المشاركة الأصلية كتبت بواسطة SiLvEr GhOsT
فعلا النصب منتشر في الورش ونادرا ماتلقى ورشة تخااف ربك حسبي الله فيهم ,,
بخصوص الزيت انصحك تحط كاسترول 10-30 وهو نصف تخليقي
الوكالة تحطه (وكالة الجزيرة للسيارات ) المسؤولة عن فورد وميركوري و لينكلن
بخصوص طرمبة الزيت فعلا شغلتها شغلة ااذا اتخربت
خليك على زيت 10-30 وان شاء الله ماتشوف شر
علما انه بالكتاب ماحذرو من من اللزوجة العالية
وكاتبين حط اي زيت يلبي احتياجات اللزوجة المطلوبة ,, يعني بالأصح مايخالف اذا حطيت لزوجة اعلى ,, لكن للأحتياط استخدم 10-30 ,, وغيره كل 5 الاف وماتشوف سيارتك شر ان شاء الله
وكاسترول 10-30 خفيف جدا ولزوجته حلوة صحيح غالي لكن سعره فيه
وانصحك تشتريه بالجملة كرتون فيه 24 علبة من وكيل زيوت موثوق ,,
واشتري لك كم سيفون اصلي موتور كرافت
وغير الزيت عند البنشر واعطيه اجرة 20 ريال
بتوفر على نفسك حوالي 30 ريال كل تغييرة زيت +ضامن انه الزيت الي حاطه اصلي وغير مغشوش
لأنه احيانا يكون زيتهم مغشوش ومايظهر الا بالتحاليل وعلى يد خبراء ,,
وفيه فكرة خاطئة عن البعض انه يوم يطلع صوت طرمبة الزيت يقول لازم احط لها زيت ثقيل عشان يروح الصوت
هاذي الفكرة خاطئة ,, الطرمبة اذا طلع صوتها يعني على خراب وتحط لها زيت ثقيل انت كذا بتزيدها اكثر واكثر
صحيح يختفي الصوت عشان الزيت ثقيل ويغطي على الصوت
واهم شي شيك على الزيت كل اسبوعين لأنه درجة حرارة الجو العالية تخليه يتبخر بسرعة ,, ونقص الزيت هو سبب لمعظم المشاكل
والله يعين الجميع ان شاء الله
وسبب سؤالي لك يخصوص لزوجة الزيت ,,
لأني حاب اعرف سبب خراب الصوف وطرمبة الزيت الي للآن ماحد عارف له سبب معين ,,
لكن بالأخير الأكسبلورير سيارة ابدا غير رياضية (سواء 6 سلندر ولا 8 )ولا تستحمل الدعس والزرزة والطعس ,,
خلي رجلك خفيفة عليها وبتعيش معك ان شاء الله
بالتوفيق