(((((((((((رابطة ملاك الباثفيندر الجيل القديم )))))))))))) الجزء الثاني

[راعي البا]

[راعي البا]

اثرنا نحسب بس الباثفندر تطيح مسامير الثلاجه ...........
شوفو هالامريكي يسب في النيسان وصناعه اليابان .........
معه


مكسيما 2002 وطاحن عليه مسامير الثلاجه .....
تفضلو المقطع ويكفيني ولو كلمه شكرا ,,,,
لاني تعبت وانا ادور المقطع لعيوووونكم
تفضلو
مع تحيااتي راعي البااث

[سلطان الهاوي]

الي يسئلون عن السياره بعد تركيب ماصوره
صراحه لو اقولكم المميزات يمكن تقولون موسوس
1- سرعه تشغيل السياره
انا كان موتري متسدده شخالاته تقريبآ واذا دقيت سلف والسياره له اكثر من 12 ساعه ( بارده يعني ) كذا طريقه التشغيل ( طاطاطا ترن ترترتر)
لكن بعد الماصوره اذا بردت السياره واخذت اكثر من 12 ساعه ( طا ترن ترترترتر) بسرعه تشتغل
2- سرعه انطفاء السياره
اول ماتلف المفتاح المكينه طافيه من زمان سابقآ كانت تطفي السياره وتطلع المفتاح وتوه تطفا الحين بس ادر المفتاح وتطفا بسرعه << شرح سريع سريع
3- ثبات الحراره
ابتكلم عن موتري سابقآ الظهر الساعه 3 ومشغل المكيف الحراره على الربع بالضبط على الخط حق الربع ( نيسان دائمآ بارد)
لكن بعد تركيب الماصوره صارت تحت الربع بشرطه تحت الخط يعني
4-تعطيك اذا دعست له يطلع صوت خفيف جدآ تسمعه وانت بالسياره وبرآ يسمعه عادي
واذا رفعت رجلك عن الدعسه والضغط على 5 ترمي على خفيف تر تر تر طع << مايسمعه الا القريب
5- هدوء حس الموتر الى درجه انك اذا نزلت والسياره تشتغل تشك هي شغاله او طافيه
6-رخص تركيب الماصوره بـ 25 ريال
صراحه الماصوره لحاله وبس

واشكر صاحب الموضوع وـآٍسف على المداخله
منقول من منتدى تطعيس

وش ماصورته الموضوع مو مفهوم انت تقصد اي دبه بالسياره فيه ثلاث

[abu fares]

السلام عليكم

يا احبة طرمبة البنزي باث 2003 حد يعرف سعرها كم وكم تكلفة التركيب ؟

الله يجزاكم الجنة

[حمد الأحمد]

السلام عليكم ..

حياكم الله ..
الشهر مبارك .. الله يتقبل الصيام والقيام ..

ومبارك علينا الجزء الثاني .. الله يطرح فيه البركه ..

يالغالي غالبا ما تولع لمبة الارباق وهو سليم الا اذا كانت المراتب مفكوكه وشغلت السياره ..
وهذي دايم يكون سببها التلميع وصارت لأخونا أبو فهد (بن محفوظ) الحل تسوي لها اعادة برمجة للارباق واذا كنت بالرياض يسويه لك أبو ابراهيم بـ 50 ريال ...

الله ييسر أمرك ,,,

وعليكم السلام

الشهر مبارك على الجميع

لا أنا سويت اصلاح دودة وغيرت صوفت العكس وولعت اللنبه

وأفكر أني ألمع الموتر من داخل زين أنك نبهتن

أنا بالرياض لكن وين مكان أبو ابراهيم

وجزاك الله خير

[راعي البا]

وش ماصورته الموضوع مو مفهوم انت تقصد اي دبه بالسياره فيه ثلاث

شكلك يا اخوي ما انتبهت لكلمه ....
منقوووووول من منتدى تطعيس يعني الموضوع لواحد ثاني مب انا

[راعي البا]

تكفوون يا شباب طالبكم طلبه لا تردوني


ابي الي مركب دبه يوكن او اي دبه ثانيه ينزل مقطع لها
لاني جزمت اركب دبه يوكن نص تفريغ
وما ركبتها الا ابي صووت يطربني
بانتظاااركم
وابشرو بتقرير كامل عن الدبات والحركااات
بانتظاااركم على احر من الجمرر

