*~*, رابطة مـــــلاك الجموس الحوض ,*~* الجزء الثاني

[MDLOL]

السلام عليكم انا عندي جمس سييرا 2500 ابي احد يفيدني وين الي يفصلون الفصله لانه يفصل على 170 وبعض الايام تحتاج السرعه وله جزيل الشكر من افادني

[GX8v]

ماشالله تبارك الله
اخوي صعفق من وين اقدر احصل هالمبات الله لا يهينك

[الغوااااص]

السلام عليكم ورحمة الله وبركاته
هل يمكن يمكن تعديل سيرا من عادي الى دبل موديل 2007والسيارة غمارتين واذا لديكم معلومات عن شخص او ميكانيكي يقدر يعدلها تكفوم نبي العنوان او الرقم لا هنتوا والف شكر وجزاكم الله الف خير .

[عين حصنان]

ماتقدر ياغالي ابدا

شاص الدبل يختلف عن شاص العادي اختلاف كااااامل

لايمكن تغيير من عادي الى دبل او دبل الى عادي

[جمس دينالي]

اخوي الشباب ما قصروا معك

خذ العلم

1500 يجي بمكينتين : 4.8 و 5.3

ويجي نوعيه 4x4 هاذا استاندر ويجي Z71 ها يعني ان السياره مخصصه بنظام للطرق الوعره

سواء من مساعدات ويجي الدبل فرار مو ارضي مثل الاستاندر يجي بدفلوك

نجي للـ2500 : يجي بمكينته وحده عرفناها بالسعوديه اللي هي 6.0

يكون التحمل فيه عالي جدا ويكون قيره حديد وعزم

معنى hd يعني هيفي ديوتي يعني استخدام شاق وقوي

وقوي بالتحميل والسحب


مميزات 1500

اريح من 2500 سواء بالمدينه والخطوط

يجي بمراوح كهرب

صرفيته افضل من 2500 بحكم احتلاف المكينه

حجمه معقول

بالتسارع افضل من 2500 لانه اخف

عيوب 1500

قيره المنيوم ما يتحمل الكرف مثل 2500

ينخاف عليه لا جيت تسحب لك واحد


مميزات 2500

قيره حديد

الموتر مرفوع وشكله هيبه

الحوض كبير وشكله هيبه بالنسبه لمحبين الرفع او حتى التحميل

عيوب 2500

انه يجي بمراوح كرنك والمكينه 6.0 يعني ما راح ترتاح من الحراره

مو مريح مثل 1500

بالمدينه التنقل فيه شوي صعب

صرفيته اعلى من 1500

ارجوا اني وصلت لك ولو 1% من اللي انت تبيه من المعلومات

[براهيم 1404]

السلام عليكم
يا جماعة وش الفرق بين الوكيلين (الجميح والعيسى ) بالنسبة لمواصفات السييرا - الصغير - الغمارة موديل 2012 وأفضل لون لهذه السيارة وماشي بالسوق .
وشكر مقدما

[سعد777]

السلام عليكم
يا جماعة وش الفرق بين الوكيلين (الجميح والعيسى ) بالنسبة لمواصفات السييرا - الصغير - الغمارة موديل 2012 وأفضل لون لهذه السيارة وماشي بالسوق .
وشكر مقدما

هلابك
والله انا ماخذ من العيسى موديل 2011 الفرق بينه وبين الجميح
العيسى يجي مرتبه السواق كهرباء هذا اللي اعرفه اللون على مزاجك
الأفضل الأحمر والأسود الفضي الزيتي العسلي او البني المحروق
الأبيض كثير لا يرغبه الأسود فيه ملاحظه اي خدش يبيان واي بهوت للون من جراء الترميل يبان
الفضي ماشي ممتاز والبني المحروق والزيتي والأحمر

[براهيم 1404]

هلابك
والله انا ماخذ من العيسى موديل 2011 الفرق بينه وبين الجميح
العيسى يجي مرتبه السواق كهرباء هذا اللي اعرفه اللون على مزاجك
الأفضل الأحمر والأسود الفضي الزيتي العسلي او البني المحروق
الأبيض كثير لا يرغبه الأسود فيه ملاحظه اي خدش يبيان واي بهوت للون من جراء الترميل يبان
الفضي ماشي ممتاز والبني المحروق والزيتي والأحمر

عافاك الله أخوي ماقصرت وبالنسبة للسعر يفرق بين الوكيلين . وهل يجي فيه دفلوك

[أبونهار]

