:.. رابطة ملاك فورد Explorer حياكم ..: الجزء الثاني

[خماط الشعبان]

السلام عليكم
هنا نستكمل نفس هذ الموضوع والذي كان على هذ الرابط
:.. رابطة ملاك فورد Explorer حياكم ..:
وهو للعضو الفاضل Explorer2007

كما لا ننس هذ الموضوع القيم عن
جيب فورد اكسبلورر مشاكل + حلول + مزايا .. ادخل واستفيد ..
وهو للعضو الفاضل سعد الاحمد

ونظراٌ لتشابه الموضوعين الموضحه أعلاه تم توحيدهم هنا بموضوع واحد
لكثرة الردود وبدايه جديده ليسهل على الجميع تصفحهم وبحثهم عن المعلومه
بالتوفيق للجميع


.


.

.


.

[النجم الازرق]

السلام عليكم

اخواني انا توني ماخذ لي اكسبلورر 2008 واعاني من جرس حزام الامان وودي اكتمه ...وسمعت انو لها برمجه وبحثت بالكتالوج ما لقيت شي

.............ان كان به احد يقدر يفيدنا وشلون نكتمه فأسال الله ان يبعد الكتمه عن صدره ما حيي .......
.

السلام عليكم

اولا الله يبارك الله لك في سيارتك وماشاء الله تبارك الله

ثانيا صوت حزام امان ازعجني مثلك فذهبت لمحلات الزينة ووجد عندهم قطعة تدخلها في مكان ربط الحزام قيمتها عشرة ريال

تدخلها فيصبح وكأنه الحزام مربوط وبذلك يسكت صوت الحزام .

[abo abadi]

السلام عليكم ورحمة الله

[خماط الشعبان]

شكرا للرد السريع ...لكن على كذا يبي لي ثنتين وحده لمقعد السايق والثانية للراكب...صح

[الوسام100]

ايه صــح لازم ثنتين

[ابوعمر1397]

انا سويتها على اكسبلورر 2010
طبعا الطريقة من الكتلوج

اجلس على كرسي السائق وسكر الابواب وافتح السلف حتى تولع لمبات الطبلون وانتظر حتى تطفى لمبة الحزام
ثم اربط الحزام وفكة بطريقة سريعة تسع مرات
بعد فك الحزام المرة التاسعة بتشوف لمبة الحزام في الطبلون تأشر ثلاث تأشيرات سريعة ثم تتوقف
اربط الحزام ثم فكة مرة وحدة وخلاص
وسويت نفس الطريقة على كرسي الراكب

بالتوفيق وركز انت تعد

القطعة اللي تدخل في الحزام اللي قال عليها اخونا ما راح تفيدك لان المراتب فيها حساسات والوصلة هذي ما راح تلغي جرس الحزام

[خماط الشعبان]

النجم الازرق
الوسام

جزاكم الله خير

ابو عمر
انت مدير كبير كبير ...شكرا وراح احاول وبعطيك النتيجة هنا

[ملاذم]

السلام عليكم ورحمة الله

خوي السائل

زيادة على كلام الاخ فاطريقة تختلف من سياره الى اخرى والطريقه تجدها في كتاب السياره انا مجربها في سيارتي اكسبلورر 2013

بالتوفيق للجميع

[hytham]

امس جربت حركه فك الحزام وربطه والحمد لله ضبطت معي
لا تنسى 9 مرات وسويها على الكرسيين لو تحب يعني بتصير 18 مره تفك وتركب الحزام
9 مرات لك و9 مرات للراكب
وجزاكم الله خير

[aziz151]

اقول ابي دعوه طيبه بس في كل يوم
خذ الحل مني:
شوف افتح باب السياره ولا تركب وبعدين اسحب الحزام واشبكه = اوكيه وانتهى الموضوع وخله على طول مشبوك وانتهى الصوت الى الابد.
واذا جاك تفتيش او بغيت تركب الحزام=
اسمع لاتفتح الحزام من مكانه خله على طول مشبوك مثل ماقلتك اوكيه
نرجع اذا جاك تفتيش وانت بمكانك اسحب الحزام بيدك ودخل راسك راح يصير الحزام على صدرك بس يعني كنك ماسك حبل وحاطه على صدرك

وانتهى الموضوع
وهذا حالي لي سنتين والحزام ولا عمره انفك ولو تشوف سيارتي وهي واقفه الحزام مشبوك على طول بلا صوت انذار وبلا هم
واذا بغيت البسه سحبته بيدي ودخلت راسي وصار على صدري بس فيه مشكله بيخرب كشخة الشماغ خخخخخخخخخخخخخخخ

شكرا

[al7eran]

من يوم شريت السيارة مركب هالقطعه ومريح راسي

[اكسبلور 2008]

من يوم شريت السيارة مركب هالقطعه ومريح راسي

حل رائع
طبعا انا جديد بالمنتدى
الصوت مزعج رحت لي تشليح حائر
وشريت قطعة وركبتها من يومك مابوه صوت ولا شي
واذا جاء عند التفتيش شلت القطعة وركبت الاساس
والسلام ختام

[abutalal563]

يمدحون البلاستيك اللي عند محلات الزينة على ( 5 ) ريال

والبرمجة ام تسع مرات تحت التجربة

[جامعي]

انا ريحت دماغي وبرمجته ب ٩٩ ريال

بورشة البيان بجدة شرق الفحص الدوري


برمجوه بالكمبيوتر

[خالد بن الوليد]

الله يعطيكم الف عافية جميعا ،،،

مالك الا بطاقة التعبئة سوا .. بعد ما تعبي جوالك استفد منها ولا ترميها( أعادة استخدام هههههه) قص البطاقة بالمقص على نفس شكل فتحة الحزام وحطها وجرب ،، انا سويتها وزبطت .. الله ييسرها على الجميع. وسلامتكم