(((((((((((رابطة ملاك الباثفيندر الجيل القديم )))))))))))) الجزء الثاني

[سييرا2002]

راعي البا
مشكووور جدا جاري انتظار الصور بس عندي سؤال اي واحد يفك الانبوبة اخاااااف اجيب العيد

لا تجيب عيد ولا هم يحزنون

أي واحد يقدر يفكها بنفسه كل ما في الأمر يبي لك زرادية وقبضة من حديد

وانتهينا

[سييرا2002]

يا شباب وشرايكم

باثفندر ماشي حول ال200
قير عايدي 2005
لونه فضي قزاز كهرب
سعره ب47

1-هل سعره مناسب
2-انا سمعت ناس واجد يقولون خرابات وانه ما يصبر
هل صحيح كل الباثفندرات خرابات ولا الواحد اذا حافظ عليه اموره تمشي ويتحمل
3- قطع الغيار هل هي غالية ولا مثل بقية الجيوب

1- السعر مناسب ولو قدرت تخليه ينزل لك 2000 بكذا حق الناس للناس

2- الموتر على الاستخدام ولو معاك دبابة وما تحافظ عليها شيء اكيد راح تخرب ولا بتلقى لها قطع غيار إلا إذا كان عندك واسطة في الجيش

3- القطع بها نسبة وتناسب يعني فيه شيء اغلى من الجيوب الثانية وفيه شيء ارخص من الكامري

ولكن بصفة عامة قطع النيسان إذا أخذت الأصلي مو أصلي لازم الأصلي تراه يطول ويخدم يعني سعره فيه

[maknon]

السلام عليكم ..
حياكم الله جميعاً ..

مطلوب دبة بورلا للباثفندر

اللي عنده ويبي يبيع او يعرف محل يبيعها

الرجاء ارسال رسالة على الايميل
maknon55@gmail.com

[سييرا2002]

الله يجزاك خير


ننتظر الصور حتى نطبق بدون اسالة

سؤال : بثبوثي 2001 مكينة صغيرة 3300 << مميز << اخلص

هل فيه مسمار تفريغ هواء ؟؟
ممكن صورة له ؟؟

الباث 2001 - 2002
ما أعتقد فيه انبوب تفريغ هواء
وإذا كان فيه فأكيد إنه يختلف عن 2003 - 2005

[ابو حمد 2010]

بالنسبة للصرفية 330 كيلو على سرعة 140 - 160

أشوف إنها طيبة لأن موتري يصرف نفس الصرفية

بالنسبة للدخان الأسود إذا كانت المكينة صافية وما فيها تقطيع وامبير الضغط ثابت فلا تغير حساس

لكن جرب حركة الشباب خذ لك كيروسين ( قاز أبيض ) عبه في قارورة أم ريال وخل التانكي حتى يفضى وحطه في التانكي وعب بـ 20 - 25 ريال وشدّ على الموتر حتى تولع لمبة البنزين وبعدها عب فل مرتين وإن شاء الله تزين الأمور المهم إن التائج ما راح توضح سريع سريع

ثاني شيء في إعتقادي الشخصي إن البنزين الاخضر 91 مو نظيف وأشك إنك تعبي اخضر

أخيرًا أتمنى تستفيد من الرابط التالي :

http://www.mekshat.com/vb/showpost.p...ostcount=15885

الاخ العزيز سييرا 2002

اشكرك على تكرمك وتفاعلك معي..

بالنسبة للتقطيع مافي ولله الحمد بس دخان اسود والبنزين صار لي اكثر من شهرين ماعبي الا أحمر 95.. والسيارة تحسنت كثير عن اول يوم اني اعبيه اخضر من ناحية صوت المكينة صار انعم والخشخشه اللي فيها راحت..