السلام عليكم
انا عندي سيرا 2007 دفعه اولا دبل 2500
اذا كان شغال صلنسير او سرعات خفيفه تفصل السرعه ويكتب طاقت المحرك منخفضه
وتدعس الدعسه كلها يا الله يوصل 40 اذا مشا ولا يطفا
بس اذا طفيت السياره شوي وشغلتها يزين بس تبيل لمبت السيرفس شغاله
رحت لكم كمبيوتر وقالو حساس الدعسه الي تحت وغيرته وقعد خمسة ايام وخرب
فكيت الحساس حق الخانق الي راكب في الثلاجه ونضفته مزبوط ب ايسي ديلكو وهوا
وزان له فتره ورجع يخرب

اذا فصلت اصبع البطاريه يزين يومين ويرجع يخرب وحتا الكمبيوتر مايلقا العطل
وعلا فكره الخراب مهوب دايم يمكن يجلس يومين اويوم او في اليوم خمس مرات يسويها
الله لايهينكم الي عنده الحل لايبخل علينا
علمن ان حساس الخانق تقريبا فوق الالف ولا يهم بس خاف اغيره ولايكون منه

[abusahar224]

السلام عليكم

مساء الخير

انا ناوي اركب غطاء لحوض سيارتي سلفرادو موديله 2007 غماره ونص .
وين اقدر احصل محل يركب لي الغطا او حتى تفصيل اذا تكرمتوا ويكون المكان في الكويت او المنطقه الشرقيه ؟؟

ووين افضل الهايدروليك أو الفيبر السحب او اللي يتطوى؟؟

وسلامتكم،،،

[ناصر دخيل]

السلام عليكم يا شباب .... ( فيه صوره تحت )

انا يا شباب عندي مشكله واتمنى حلها لا أحد يقول روح الوكاله ولا أحد يفتي من راسه رجاءً ,,, أنا عندي جمس قطع عشره موديل 2012 شاريه اصفار و مافيه إلاااا العافيه طبعاً جنوطه وكاله مقاس 17 ,,, انا غيرتها وركبت جنوط حديد مقاس 16 حقت الجمس قطع 2500 موديل 2006
وركبت بوالين
أماميه ( شواهين ) مقاس 245 / 85
خلفيه ( هيرو ) مقاس 900

وبعدين أول ما ركبت الكفرات إللي ورا أشتغلت عندي على طول لمبة
(ABS ) و البريك و ضغط الإطارات و DRIFT و إللي فوقها ,, و السياره ماتغير فيها شي حتى في السواقه ,, مع العلم انها تقعد شغاله وانا أمشي و حاولت أفصل البطاريه يوم كامل واركبها ولكن رجعت تشتغل اللمبات من جديد و جربت اني اشغل السلف للآخر وادعس 5 دعسات بعدين اشغل السياره ولكن نفس العله موجوده ,,,
سؤالي هو هل فيه أحد ركب بوالين على جمس سييرا ,, تاهو ,, يوكن ,, وطلعت عنده نفس المشكله و السؤال الثاني وش حالها ,,, أتمنى ذلك بأسرع وقت ولااا بحرق الموتر
بعد 20 سنه لأني طفشت من هالمبات ,,,

هذي الصوره و السياره تمشي واللمبات شغاله تقول عرس

http://arb-up.com/fup73m1nb8en

[ناصر دخيل]

السلام عليكم أخوي مكشاتي انا عندي استفسار بخصوص البوالين يوم ركبتها طلع لك لمبات في الطبلون زي هذي

[ناصر دخيل]

جاك العلم ياطالب العلـم


العلم ياطويل العمر انا معي سييرا 1500 قصير .. 2010

ركبت بوالين هيرو ..مقاس 17 لف يمين ويسآر مايحك ولا شي>..
بس بصراحه مايصلح نهائيآ ...البوالين صحيح يعطي منظر بس قسم بالله فقدت الرآحه..
وبعدها بيومين شلتة

[مكشآتي للآخر]

السلام عليكم أخوي مكشاتي انا عندي استفسار بخصوص البوالين يوم ركبتها طلع لك لمبات في الطبلون زي هذي

لا يالغآلي ماطلعت وانت الظاهر انك حاك الكيلبر؟؟؟
ثاني شي اللمبآت ذي والله المشكلة
شييييك عليــــــــــــه ضروري

[مكشآتي للآخر]

على فكرة إعرف واحد من خوياي
ركب جنوط 16 على سييرا 2011
وطلعت له هالحوسة بالطبلون
بس المشكلة انه حاك الكليبر عشان يركب جنط 16