:.. رابطة ملاك فورد Explorer حياكم ..: الجزء الثاني

[راعي الاكس]

بالتأكيد هذا الذي حاصل معي صوت المروحة يشبك ويفصل في ثواني ولا في وقت للانتظار بس في صوت من جهت الكمبرسر
ولا ادري بظبط هل هو منه ام صوت المروحة عندما تشبك وتفصل

طيب اخي وش تنصحنا نعمل وهل اعرض السيارة على كهربائي متخصص وهل تعرف احد نروح له في الرياض


لك مودتي ياغالي

اكيد اخوي لازم تعرضها على كهربائي ممتاز ولا بعد فترة يبداء تقل برودة المكيف لين يصير ما يبرٌد ,, وانشالله انه تكون الثلاجة الامامية سليمة ( لنه انا ضربت الثلاجة بموتري وغيرتها بالشركة على حساب الضمان)
ويكون نقص فريون بس ’’’ بس تاكد اخوي من نوع الفريون لازم يكون الاصلي تراهم غشاشين اكثرهم يحطلك فريون يجيب العيد بنظام التبريد بالموتر

[ابوعمر1397]

سوال : هل الكراسي السيارة تشمل الضمان لان عندي كرسي السائق فية مشكلة

حتى 64 الف
الضمان من الصدام الى الصدام

[ابومشاري 555]

اسعد الله اوقاتكم بكل خير معي فورد اكسبلورر 2007 امريكي ثمانية سلندر البارح وانا ماشي انقطم واحد من المسامير حق الكفر الخلفي ولقيته مصدي المهم رحت اليوم للتقوى مالقيت مسامير قال تلقاها في الجزيرة جنبنا وقالوا نطلب لك واطلب مسامير السيارة كلها قلت اغيرها احتياط طلعت 335 وشغل اليد لتركيبها في ورشة السليماني في صناعية النسيم 300 لجميع الكفرات المشكلة انه فيه صوت ونه من ايام مشغلني كنه صوت ونين خفيف مستمر وقالي المهندس بعد ما ساق السياره هذا صوت الرمان والفلنجة المهم ورجع للجزيره كم الفلنجة الامامية قال 1030 قلت على شحم وارجع للتقوى والقاها اصليه 800 للجهة الواحدة مع اني اذا لفيت اقصى اليمين مافيه صوت وكذلك اليسار مافيه صوت هل هالصوت صوت رمان وفلنجة وهل هذي قيمتها زادت والله

[ابومشاري 555]

رحت للعضيب وفحصة على الجهاز طلع الصوت فلنجة امامي يمين يقول تركيب 250 وكمان طلع الفحص رمان خلفي يمين بصراحة يوم رفعوا السيارة وعلى جهاز السرعة يبين الصوت فحص ممتاز تم فحص كل.اطار لحالة والفحص مجاني وشكرا

[m3ax]

شف يالغالي اذا المروحة تفصل وتشبك بشكل متكرر يعني تشبك خلال وقت قصير تفصل ,, ممكن يكون مستوى الفريون ناقص وتاكد انه مافي تهريب ادى الى النقص

وديت السيارة قبل أمس لوكالة الملحم في الجبيل يشوفون لي مشكلة المكيف ومشكلة ثانية في القير صارت تتكرر هاليومين وهي عبارة عن نتله بسيطه او طقه في القير قبل ما أوقف

المكيف قال لي انه من الثلاجة الداخلية ولازم لها فك للطبلون وتغييرها لأن موزع الهوى اللي فيها شكله مسدود أو خربان ورفضت وقلت له اتركه لا تصلحه لأن بصراحه الشغله بتطلع علي كبيره ومكلفه جداً مع العلم إني ما سألته عن القيمه بس حسيتها بتطلع كبيره لأن فيها قيمة شراء ثلاجه وفك طبلون وشغل يد وفريون وتنظيف وووالخ

والقير (وهو الأهم وسبب الزيارة الرئيسي للصيانة) قال لي انه من البودي فالف أو مخ القير وفكوه أمس وقال بينظفونه ويشوفون اذا بيضبط بعدها ولا بيغيرونه بواحد جديد واليوم بأمر عليهم وأشوف وش صار معهم في السيارة وإن شاء الله نوافيكم بالأسعار والجديد

[راعي الاكس]

وديت السيارة قبل أمس لوكالة الملحم في الجبيل يشوفون لي مشكلة المكيف ومشكلة ثانية في القير صارت تتكرر هاليومين وهي عبارة عن نتله بسيطه او طقه في القير قبل ما أوقف

المكيف قال لي انه من الثلاجة الداخلية ولازم لها فك للطبلون وتغييرها لأن موزع الهوى اللي فيها شكله مسدود أو خربان ورفضت وقلت له اتركه لا تصلحه لأن بصراحه الشغله بتطلع علي كبيره ومكلفه جداً مع العلم إني ما سألته عن القيمه بس حسيتها بتطلع كبيره لأن فيها قيمة شراء ثلاجه وفك طبلون وشغل يد وفريون وتنظيف وووالخ

والقير (وهو الأهم وسبب الزيارة الرئيسي للصيانة) قال لي انه من البودي فالف أو مخ القير وفكوه أمس وقال بينظفونه ويشوفون اذا بيضبط بعدها ولا بيغيرونه بواحد جديد واليوم بأمر عليهم وأشوف وش صار معهم في السيارة وإن شاء الله نوافيكم بالأسعار والجديد

والله ياخوي انا موتري 2010 وطلع الخلل بالثلاجة وغيرتها بالشركة على حساب الضمان وترى الثلاجة بالاكسبلور والاكسبديشن تخرب كثير هذا اللي عرفته من الناس اللي شفتهم بالوكالة(عندي سؤال لا شغلت المكيف تشم له رائحة الفريون؟ اذا تطلع رائحة الفريون فهذي الثلاجة خربانه) لكن انشالله انه تصير المشكلة صغير وتحلها انشالله باقل التكاليف ,,, وبالتوفيق

[m3ax]

والله ياخوي انا موتري 2010 وطلع الخلل بالثلاجة وغيرتها بالشركة على حساب الضمان وترى الثلاجة بالاكسبلور والاكسبديشن تخرب كثير هذا اللي عرفته من الناس اللي شفتهم بالوكالة(عندي سؤال لا شغلت المكيف تشم له رائحة الفريون؟ اذا تطلع رائحة الفريون فهذي الثلاجة خربانه) لكن انشالله انه تصير المشكلة صغير وتحلها انشالله باقل التكاليف ,,, وبالتوفيق

ابداً ما فيه اي ريحه بس جهة السواق ما تبرد الا اذا شغلت المكيف الخلفي

[PIC]

السلام عليكم
عندي سلة خلفية لون اسود، عمود واحد قابل للطي، الجوانب قابلة للطي للداخل لسهولة التخزين، سعرها يوم شريتها الصيفية الماضية 650 ريال، للبيع بسعر 450 لمن يرغب.
سبب البيع ان وزنها ثقيل و انا ساكن دور علوي في عمارة.
مكان البيع الرياض.
ملاحظة هامة: لا بد تكون فتحة المستقبل 2 انش، يعني يا اما الاكسبلورر الثمانية سلندر، او باستخدام وصلة تحويل، او لسيارة غير الاكسبلورر لمن عنده اكثر من سيارة.

فينكم يا أصحاب السفر؟ ترى اجازة منتصف الفصل الدراسي قربت!

[mizooo0]

شباب بالصيف اشيل البلف حق الحرارة
ولا ما يحتاج لان الموتر يكون ثقيل وحار
وشكرا

[m3ax]

شباب بالصيف اشيل البلف حق الحرارة
ولا ما يحتاج لان الموتر يكون ثقيل وحار
وشكرا

لا ما يحتاج

واذا ثقل الموتر متعبك تقدر تضيف مروحه كهربا تشتغل على زر وتشغلها وقت الحر الشديد والزحمه اذا بدا الموتر يطلع صوت حنه قوي ويثقل عزمه وتطفيها اذا كنت ماسك خط وبترتاح كثير معها

[mizooo0]

66666666666666666666666

[mizooo0]

لا ما يحتاج

واذا ثقل الموتر متعبك تقدر تضيف مروحه كهربا تشتغل على زر وتشغلها وقت الحر الشديد والزحمه اذا بدا الموتر يطلع صوت حنه قوي ويثقل عزمه وتطفيها اذا كنت ماسك خط وبترتاح كثير معها

بالله وضح لي اكثر يا طيب

[m3ax]

بالله وضح لي اكثر يا طيب

الموتر يثقل في الصيف ويطلع له صوت حنه قوي بسبب ان المكينة تسخن بسبب الحرارة ويشبك التماتيك حق المروحه على اعلى سرعه وعشان كذا تثقل السيارة ويطلع صوتها عالي ..

فيه مراوح تركب من داخل الشبك وتكون نحيفه مره وتركب مضبوط واذا طلع صوت الحنه مع الحر تشغلها وبيزيد التبريد وبتختفي الحنه

هذا الموضوع حق واحد من الاعضاء سبق وسوى نفس الحركة وكاتب كل التفاصيل وقيمة الشغل كامل

http://mekshat.com/vb/showthread.php?t=509476

[d-max2011]

أخوي معاكس


واخواني الإعضاء...أشكر الغالي معاكس على نصيحته

فحصت السياره كمبيوتر وطلع الثروتل وصخ وفيه كربون ويحوس تنظيم الهوا فالموتر

ونظفته وطفت لمبة المكينه..وحتى الآن الموتر سالك ولله الحمد

ارجعو لردي الأول لعل فيه فائده لمشاكل الإكسبلورر

شكرا لكم مره اخرى والله يقبل دعائنا لكم

السلام عليكم ورحمة الله وبركاته


للأسف إن نفس المشكلة رجعت بعد التنظيف ولكن بشكل أكبر


صار التقطيع اكثر ومتكرر وكذلك الطفيه ..

...........................................

عندي مشكله ثانيه السياره فيها رائحه غريبه مثل ريحة الحلبه للي يعرف ريحة الحلبه

حتى أن كل من يركب معي أو يقترب من السياره يشمها..وقال لي واحد ان سبب الريحه تهريب مويه

أرجو الإفاده يا اخوان الله يجزاكم خير

[m3ax]

السلام عليكم ورحمة الله وبركاته


للأسف إن نفس المشكلة رجعت بعد التنظيف ولكن بشكل أكبر


صار التقطيع اكثر ومتكرر وكذلك الطفيه ..

...........................................

عندي مشكله ثانيه السياره فيها رائحه غريبه مثل ريحة الحلبه للي يعرف ريحة الحلبه

حتى أن كل من يركب معي أو يقترب من السياره يشمها..وقال لي واحد ان سبب الريحه تهريب مويه

أرجو الإفاده يا اخوان الله يجزاكم خير

وين موقعك أخوي بالله؟؟