انا عندي 2010وركبت له غطا من الوكالة ب100 ريال تقريبا زود حرص ويجي معه مفتاحين فقط قل لقطع الغيار انك تبي غطاء وبيعطيكالمشاركة الأصلية كتبت بواسطة الشيخي الشريف
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
رد: :.. رابطة ملاك فورد Explorer حياكم ..: الجزء الثاني
انا عندي 2010وركبت له غطا من الوكالة ب100 ريال تقريبا زود حرص ويجي معه مفتاحين فقط قل لقطع الغيار انك تبي غطاء وبيعطيك
مكشاتي متواصل
ياشباب عندي مشكله ياشباب الا وهي انا معي اكسبلورر 2008 سعودي يطلع عندي تشك انجن فحص المكينه المهم عندي اخطاء في احتراق السلندر رقم اربعه المهم غيرت البواجي والكويلات واسلاك البواجي راحت وجات بعد اسبوع وعندي تهريب بسيط في الاديتر ازيد ماء من اسبوع لاسبوع قالولي وجه راس المكينه يتغير المهم ابي ارائكم وابي ورشه زينه لاتغيير وجه راس المكينه...
مكشاتي
وش دراك أخوي ان عندك تنسيم ؟؟
حاس فيه صرفيه بنزين زيادة ؟
إذا اجاباتك لا ، لا تركب شيء ، السيارات الجديدة كلها Capless Fule يعني بدون غطاء
مكشاتي
جربت تستخدم محلول إغلاق الشقوق والتصدعات في الراديتر ؟ياشباب عندي مشكله ياشباب الا وهي انا معي اكسبلورر 2008 سعودي يطلع عندي تشك انجن فحص المكينه المهم عندي اخطاء في احتراق السلندر رقم اربعه المهم غيرت البواجي والكويلات واسلاك البواجي راحت وجات بعد اسبوع وعندي تهريب بسيط في الاديتر ازيد ماء من اسبوع لاسبوع قالولي وجه راس المكينه يتغير المهم ابي ارائكم وابي ورشه زينه لاتغيير وجه راس المكينه...
مكشاتي
مساء الخير للجميع
أنا ودي أغير كفرات السياره وحصلت
1- نفس الكفرات اللي عليها بي اف قودريتش ب 620 ريال بالمواصفات
- سنة الصنع 2011
- معامل السرعه H
- معامل الحراره Temperature B
- معامل الثبات Traction A×
- معامل التآكل 400 Treadwear
2- هانكوك كوري ب 650 ريال
- سنة الصنع 2011
- معامل السرعه H
- معامل الحراره Temperature A
- معامل الثبات Traction B×
- معامل التآكل 500 Treadwear
أتمنى اللي مجرب هانكوك على اكسبلورر يفيدنا لاني الليله مغير ومسافر فأبي نصيحتكم
مكشاتي
تقبل الله منا ومنكم
أحبتي / لدي استفسار
انا تعطلت عليه السيارة في مكه بسبب البطارية
اكسبلورا 2010 ومرت عليها
سنه وشهرين
وكنت اريد شراء البطارية من احدى البناشر , ولكن خفت من وترددت
وكان سعرها في البنشر 300 ريال وفي الوكالة 600 ريال وعليها ضمان ثلاث سنوات
وبعد الخصم 500 ريال
المهم / شريت من الوكالة , فما رايكم ؟
مكشاتي
هانكوك ممتازة عندي ، ركبتها على اكسبيدشن والآن مركب جديدة على الاكسبلورر ، هادية وعملية بس ترى ما دخلت بها بر إلى الآن ، مركبها من شعر 4 ميلادي
بالتوفيق
مكشاتي
ممتازة ولو ان سعرها مرتفع شوي ، بس يكفيك الضمان لأن البطاريات اللي تجلس ها الأيام سنتين في السيارة بدون تغيير تعتبر ممتازة
الله يطعمك من خيرها ويكفيك شرها آمين
مكشاتي
السلام عليكم
قدر الله علي وصدمت بالأكسبلورر وإنكسر النور الأيسر وإنشق جزء بسيط من الصدام
سؤالي : كم سعر الإصطب عند الوكالة و هل أفضل أصلح الصدام عند الوكالة أو في أي ورشه؟
مكشاتي
هلا بك اخوي واجهتني نفس المشكلة وغيرت زيك وازود غيرت البخاخات كاملة مع طرمبة البنزين والصفايه
بس مو منها المشكلة
المشكلة التماس كهرباء مايطلعها لك الا ورشه عندها فحص كمبيوتر في الصناعية القديمه فيه ورشة شغالين فيها سوارية بس يبي لك تخلي السيارة عندهم كم يوم ويطلعون لك المشكلة اذا حاب كتبت لك الوصف هنا
مكشاتي
على فكره موتري 2008 امريكي معاه غطا بنزين من شريته
مكشاتي متواصل
الله اعلم عندك مشكله تنسيم هواء في راس المكينه(التفوير في الغالب يكون بسبب تنسيم )
يعني تحتاج فك الراس وتغيير وجه الراس ويمكن صنفره بسيطه للراس
اتوقع تكلفه شغل اليد 200 الى 300 ريال وقطع الغيار 100 ريال
كان الله في عونك
هذي يبيلها كهربائي يالغالي يكشف لك على السياره ويحدد سبب المشكله
ممكن يكون من الازارير حقت فتح الابواب في باب السواق (يكون داخلها مويه)
وممكن مفتاح تشغيل الانوار يحتاج صيانه او تغيير ..
