مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
داخل الديره اخر حلاوه سواء بمكيف ولا بدون بالليل ولا بالنهار
مشكلتي اذا رحت يم البر او سافرت وتعديت 140 الى 130 تفور المويه من القربة وتنثر على الكبوت والشبك وكذا مره ارتفعت معي للاتش وكذا مره رجعت ما سافرت
طبعا كل ما نقصت موية الاديتر سخنت المكينة وطلعت الموية برا من عند القربة لانها تغلي والموية ما كفتها
خلال 6 شهور خسرت يمكن 8000 عشان هذي المشكلة
كل واحد اجيه يقولي يمكن راس المكينه وهذا الخيار مابيه لانه بيدخلني بدوامه المكينة والتخبيط وهلم جرا
بالاول
غيرت تماتيك مروحه اصلي ما فاد
غيرت اديتر مافاد
غسيل لدورة الماء في المكينة والراديتر عن ورشة الوفاء اللي بالصناعية القديمة بالرياض ولا فاد
دبات الشكمان قالوا يمكن مسدوده طلعناها ونظفناها ما فاد
غيرنا غطاء اديتر ما فاد
حطينا موية حمراء وخضراء وكل لون ولا فاد
سيخت الاديتر القديم والجديد ولا فاد
لف وفرفره على الورش وكل واحد ياخذ رزقه ولا فاد
قبل الخطوة الاخيرة لفك المكينة
شريت طرمبة مويه وكالة وركبتها مع ان القديمة كانت سليمة
شريت خراطيش وكالة فوق وتحت وركبتها
شريت بلف داخلي وكالة وركبته
المشكلة الله واعلم كانت من البلف الداخلي لاني كنت شايله من زمان وهذا صمام الامان لانه يتحكم في دخول وخروج الماء البارد للمكينه
عموما هذي مشاركتي حاول تقرا الرد 15651 عشان ما تخسر كثير بدون فايده
وهذا رابط الموضوع مشاركة 15651
الله يعوض عليك يا شيخ نجد في كل خسايرك وتعبك.
ولكن ما أعتقد أن سبب التفوير من عدم وجود البلف الداخلي ,لأن الشغله هذي حصلت معي قبل سنتين فورت الماء وطلع مع القربة وكنت ماشي بسرعة زايده والبلف الداخلي موجود والرديتروكالة, وقفت لقيت الماء ناقص زودته ومشيت عليه وبعد ما وصلت غيرت الرديتر رصتين وفكيت البلف الداخلي والحمدلله ظبط الموتر.
الشكر موصول لجميع الاخوان الي ردو على مشكلتي ونا باخذ الموتر ووديه على ورشة الثنيان والله يكتب الي فيه الخير. لاني نويت اغير الاديتر بواحد اردني وغير بلف المويه
الله يعوضك خير وأهم شيء إن مشكلتك أنحلّت بدون النظر للمكينة
بخصوص التفوير عندي قريب لي عنده باث 2003 قير عادي شاريه على يده وكالة ولا سبق وشال أي بلف , يقول : طلعت الاسبوع الماضي من جدة إلى المدينة المنورة وبينما هو يلف عالفنادق وقف السيارة وبعد ما خرج من الفندق يقول لقيته يفور
والي شايل البلف الداخلي من سنين ولا عنده الا كل خير ..
الي جرى على موترك عطل بشي ومو ناتج عن شي ناقص من زماااااان ..
عطلك والله اعلم كان بالطرمبة بما انك غيرتها باخز يارة لك للورشة .. وهذي تشييكها سهل ولكن قدر الله وماشاء فعل ..
البلف الداخلي اذا مشيول يبقى عندك البلف الاساسي وهو الاهم وهو الي يحافظ على توازن برودة وحرارة الماء ..
وجهة نظري + رأي الخبير ابو ابراهيم يوم نشدته عن هالنقطة .. والله اعلم
السلام عليكم انا عندي باثفندر 2004 توي مغير مكينته ويوم طلعت من الورشه ومشيت شوي لقيت لمبة المكينه مولعه ولونها برتقالي ولا ادري هل هي مولعه من اول ما شغلته او بعد ما مشيت ولا فيه اي اعراض لا تفتفه ولا حاجه ارجو من لديه خبره يفيدني وشكرا
تحياتي للجميع....احد جرب جنط 15 وبالون على الباث...؟؟
ينفع او ما ينفع
يا اخوان عندي سؤالين×
الاول كم معدل الحرارة الطبيعي يعني اكثر ماتوصل واقل ماتوصل ( انا من الربع الى الثلث ) الموتر وكالة
الثاني كم تاخذ السيارة من لتر زيت في دفتر الوكالة ٥ لتر و بعض البناشر يقول ٤.٧٥ طبعا مع السفون
كلامك صحيح
انا جلست سنه بدون بلف داخلي ومع ذلك ما كان يفور معي
بعد السنه صار يفور معي من عند قربة الاديتر من اول سرعة زايده فوق 140
انا غيرت 3 اشياء بوقت واحد
طرمبة الموية
البلف الداخلي وطبعا ما كان موجود
خراطيش الموية
بعدها مسكت طريق الخرج قبل المغرب والمكيف على اربعة ومعي رجالين متان
المكيف كان على نمره 4
وهات يا جلد 170و160 لمدة نص ساعه حتى دخلت الخرج
وقفت فجاة وزي ما تعودت كنت اتوقع ان الحرارة بتوصل للاتش والماء بيفور من القربة !!
لكن كانت المفاجأة انه ولا نقطة ماء طلعت ولا ارتفع موشر الحراره فوق خط c حتى ولو بشرطه وحده ..
طبعا وقتها كانت المكينة حاره والاديتر ماه بارد .. ولما وقفت اكيد البلف الداخلي قام باخراج الموية الحارة للاديتر وسحب موية بادره لكي تدخل لراس المكينة وتبرد المحرك ..
هذي تفسيري لعمل البلف الداخلي وعدم فوران القربة
احتمال ثاني وارد جدا ان تكون المشكلة من خراطيش الموية يمكن كان فيها ليونه زايده مما يجعلها تتصفط مع ظغط المكينة وتلتصق في بعض وتمنع مرور الماء من والى الاديتر
ربما من البلف وربما من الخراطيش ..
الان لي شهر تقريبا ضربت اكثر من مشوار ولا هناك مشكلة ابد مع الحرارة ..
وشكرا لمداخلتك..
حبيت اسالكم سؤال
الكلتشات
صح كذا
المهم تنحرق بسرعة ولا
الذين يشاهدون الموضوع الآن: 1 (0 من الأعضاء و 1 زائر)