وعن تجربه أما بالنسبه للفلم المعلومه نقلها لي شخص مجربه أنا ما جربته

[0أبو عبدالله1]

السلام عليكم ورحمة الله ويركاته .

هذه المشاركة برعاية :




حل سريع و بسيط و رائع .

المقادير :

1 - علبة صابون فيري أو صابون ركس أو أي صابون يمشي الحال .

2 - قفّاز لليدين ( دسوس ) .

3 - سروال و فنيلة أو قميص ( حرام يتوصّخ الثوب مع انه صابون ) .

الطريقة :

شمّر كم القميص { ان كان قميص شتوي } وسم بالله واضرب بالعشر .

النتيجة :

1 - حماية مؤكّدة ضد الترميل .

2 - لا بغيت تغسل السيارة تلقى الصابون جاهز .

التجارب : دائماّ التجارب تكون على طريق { القصيم - الرياض - الدمام }

سلام .

[musab]

السلام عليكم ورحمة الله وبركاته
انا اشوف ان احسن شي هو فلم الحمايه لك وللزمن
اما التغبيره فهي تظر بالسياره حيث انها تسبب خدوش للسيارة وصعوبة ازالتها
اما الصابون فهو مخصص لازالة الدهون فلذلك عند وضعه على السيارة فهو يزيل الطبقه الدهنيه الموجوده على السياره لذلك هو مضر ايضا
اما الي سفره قليل والي يبحث عن التكلفه القليله وبجوده عاليه فانا انصح بماده مخصصه للسيارات وموجوده في اماكن عديده مثل ساكو وكاركير وهي ماده شفافة ترش على السيارة وخلال عشر دقايق تجف والميزه في سهوله ازالتها وهي تحمي بعد الله من الترميل ولي تجربه شخصيه عموما سعر العبوه اتوقع 60 ريال واسم المنتج رش ومش
حبيت افيد والله يحفظ الجميع

الفيري يخرب البويه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



وش لون تغسل موترك انت بديتول مثلا؟؟؟؟


الفيري حلو بس اول ماتوصل غسله

[mostafa a a]

الله يعطيك العافية على المجهود الكبير

[mostafa a a]

مشكوووووووووووور

[mostafa a a]

مشكوووووور

[سلطان الغدرا]

مافيه افضل من البرقع بس بشروط وهي ان يبطن المحل لك البرقع باسفنج من اجل الحفاظ على بوية السيارة وعدم احتكاكها في الكبوت بسبب قوة الهواء ولكن توجد مشكله صغيرة وهي ان البرقع يسبب ارتفاع درجة الحرارة مقدار شرطه او نص شرطه عن المعتاد في درجة الحرارة في السفر وانا عن نفسي جربتها لمدة 4 سنوات على سيارتي مسافة 1350 كيلو وكان البرقع ممتاز

[al7oOojas]

فلم الحماية الشفاف او بخاخ. رش وامش

[االجباب]

شاااااااااااااااامبو الاطفال ممتاز لايحتوي على كيماويات مركزه وهو افضل الحلول

[WAW]

الفلم الشفاف ، وانواعه كثيرة واسعاره متفاوته وليس جميع الانواع غالية

طبعاً اذا كانت السيارة جديدة او موديل حديث ، لكن اذا كانت سيارتك قديمه شي ثاني

تحياتي

[ss_209]

ملخص ماسمعت ياخوان إنه اللي يبي يوفر يركب برقع واللي ماعنده مشكله بالدفع يركب الفيلم ويستبعد الفيري والتغبيرة

[أبوسليمان 777]

السلام عليكم ... من واقع تجربة جربت البرقع لكن كل شوي يبي شد ومع الوقت يأثر على بدي السيارة ، وجربت الفيري مايفيدك بالعج القوي ولازم يكون فيه مكلن مايغطيه الفيري، وجربت الفازلين وتوهقت ذاب ودخل بالكبوت وذبحن بتنظيفه ، بعد ذلك لقيت أنسب شيئ (( الفيلم الشفاف العازل )) ومن ركبته والحمد لله مافيه أي مشاكل لكن أحرص على 3M ... دمتم بعافية. .

[وضاح القمر]

الفيري ﻻيقربك ؛ ﻷنه يشيل لمعة البوية وخصوصا إذا جلس أكثر من يوم ،، تروح لمعة الشمعات والبوية

والتغبيرة مع العجاج القوي تروح وتروح معه بوية موترك ويشهب الوجه

وعندك فلم الحماية الشفاف الصراحة حلو ، لكنه غالي وفيه عيب أنا شفته ، وهو أنه إذا مسكت خط وجاك عج قوي ، تأكد إن
فلم الحماية يبي يشهب ، الرمل مايعرف يمه ارحميني ، يعني يبي لك تفك فلم الحماية ﻷنه مشهب ويعطي شكل الموتر غلط

وبالنسبة لي أنا أشوف إن البرقع الجديد اللي ينصك عليه الكبوت أفضل شيء ، ﻷنه هذا البرقع جديد وينصك عليه الكبوت بحيث ماتخاف يلعب مع الهواء ، أما القديم ماينفع ﻷن تصميمه وخصوصا الشبك يرفع درجة حرارة الموتر

فأنا أنصحك بالبرقع الجديد اللي ينصك عليه الكبوت ، وتركيبه وفكه سهل مايأخذ منك تركيبه إﻻ 7 دقائق ، وفكه وﻻ 3 دقائق

وأنا مخليه معي بالموتر ماينزل أبد

[musab]

^^^^^^^^^^^^^^^^^^

الفيري جربته مرة اربع ايام وكان عج وسافي قوي جدا اقوى مما تتصور حتى السيارة من شدة العج ماتسرع حتى لوحاولت


ولا تعرف وين الزفت من شدة السافي ومع ذلك الفيري مزبوط وعدسات الموتر من احسن مايكون

والبوية سليمه


دعك من كلام الناس وقل شيء انت جربته بنفسك