اكثر من سبب والافضل تزور كهربائي جيد يحاول يكشف لك عن المشكله
كان الله في عونك
شيك على الثلاجه فوق المكينه لايكون تهرب مويه وتنزل على السلندر الرابع وتضعف الاحتراق فيه
فك الكويل حق السلندر الرابع وشف اذا فيه مويه بداخله(طبعا والسياره بارده)
الي اعرفه راس المكينه لو فيه تنسيم يجيك تفوير في المويه !!
كان الله في عونك
ماشالله
توني مركب كفرات قودشير بـ 670 ريال.
عن نفسي مرتاح لكفراته الاصليه من ناحيه الشكل والاستخدام
يمكن عيبها الوحيد شوي قاسيه وصوتها عالي ولكن ماتشمس ولاتصعرر بسرعه..
فيه موضوع في نفس هذا المنتدى اسمه (احسن كفرات) مر عليه يمكن يفيدك
بالتوفيق وتروح وترجع بالسلامه انشالله
طيب اذا بطاريه الوكاله ضمانها ثلاث سنوات شلون خربت عليك خلال سنه ونص !!
اقصد ليش ما يغيرونها لك اذا ضمانها ثلاث سنوات!!
البارح انا في الوكاله استلم سيارتي تشييك 48000
وسالتهم عن البطاريه وقالوا ما يشملها الضمان ولا نغيرها على حسابنا
بس فيه واحد من الشباب هنا يقول غيروها له على الضمان (يقول يبيلهم شوي طوله لسان)
البطاريه عندي خدمت سنتين وغيرتها قبل شهر تقريبا
ركبت بطاريه مويه موتركرافت بسعر 260 اخذتها من مشحمه
البطاريات تخدم من سنه ونص الى سنتين
ولو قلنا سعر البطاريه كـ متوسط 280 ريال
يعني خلال ثلاث سنوات بتركب ثنتين وبتكلفك 580 ريال
واذا الوكاله يضمنون لك خدمتها 3 سنوات خذها وتوكل على الله مهوب خساره 500 ريال وتفك راسك من القلق .. امهم تأكد من ضمانهم
بالتوفيق ان شالله
مكشاتي متواصل
على حسب الموديل تختلف الاسعار
اشوف لو تزور التشليح وتبدل صدامك بصدام نفس اللون وتاخذ اسطب قريب من سطبك الثاني من ناحيه النظافه يمكن يكون اريح لك
في التشليح يفكون ويركبون لك الي تبي وتفك راسك من رش البويه والمغثه..
خذ لك جوله في التشليح يمكن تطلع بفايده
ولو رفضو ياخذون صدامك القديم اشتر منهم صدام لو لقيت واحد نظيف ونفس لون موترك (طبعا لازم تعرف سعر الصدام في الوكاله وتتاكد من الصدام لايكون مرشوش)
وصدامك القديم خذه معك ورمه على حقين الفيبر قلاس يصلحونه وبعه على محلات التشليح في الورش ..
حلالك وحلال عيالك غاااالي ^^
تشليح الرياض يبعد عن وسط المدينه 25 كلم على طريق الحاير
بالتوفيق والحمد لله على السلامه
مكشاتي
ياشباب اضافة معلومة مهمة للجميع
امس دخلت موتري اكسبلورر 2010 لصيانة 24000 المهم
الموظف يشيك وفتح الكبوت قال لي بنغير كوع بلف الحرارة لان مو متوافق مع اجواء الخليج
اللي موجود بلاستيك وفعلا لما استلمت السيارة حصلت اثر الفك على لي الماء
حبيت اضيف هالمعلومة عشان تمرون الوكالة وتغيرونه
مكشاتي متواصل
رأيي يا طويل العمر والسلامة ، إنك اصبت في الاختيار ، أهم شيء يكون الضمان فعلي مو بس كلام
انا ركبت بطارية من محلات قطع الغيار ( موتركرافت ) بـ 275 ريال وقال لي ضمان التركيب فقط ، يعني يوم واحد فقط لاغير
وكلام اخونا التميمي عين العقل
بالتوفيق
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس