*~*, رابطة مـــــلاك الجموس الحوض ,*~* الجزء الثاني

[صريح المقال]

السلام عليكم ورحمة الله وبركاته

اخواني عندي رسايل فالشاشه افحص ضغط الاطار الايسر والايمن الخلفي والامامي وهن جدد مدري وش السالفه والزيت اغيره جديد يقول صلاحيته صفر بالميه مدري وش السالفه علما ان الموتر حوض الفين وتسعه اتش دي ،، وشكرا

بالنسبلة لفحص ضغط الكفرات لازم يكون ضغطها عند مدى معين أو أكثر بالنسبة لموترك 2500(HD)ما أدري كم بس كان معي حجم 1500 وإذا نزل ضغط الكفر عن الـ 30 يطلع لي علامة الكفر ويطلب مني فحصه
وإذا غيرت الكفرات وتغيرت أماكن الجنوط الله يعينك تعيد برمجتهن لأنه ممكن يقولك الكفر الأمامي يمين نازل وهو يقصد الخلفي يسار لأن حساس الهواء داخل الجنط

بالنسبة للزيت إذا غيرته سلمك الله لازم تصفر عداد الزيت بحيث يرجع إلى 100% ثم ينزل بشكل تدريجي ..
والطريقة انك تضغط ثاني زر الي فيه الزيت وضغط الكفرات لين توصل للزيت وبعدين تضغط آخر زر الي عليه علامة الصح وتعلق عليه لين يرجع عداد نسبة الزيت إلى 100%
طبعاً هذا عند كل تغيير للزيت


هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.

[Abdalelah112]

السلام عليكم ابي اركب يايات خلفيه بدال السست هل فيه مجال

[صريح المقال]

السلام عليكم ورحمة الله

صباح الخير للجميع يا الربع انا معي جمس سييرا قطعه 10 موديله 2013 حبيت اسالكم عن تدبيل المساعدات لان مطبه قوي ويهبد وهذا عذروبه واتمنى تفيدوننا باسم المساعدات الي تركب قدام ووراى ووين الورشه الي تضبطها وكم تكفلتها وسلامتكم

بالنسبة للمساعدات الأمامية:

بالنسبة لي فقد بحثت وقريت ووجدت ان التدبيل زين وان فيه مساعدات اسمها بليستين5100 تغنيك عن التدبيل لأنها غاز وأدائها عالي وتجي بثلاث رفعات من بلد ترفعها للدرجة الي تبي أو تخليها نفس رفعة البلد (وقت التركيب فقط) ومالها وكيل أو مورد هنا حسب ما فهمت من خلال البحث بالنت لكن بعض محلات التزويد والترهيم يجيبونها وغالية عندهم وبحثت عنها بالنت ولقيتها بمواقع كثير وأرخص مالقيت بالإيباي وشريتها الحمد لله ووصلت خلال فترة معقولة مدري عشرة أيام أو اسبوعين حولها على صندوق البريد العادي



وهذا رابط لنفس البائع:

http://www.ebay.com/itm/311006385681

الرجال يبيع المساعد بالحبه يعني لازم تختار حبتين وبعدين تراسله أظن عشان يحسب لك قيمة الشحن يخفضها بحكم انها شحنة وحده طبعاً قبل تدفع تراسله يعدل القيمة ثم تدفع ..



يلزمك صندوق بريد عادي أو شف أحد من ربعك أو تبحث لك عن وسيط يشتريها لك وفيه منتدى متخصص بالوساطة الالكترونية ابحث عنه بقوقل بالكلمات التالية:
قسم الوساطة الالكترونية

وانت انشد عنهن وابحث اذا اقتنعت فيهن ولا شف الترهيم..






بالنسبة للمساعدات الي شريتها أنا تراها موجودة وللبيع..

استعمال ما أدري كم بالضبط بس من 3 شهور إلى 5 شهور تقريباً وبعدها فكيتهن وبعت الموتر وهالكلام قريب حدود شهر

وشريت موتر ما يركبن عليه ولا مالهن ثمن الصراحة خط وبر وديره عز الله انها مساعدات

وناوي أعرضها بالمنتدى مع فحمات سيراميك بعد لكن ما فضيت لهن



موتري كان حجم 1500 (قطع 10 ) موديل 2012 غمارة.

هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.

[binmegin]

السلام عليكم ورحمة الله وبركاته
الله يطعمنا من خير هالسيارات ويكفينا شرها
عندي سييرا 2013 غمارتين دبل
سؤالي ودي اركب مبرد للقير لانه حرارته تزيد عن ال 60 وانا ماشغلت الدبل يعني في الخط
وش احسن محل يركبه و احسن نوع كم قيمته وتركيبه
الله يجزاكم خير

[ابوخلف..]

السلام عليكم مساكم الله بالخير
لانستغني عن ارائكم وخبرتكم
افكر اشتري جمس 2500 HDغمارة شاص طويل
موديل 2010 لكن ماعرف اسعارهن وكدهن
وهل قيمتهن ثابتة او بنزول
بارك الله فيكم

[almutllaq]

السلام عليكم ورحمة الله وبركاته .

للبيع تانكي الوطني ( 200 لتر ) للسييرا والسلفرادو .

شاريه يوم 24 ميلادي ( قبل 4 ايام ) للشاص لكنه ما طبق ونزلته بالمستودع .

التانكي للبيع بــ 300 ريال .







تحياتي .

[خالد776]

السلام عليكم جميعا
وآسف اذا كان السؤال مكرر
هل البلاستين يرفع السييرا ١٥٠٠ وكم تقريبا وهل المساعدات عملية؟

[ابن المهد]

مساكم الله بالخير
عندي جمس حوض مديل 80
المشكله الاولى فحمة القير غيرتها اكثر من اربع مرات
من ايدلني على محل ايبيع الاصلي
وانا سمعت عن فحمه وملقاط رياضي من عنده معلومه لا يبخل علينا
المشكله الثانيه طرمبة الزيت وش النوع الاصلي او الافضل من اسي ديلكوا
لان المكينه فكيتها ابي اوضبها وش افضل القطع غير اسي ديلكوا
المكينه ٣٥٠

[Banker]

ياراعي التانكي الي للبيع .. ارسل لي رقمك خاص

[الحربي 591]

اسعار السييرا والسلفرادو في التوكيلات العالميه


1- سلفرادو غماره 2015 LT دبل 144000 SR

2- سييرا غمارتين 2015 SLE دبل 169000 SR

3- سييرا غماره ونص 2014 دبل 158000 SR


الغماره ونص قبل اقل من شهر تقريبا
اي استفسار انا احااضر
تحياتيي لكم
.... :
(((حفريات عميقه)))
عذرا على الاضواء المزعجه
نعمل لاجلكم

[الدوسري دت كم]

السلام عليكم .
ابي ستكررابطه الشفروالجمس .
وين احصله وكم مقاس يجي

[أبوبسام 0104]

السلام عليكم جميعا
وآسف اذا كان السؤال مكرر
هل البلاستين يرفع السييرا ١٥٠٠ وكم تقريبا وهل المساعدات عملية؟

نعم يرفع السييرا ال1500 وأنا مركبه على موتري وتقدر تخليه نفس رفعة شدالبلد وتقدر ترفعه أكثر لأنه يجي ثلاث طقات
ميزته انسى المهابد مع المطبات

[نجداوووووي]

السلام عليكم ورحمة اله وبركاته

انا عندي جمس موديل 84 ومحتاج ورشة في الرياض لتصليح بعض الخربات

ياليت احد يعرف ورشة في الرياض تجدد الجموس القديمة

[بن مانع التميمي]

يا رجال الله حيهم


انا عندي جمس حوض 2006

قير عادي به قرقشه بالخامس ولا فكيت رجلي راحت وبالرابع نفس الكلام لكن خفيييفه

وش العلم ؟؟؟


ملينا من هالسواريه النصابين دلونا على احد مجرب وموثوق يا جماعه


لاهنتوا

[المرتاع]

يالربع عندي جمس 2008 يفصل على 140 شاريه من شايب والظاهر ملخبط في البرمجه وابي افصل السرعه
من له خبره