[path2002]

شاورة واحد من الربع عن مشكلة موتري وقالي هذا راس المكينة تهقونه صااااااادق ولد نوير ؟؟؟؟؟؟؟؟؟

تأكد ياحبيب الملايين من الخراطيش والخرطوش الي ورى الثلاجه لا يكون التهريب منها
والله يكفيك خراب الراس ان شاء الله مو منه

[path2002]

وعليكم السلام ورحمة الله وبركاته ،،

اولا // الباث يا طويل العمر دفع خلفي

ولكن اذا شغلت الدبل ( سواء الخفيف او الثقيل ) يصير

دفع رباعي ،،

ثانيا // الدفرنس امامي + خلفي

لأنها لو كان فليور ( مثل ما قلت ) او عكوس فلا تستطيع

أن تفصل الدبل عن الموتر

او بمعنى أخر ما تقدر تركب عليه فرارات ، ،


أتمنى ان الفكرة وضحت لك وشكرا ،،

وصلت وبيض الله وجهك واستفدت وصححت معلوماتي

[هيبه ملك]

ياشباب نصيحه لله

انا معي باث مكينته 3500 ومن يوم شريته من سنتين الى الان مااعبي بنزين الا اخضر 91 ولله الحمد الموتر

تماااام وانتو عارفين ان الباث مصمم على بنزين 91 وفر فلوسك وعب 91

والله لو كان فيه ضرر مانصحتكم والخيار لكم

تحياتي للجميع

[ban444]

تأكد ياحبيب الملايين من الخراطيش والخرطوش الي ورى الثلاجه لا يكون التهريب منها
والله يكفيك خراب الراس ان شاء الله مو منه

الله يجزاك خير انا افكر اغيرها بس ارجع الرياض لابد من زيارة ابو ابراهيم

[ابوعمر0]

يااخوان انا معي باث 2004 اذا مسكت عليه خط وتعديت الـ 120 ورفعت رجلي عن الدعسه اسمع صوت زي صوت حديد يحك في بعضه مع العلم ان الصصوت مايطلع تحت الـ120 ياليت تفيدوني

[المنيعي1]

ياشباب نصيحه لله

انا معي باث مكينته 3500 ومن يوم شريته من سنتين الى الان مااعبي بنزين الا اخضر 91 ولله الحمد الموتر

تماااام وانتو عارفين ان الباث مصمم على بنزين 91 وفر فلوسك وعب 91

والله لو كان فيه ضرر مانصحتكم والخيار لكم

تحياتي للجميع

نعم نفس الطريقة أنا من طلع الأخضر ما أعبي موتري ألا أخضر والحمد لله كل شي تمام

[المنيعي1]

وصلت وبيض الله وجهك واستفدت وصححت معلوماتي

بلعكس لخبط معلوماتك وحاس مريره وهذي مشكلة المفتي بدون علم.
المعلومة الصحيحة أن الباث يجي عكوس في الأمام .

[محامي وراط]

بلعكس لخبط معلوماتك وحاس مريره وهذي مشكلة المفتي بدون علم.


المعلومة الصحيحة أن الباث يجي عكوس في الأمام .

المنيعي كلامك سليم 100 % ولا عليه اي غبار

المعذرة يالنشامى تم التأكد من الباث وصار الامامي عكوس والخلفي دفرنس وشكرا ..

[الشكري1]

يااخوان انا معي باث 2004 اذا مسكت عليه خط وتعديت الـ 120 ورفعت رجلي عن الدعسه اسمع صوت زي صوت حديد يحك في بعضه مع العلم ان الصصوت مايطلع تحت الـ120 ياليت تفيدوني

نفس مشكلتي

اذا شديت على الموتر عزم وارتفع ضغط المكينه شوي وفكيت الدعسه يطلع صوت حنه او ونه
واذا ضغطت الكلتش راحت
الموتر سوزوكي جمني 2005 عايدي

من الي عنده علم عن المشكلة يعطيكم العافية في هالليلة الفضيلة

[path2002]

بلعكس لخبط معلوماتك وحاس مريره وهذي مشكلة المفتي بدون علم.
المعلومة الصحيحة أن الباث يجي عكوس في الأمام .

جزاك الله خير ووصلت المعلومه الصحيحه
والشكر موصول لاخوي محامي وراط على اجتهاده
وهو بعد تأكد من المعلومه وعرف ان الامامي عكوس
واحنا عشان نستفيد ونفيد
وجزاكم الله الف خير