*~*, رابطة مـــــلاك الجموس الحوض ,*~* الجزء الثاني

[ج س م]

اعمل بحث في خوخل (GMC TRUCKS)

[ج س م]

اما التفصيل صعب كل دفعة تختلف مع توصية الوكيل في الطلبية

[سعد777]

اللي اعرفه ماشي وعوائل
حجم 1500 مكينه 5300 زد z71 وهذا هو المطلوب واللي دارج مع النااس
لأن فيه مكينته 4800,وهذا النوع عزمه يعني لك عليه
حجم 2500 قوي مره وما يصلح للشركات اكثر شي تحميل اوزان كثيره
عيب الغمارتين طويل شوي ولا هو زين
انا بختصر لك ونخوك

خذ 1500مكينه 5300z71 عاد انت حدد المواصفات نصف فل او فل ما اعرف مواصفاتها بالضبط

[غالي يا غالي]

شباب ممكن اسال عن استخدام الشفر سلفرادو
غمارة حوض دبل 8 سرندل
لان صراحه عليه عروض حلوه وانا جزمت اخذ واحد
بس من جربه وهل فيه عيوب ميكانيكيه او كهربائيه
وطلعاتي للبر ماهي بعيدة ابي لشعبان ونفود
لان المشاوير الوعره عندي موتر ثاني

[غالي يا غالي]

لا تخافون استخدامي حشششششششششششششمه ماراح العب به ابي للديره وطلعات قريبة
وابي طرمبة البنزييين هل انتهت مشكلتها الا الى الحييين تشكي النااااس منها

[مسير عليهم]

حجم 1500 يجي بثلاث مكاين افضلها 5,3

حجم 2500 يجي بمكينة 6 لتر وقير اكبر ودفرنس اكبر وهو مخصص للسحب والتحميل

حجم 3500 هذا مخصص للسحب الثقيل

z71هو صفه او ميزة للسيارة يعني تعتبر رياضية اكثر من ناحية ثباتها وقساوتها في المساعدات

هذا مختصر بسيط

[غالي يا غالي]

يا شباب ضرووووووووووووري ابي واحد يرررررررررررررد علي
لاني ابي اروح للوكاله هاليومين

[الشعشاعي]

بيض الله وجيهكم والله يرحم والديكم ويكتب أجركم

[مسير عليكم]

ياخي انا زيك جايز لي الموتر ونا راعي خطوط ودخلاتي النفود خفيفه

[ابوالهيام]

تحية طيبة
انا افيدك وبصفتي جربتها كلها

اذا انت رجلك شديده عالسيارة وراعي سكبه خذ 2500 hd وصراحه انا لومنك اخذه الانه عرض على طوله مناسب جدا والله قوووووووه رهيبه

اذا انت راعي محافظه ولاتحب العزم مناسب خذ 1500 z71 ولكن طول غير مناسب على عرضه ومنتب مهايطي ههههههه طبعاً


موفق طبعا 2010 احسن لك والله اعلم

[سعد777]

مر هنا يفيدك اكثر

http://www.mekshat.com/vb/showthread.php?t=428883

http://www.mekshat.com/vb/showthread.php?t=430285

[* ابو باسل *]

على حسب حاجتك واذا انت راعي مكاشيت في وقت الشتاء ومدينه وخطوط وتحميل متوسط الى 1000 كيلوا بالحوض ابد لاتاخذ غير زد 71 غمارتين حجم 1500 مكينه 8 سلندر 5300 سي سي موتر يفي بكل متطلباتك واذا كان غمارتين يعجبك اكثر لانه يشيل عفشك ويشيل عيالك وراحه وان بغيته في الشده حصلته وعليك بالموديل من 10 وفوق لانه اختلف فيه القير الى ست تعاشيق واصبح اقوى من قبل .
اما اذاك راعي تحميل ثقيل وعندك سياره ثانيه لاستخدام المدينه ولا تبي الموتر غير للبر والتحميل خذ 2500 موتر يتحمل الجلد وقوي الى ابعد ماتتصور ولاكن في المدينه مايصلح ابد ثقيل وتبلش به .
وموفق خير .

[* ابو باسل *]

الي اعرف ان الي عليه عروض هو 6 سلندر ابعد عنه ولا تاخذ غير زد 71 ثمانيه سلندر 5300 وغيره فلا .

[مسير عليهم]

بشكل عام الموتر يبرد القلب وخذ لك z71 افضل مواصفات وانتبه لحجم المكينة لا تاخذ اقل من 5,3

والعيوب الحمدلله الاغلبيه مااشتكى منه

[GMC4Ever]

وعليكم السلام ورحمة الله وبركاته

وش موديل السيارة لا هنت؟ وهل هي 1500 ولا 2500 ولا 3500؟