[abu fares]

السلام عليكم

يا احبة طرمبة البنزي باث 2003 حد يعرف سعرها كم وكم تكلفة التركيب ؟

الله يجزاكم الجنة

ما احد رد علي برد انا على نفسي من اجل يستفيد الاعضاء الكرام

قيمة الطرمبة بـ 360 ريال { الاصلي }

وشغل اليد 350 ريال بس متأكد لو كانت بالصناعية كانت تكلفة شغل يده أقل لكن الشكوى لله السيارة خربت خارج جدة وأضطريت لواحد كهربائي في محطة وزي ما تعرفون اما طاعك السوق والا طيعه

[مسافر وحداني]

السلام عليكم
أخوي مسافر وحداني
وصبحك الله بالخير
من تقصد الي قريب من الهرم
الي بطريق الميه
انا ساكن قريب الهرم
ومنك نستفيد
وشكرآ لك

انت في طريق الميه قادم من الشرق وانت رايح باتجاه مخرج 15 يعني الغرب
عند الاشارة يجيك الهرم قدام يسار ادخل يسار
يكون الهرم على يمينك خلك سيدا تجيك محطه على اليمين
قبل مجمع الخواجه اللي على اليمين قبله فيه محطة التسهيلات
داخلها ورشة اسأل عن يعقوب ( ابو عبد الله ) هو اللي يسوي
لك البرمجة بس اتصل عليه ( 0541556927 ) قبل ما تجي علشان يأخذ الجهاز
معه بعد صلاة العصر مباشرة افضل

[حرش العراقيب]

يا شباب عندي لمبات المكيف بعضها عطلانه
وش الحل ؟ احد مرت عليه المشكله ؟

[غلطه ثمنهاروح]

انت في طريق الميه قادم من الشرق وانت رايح باتجاه مخرج 15 يعني الغرب
عند الاشارة يجيك الهرم قدام يسار ادخل يسار
يكون الهرم على يمينك خلك سيدا تجيك محطه على اليمين
قبل مجمع الخواجه اللي على اليمين قبله فيه محطة التسهيلات
داخلها ورشة اسأل عن يعقوب ( ابو عبد الله ) هو اللي يسوي
لك البرمجة بس اتصل عليه ( 0541556927 ) قبل ما تجي علشان يأخذ الجهاز

معه بعد صلاة العصر مباشرة افضل

جزاك الله خير
والله يرحم والديك
وبيض الله وجهك
كفيت ووفيت

[سييرا2002]

يا شباب عندي لمبات المكيف بعضها عطلانه
وش الحل ؟ احد مرت عليه المشكله ؟

رد عليك أخونا المنيعي1 في صفحة 3

هلا بحرش العراقيب

لمبات المكيف كانت طافية عندي قبل سنتين وركبته عند الوكالة وسألتهم عن طريقت تركيبه قالو نفك الديكور وبعدين نفك المجموعة السودأ للمكيف الأكتروني فيها لمبات صغيرة من الخلف .

دورلك كهربائي فاهم وخله ينتبه لديكور المخشب لأنه حساس لاينكسر والمبات عند قطع الغيار ولاهي غالية .

[سييرا2002]

ما احد رد علي برد انا على نفسي من اجل يستفيد الاعضاء الكرام

قيمة الطرمبة بـ 360 ريال { الاصلي }

وشغل اليد 350 ريال بس متأكد لو كانت بالصناعية كانت تكلفة شغل يده أقل لكن الشكوى لله السيارة خربت خارج جدة وأضطريت لواحد كهربائي في محطة وزي ما تعرفون اما طاعك السوق والا طيعه

الله يجزاك خير يا بو فارس

والحمد لله على السلامة ومعوض خير أهم شيء الوناسة وسعة الصدر

[مسافر وحداني]

جزاك الله خير
والله يرحم والديك
وبيض الله وجهك
كفيت ووفيت

وياك وكل مسلم
بس لا تنسى تعطينى النتيجة

[الرجل الرشيد]

يالربع
السلام عليكم
عندي باث فيندر
توماتيك
ماشي 300000 كم
ولكن الزيت ينقص والعزم ضعيف

الراي ياجماعة