*~*, رابطة مـــــلاك الجموس الحوض ,*~* الجزء الثاني

[نباطه]

السلام للجميع ابي خدمه منكم وهي رقم الوكاله بقطر ولكم مني جزيل الشكر

[-راعي الطير-]

السلام عليكم

ي الربع السالفه

عندي دينالي بيك اب 2012 413 حصان 6,2 يعني مكينه دينالي وقير 6 نمر

الزبده

امس كنت ب الدهناء ورحنا نتمشى سيارتين و الوجهه يم النقا


السياره الاولى سيارتي دينالي سييرا 2012

السياره الثانيه باثفندر 2009 6 سلندر

الزبده حنا بنرقا النقا ونوقف فوق وننزل ونبسط

جيت افضل التراكشن وادعس وجيت نص الطعس ويمسك لنظام ويضعف السرعه

والباثفندر بعد محاولتين رقا

وانا سرداد مرداد يعنيي راجع ريوس كل شوي

والسبب نظام التراكشن يمسك معي ويفقد المحرك قوته

ولا لقيت حل

ونزلت بتهور بفصل الفيوزات وماعرفه وينه وجيت بتهور من القهر


الزبده

الحين وش الحل ابي حل ل هـ العله حاطين فصل نظام وامحق فصل مجرد تمويه


انتظركم ي الربع

[خالد بن سعود]

طريقة فصل التراكشن تضغط لمده 30 ثانيه

[مخ سعودي]

اخوي الدينالي دفع رباعي اليكتروني مؤ نفس اليوكن والتاهو فاحتمال انه يفصل معك اذا احتر القير

[-راعي الطير-]

ضغط عليه لمدة 40 ثانيه ولا خبر




مخ سعودي
هههههههههه احتريه متى يحتر...!!

[فيصل بن فالح]

السلام عليكم ورحمة الله
اعضاء مكشات وبالاخص اعضاء الرابطه
ودي استفسر عن افضل محل لو حبيت اغير لون غمارة الجمس سييرا 2004 من الازرق الى البيج بالرياض
والله يحفظكم

[T.N.B]

انا عندي جمس 2007 وهو سياااحي مرررررررة
قزاز هندل وشبك اسود ومساكات سود سياحي بما تعنيه الكلمة الزبدة ولا اطول عليكم
انا ودي اشغل في الموتر شوي يعني ودي اغير الشبك والمساكات والمرايات والجنوط والزيق اللي على الباب والكبوس ,,,, الخ

تتوقعون بحسب خبرتكم كم بيكلفني وهل بالقى قطع مستعملة في التشليح ؟؟

واسف على الاطالة وشكراً

[بو شوق]

حياك الله أن بصراحة شفت موضوعك وتوقعت مافي أحد رحب فيك , فقلت ارحب فيك .
وأهل مكشات نايمين الرد يمقن يجيك بعد يوم أو أسبوع أو شهر أو سنة ويمقن لا ....

[جي تي]

السلام عليكم

شباب فيه جمس سييرا او سلفرادو قير عادي الشكل الجديد غماره دبل ؟؟؟؟؟؟

[مشلخ الذيب]

ياشباب لا تستغربون ان الموضوع نايم الرابطه لها منتدى كامل

[مشلخ الذيب]

السلام عليكم

شباب فيه جمس سييرا او سلفرادو قير عادي الشكل الجديد غماره دبل ؟؟؟؟؟؟

لا مانزل الشكل جديد قير عادي الا في قطر وقطع عشرة و بدون دبل و6 سلندر وللشركات فقط

القير العادي من 2006 وتحت

[Ra3e]

1500 يجي ياي قدام ركب تحتها كعكات بــ100 ريال وتنحل امورك

وانصحك نصيحة اخو البوالين ماتصلح للجموووووووووووس خطر وتسبب رجه وتعدم عليك دودة واذرعه الدركسون والأذرعه على المدى اطويل
ركب كفرات حجريه ناعمه (اول ترين - at) مثل هانكوك ووماكسس وتعطيك منظر ونتيجة كويسه في النفود والشعبان وتخدم فتره اطول

موفق

كلامك صحيح ياخوي بس لصرت تبي تركبها وقت الشتاء فقط يبي يعجبك ويطربك بالنفود خصوصا السييرا ..

الزبده مانطول بالهرج خذ العلم الاكيد ارفع وجه الموتر 2 سنتي وركب كفرات بالون مكسس ( ابو جمل ) مقاس 900 واطرب نفسك ياخلفهم

[GM_400]

طبيعي لان تركيب كفرات مقاسات مختلفه على الجمس الجديد يعطي قرايه خاطئه للثبات من الكمبيوتر ويؤثؤ على الدفرنش على المدى البعيد لأنه الكتروني

[أَبوابراهيم]

السلام عليكم ورحمة الله وبركاته
مسيكم,صبحكم الله بكل خير

تمنيت انه يكون في موضوع شامل للقطع الاستهلاكية وغيرها من القطع للجمس السيرا
واعتقد السلفرادو نفس القطع اللهم فرق العلامة

اتمنى اي شخص عنده اي معلومة يقوم بذكرها لكي يستفيد الجميع

الفحمات:

المساعدات:

السيور:

فلتر الهواء:

البواجي:

..إلخ

مع ذكر الموديل واسعار التركيب ان امكن


والسلام عليكم ورحمة الله وبركاته

[Magellan]

تسجيل دخول وسلام
تعقيب بسيط القطع كثيرة جدا واجود من الأصلي
كل ماعليك الإشتراك بأحد شركات الشحن من امريكا وتمتع بقطع افضل من المباعه هنا مع توفير 50%