اعمل بحث في خوخل (GMC TRUCKS)
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
اعمل بحث في خوخل (GMC TRUCKS)
اما التفصيل صعب كل دفعة تختلف مع توصية الوكيل في الطلبية
اللي اعرفه ماشي وعوائل
حجم 1500 مكينه 5300 زد z71 وهذا هو المطلوب واللي دارج مع النااس
لأن فيه مكينته 4800,وهذا النوع عزمه يعني لك عليه
حجم 2500 قوي مره وما يصلح للشركات اكثر شي تحميل اوزان كثيره
عيب الغمارتين طويل شوي ولا هو زين
انا بختصر لك ونخوك
خذ 1500مكينه 5300z71 عاد انت حدد المواصفات نصف فل او فل ما اعرف مواصفاتها بالضبط
شباب ممكن اسال عن استخدام الشفر سلفرادو
غمارة حوض دبل 8 سرندل
لان صراحه عليه عروض حلوه وانا جزمت اخذ واحد
بس من جربه وهل فيه عيوب ميكانيكيه او كهربائيه
وطلعاتي للبر ماهي بعيدة ابي لشعبان ونفود
لان المشاوير الوعره عندي موتر ثاني
لا تخافون استخدامي حشششششششششششششمه ماراح العب به ابي للديره وطلعات قريبة
وابي طرمبة البنزييين هل انتهت مشكلتها الا الى الحييين تشكي النااااس منها
حجم 1500 يجي بثلاث مكاين افضلها 5,3
حجم 2500 يجي بمكينة 6 لتر وقير اكبر ودفرنس اكبر وهو مخصص للسحب والتحميل
حجم 3500 هذا مخصص للسحب الثقيل
z71هو صفه او ميزة للسيارة يعني تعتبر رياضية اكثر من ناحية ثباتها وقساوتها في المساعدات
هذا مختصر بسيط
يا شباب ضرووووووووووووري ابي واحد يرررررررررررررد علي
لاني ابي اروح للوكاله هاليومين
بيض الله وجيهكم والله يرحم والديكم ويكتب أجركم
ياخي انا زيك جايز لي الموتر ونا راعي خطوط ودخلاتي النفود خفيفه
تحية طيبة
انا افيدك وبصفتي جربتها كلها
اذا انت رجلك شديده عالسيارة وراعي سكبه خذ 2500 hd وصراحه انا لومنك اخذه الانه عرض على طوله مناسب جدا والله قوووووووه رهيبه
اذا انت راعي محافظه ولاتحب العزم مناسب خذ 1500 z71 ولكن طول غير مناسب على عرضه ومنتب مهايطي ههههههه طبعاً
موفق طبعا 2010 احسن لك والله اعلم
التعديل الأخير تم بواسطة ابوالهيام ; 09/08/2011 الساعة 02:26 AM سبب آخر: خطاء املائي
على حسب حاجتك واذا انت راعي مكاشيت في وقت الشتاء ومدينه وخطوط وتحميل متوسط الى 1000 كيلوا بالحوض ابد لاتاخذ غير زد 71 غمارتين حجم 1500 مكينه 8 سلندر 5300 سي سي موتر يفي بكل متطلباتك واذا كان غمارتين يعجبك اكثر لانه يشيل عفشك ويشيل عيالك وراحه وان بغيته في الشده حصلته وعليك بالموديل من 10 وفوق لانه اختلف فيه القير الى ست تعاشيق واصبح اقوى من قبل .
اما اذاك راعي تحميل ثقيل وعندك سياره ثانيه لاستخدام المدينه ولا تبي الموتر غير للبر والتحميل خذ 2500 موتر يتحمل الجلد وقوي الى ابعد ماتتصور ولاكن في المدينه مايصلح ابد ثقيل وتبلش به .
وموفق خير .
الي اعرف ان الي عليه عروض هو 6 سلندر ابعد عنه ولا تاخذ غير زد 71 ثمانيه سلندر 5300 وغيره فلا .
بشكل عام الموتر يبرد القلب وخذ لك z71 افضل مواصفات وانتبه لحجم المكينة لا تاخذ اقل من 5,3
والعيوب الحمدلله الاغلبيه مااشتكى منه
وعليكم السلام ورحمة الله وبركاته
وش موديل السيارة لا هنت؟ وهل هي 1500 ولا 2500 ولا 3500؟
الذين يشاهدون الموضوع الآن: 1 (0 من الأعضاء و 1 زائر)