*~*, رابطة مـــــلاك الجموس الحوض ,*~* الجزء الثاني

[m.a.t]

خذهـ و انت مغمممض
انا معي غمارة ونص z71 1500 ماشاء الله احمل علية و عندي حلال ولا يرده شى

[هبوب الزلفي]

1500 z71 مافيه كلام في جميع الاستخدام xxxx xxxx بس انصحك يكون دبل

[هايل العتيبي]

ابي اعرف سعر السييرا غماره 2007
ستاندر
كم يسوى

[m7md_7000]

السلام عليكم ورحمة الله وبركاته

يا أخوان أنا بإذن الله تعالى بأشتري سلفرادو غماره ونص

والهدف أني أريح سيارتي وأستخدم الوانيت أستخدام يومي

وأخترت غماره ونص لأن الغماره ما يكفي أهلي والغمارتين كبير وشكله مو حلو

والصراحه ببالي أفكر وتعديلات ودي أني أظبطه بعد ما أشتريه

والتعديلات هي :-
1- أصبغه لون مطفي
2- أركب له جنوط وكفرات عريضه ( GT)على ما أظن.
3- أرفعه رفعه بسيطه يعطيه هيبه ورزه.
4- غالباً راح أغير لونه إلى رمادي مطفي ( ما أدري ليش عاجبني هاللون)

أول شيء وش رايكم بالتعديلات؟ ووش تنصحوني فيه؟

ثاني شيء أنا حصلت لي سيارتين سلفرادو على قد فلوسي ولكنهم يختلفون بالموصفات واللون

السلفرادو الأول : موديله 2006 / الواجهيه الجديده / أمريكي / لونه أحمر / ماكينة فورتك 6000 / دبل أرضي / قزاز عادي / السعر تقريبا 38 ألف

السلفرادو الثاني : موديله 2002 / أمريكي / لونه كحلي / ماكينة 5300 Z71/ دبل زر / رفارف ( فخوذ ) / السعر تقريبا 28 ألف


أي السيارتين تنصحوني فيها بالتعديلات أللي ودي أضيفها عليه ؟
خاصه أني متخوف من شكل الجنوط العريضه والترفيع على المفخذ!

علما بأن إذا شريت الأحمر راح أخليه مثل لونه بس أصبغه مطفي والجنوط تصير سوداء
أما الكحلي غالبا راح أغيره الى الرمادي

ارجوا الأفادة والنصح

ولكم الشكر والتقدير

[المساعيد 1]

من خلال التجربة
غمارة ونصف ١٥٠٠ أفضل وأخف

لكن أبحث عن غطاء للصندوق ليت الاخوان يفيدوني

[هايل العتيبي]

ياخوان
ابي اعرف سعر السييرا غماره 2007الشكل الجديد
ستاندر
كم يسوى
واغلى هو او السلفرادو

[الجنرال98]

ياخوان

ابي اعرف سعر السييرا غماره 2007الشكل الجديد
ستاندر
كم يسوى

واغلى هو او السلفرادو

انا سمت موديل 2007 بس مدري ستندر اولا ماانتبهت - 75 الف عليه ضمان على المحركات من معرض الملحم في الاحساء بالصناعية.

[صصعفق]

من خلال التجربة
غمارة ونصف ١٥٠٠ أفضل وأخف

لكن أبحث عن غطاء للصندوق ليت الاخوان يفيدوني

هاذا موتري ان جاز لك الغطاء وصفتلك من وين تشتريه

لمبات جميله في البر

[ابوعبدالله 22]

كم كلفك يا خوي صعفق ؟

[صصعفق]

كم كلفك يا خوي صعفق ؟

حياك الله

حامي الصندوق بــــ 850
والغطاء ــ 2800 بقفل
السعر غالي بس يستاهل من ناحيه صوت الهواء والحفاض على الاغراض
والنوم وقت المطر الله يجيبه
ودمت بود

[tevo]

اخوي سيارتك سعودية او امريكيه؟
اذا امريكيه احيانن المروحه ما تشتغل الثانيه او ما تشتغل السرعه الثانيه الا مع المكيف يعني يا تبرمجها وا تشغل المكيف .
ونصيحه ركب مبرد قير كبير

[ابوعبدالله 22]

يااخوان من يخبر لي جنوط سييرا 2009 جديدة او مستعمله مقاس 17 مطلوب 3 جنوط

والسبب اني شريت 2009 ومركب راعيه عليه جنوط 16 ..
ليش مادري ؟ الظاهر عشان يركب عليه بالون

[حسآم بن احمد]

السلام عليكم جميعا .. يالله حيهم وش علومكم واخباركم عساكم طيبين ..

يالربع انا جاني موتر سلفرادو 2009 غمارة ونص 1500 !

بس المشكله مافيه دبل وبلشت به صراحه ..

كثير من الشباب قالولي ركب له كفرات ورفعه وامورك بالسليم ..

عاد انا جاي استفسر هل لو ركبت له كفرات ورفعته ممكن يزبط وضعه بالرمل ؟

مع العلم اني دخلت به اماكن واجد وهو على كفرات الوكاله من 2009 بس نسم وامش بس الصراحة عذبني ولو مانه علق علقته شينه الموتر ثقيل !

فشوركم يالربع وهداية الله .. لو ركبت له حجريات ورفعته ولا بالون ؟ وش انسب ويارب تفيدونني ..

وهذي صور للموتر الله يعطينا خيره ويكفينا شره امين !





وياليت اللي بيرد على استفساري .. يعلمني باسعار الكفرات جديدة اللي ينصحني بها واحسن نوع ومن وين اجيبهن
ويعطيكم الف عافية

[ابوعبدالله 22]

يالحبيب مع احترامي لك اذا مافيه دبل وانت راعي بران ماينفع بريال.. لو تركب عليه كفرات جراف

[تاهو2010]

مساكم الله بالخير

كيف حالكم يالربع

خويي من يومين شاري جمس حوض سييريا 2007

لكن الشاشه انجليزي شلون يحولها عربي


اللي عنده خبره يعلمنا الله يجزاكم خير