رابطة ملاك اسد الصحراء ( الاكسبدشن4×4 / 2×4)الجزء الثاني

[MOBBAK]

الاخوان الذين معهم الاكسبيديشن من 5 سنوات واكثر نرجو افادتنا اذا صادفتكم مشكله بالمثبت اما بالنسبه لي الموتر معي من سنتين والحمدلله ما فيه مشاكل مع العلم انني لست من مدمني مثبت السرعه .

كان عندي 1999 و لم تواجهني أي مشكلة بمثبت السرعة

راجع الوكالة

[عشق ابدوي]

السلام عليكم

مبروك عليكم هذا الرابط الرائع

تكفون انا ابشتري هالسياره بس متخوف من قطع الغيار وستخدام السياره وانا صاحب خطوط واشوف السياره

رخيصه مقارنه في المريكيه الاخراء مدري وش المشكله

وش تنصحوني فيه

ياليت احد يفيدني كم ياخذ التر من البانزيل

تحياتي لكم

[alsamer2]

السلام عليكم

اخواني واحبابي القدامى والجدد
لا اخفيكم الظاهر انني سويت خيانه معكم شرينا سيراء 2011 وزعل علينا الأكسبدشن من يوم شريته والأكسبدشن زعلان في البايكه
باركوا لنا الله يجزاكم خير

الف الف مبروك والله يعطيك خيرها ويكفيك شرها

عاد السيراء لاتنسيك الاكسبيديشن ولا بد انك تعدل بينهم

ولا تنسانا من خبرتك ومشاركتك بالرابطه مثل ما تعودنا منك

[alsamer2]

السلام عليكم حمةالله وبركاته

اخواني ماهو الحل في حالة توقف مثبت السرعة عن العمل وانت تقود السيارة لان الضاهرة انتشرت في بعض سيارات تيوتا واعطتهم الوكالة بعض الحلول اما شركة فورد وخاصة مستخدمي الاكسبيديشن وانا واحد منهم بصراحة(مدمن مثبت سرعة) لا اعم ماهو الحل

اخوي انا مثلك كنت استخدم مثبت السرعة اللين سمعت ان بعض السيارات يعلق المثبت وبطلت اثبت السرعة من ذاك الوقت لانها خطيره ومهلكه لي ولعائلتي واستغنيت عن المثبت بالرغم اني لم اسمع ان هالمشكلة حصلت لسيارة اكسبديشن ارجوا ان اعضاء الرابطه يفيدونا اذا حصلت لهم اولا

[عاشقة تركي]

يعطيك العافيه و شكرأأأأأأأأأأأ

[abuffaisal]

السلام عليكم

انا لقيت اكسبيدشن 2008 xlt دبل قير وصاحبة مسوي له سيرفس بالوكالة ال 60 الف

وكل شي اوكي بس السؤال :-

افحصة برا الوكالة والا كفاية السيرفس مع العلم اني فحصت

البدي بالعين المجردة لانني عندي خبرة بالسمكرة وكلة تمام .

ابغي النصيحة !!!!!!!!

بالنسبة لتثبيت السرعة انا كان عندي برادو 2004 استخدمة لي 6 سنوات ولله

الحمد مافيه مشاكل .

هذا للعلم فقط.

[majediya]

استخدم مثبت السرعه في سيارتي الاكسبدشين منذ سنتين ولم اواجه اي مشكله الحمد لله هناك فرق بين شركه عريقه مثل الفورد والشركات الاخرى التي دخلت عليها هذه التقنيه حديثا .
تحياتي

[ابو محمد ....]

السلام عليكم

اخواني واحبابي القدامى والجدد
لا اخفيكم الظاهر انني سويت خيانه معكم شرينا سيراء 2011 وزعل علينا الأكسبدشن من يوم شريته والأكسبدشن زعلان في البايكه
باركوا لنا الله يجزاكم خير

الف مبروك والله يعطيك خيره
بس وش اللي خلاك تشتري الجمس
واكيد انك سويت مقانه بينه وبين f150
ياليت تجاوبنا يابو محمد

[القناص 55]

موضوع مهم جدا وسجلو عندكم أكــــــــــسبدشن LTX 2004 رصاصي غامق استعمال امريكي

قبل يومين اشتريته بعد اعجبت بمواصفاته التي ذكرت بهذه الرابطه

ولكن عني بعض الاستفسارت البسيطه أمل الرد عليها :
-اولا الموتر مافيه مكان لوضع نفايات السائق الحب النوى او السجاير اعاذنا الله واياكم هل فيه اغتراع يركب افيدونا
- انظمة التشغيل للميلان التي تساعد على حفظ توازن المركبه كيف اتحكم فيها وكيف ادري انها تعمل
- عندي صوت بالمكيف الخلفي يطق كل اشوي
الموتر اخو الجديد وماعليه كلام

تقبلو تحياتي

[يوكون ابوفهد]

السلام عليكم جميعا
انا عضو جديد معكم بس كنت سابقا في الليوكون وخلاص بعت الليوكون واتفقت بشتري اكسي من واحد تعرفت عليه طيب ومحترم شرواكم
بس لي كم استفسار
مواصفات الأكسي اللي ناوي آخذة
باخذ اكسي فل ليمتد وارد وكالة الجزيرة سعودي دبل
شاشتين دي في دي خلف المسند
شاشة نفيقيشن مع ملاحة
دعاسة جانبية اتوماتيك مع فتح الباب
مراي جانبية وباب خلفي ومرتبة خلفيةالثالثة كهربائية
مرتبة الوسط فيها ثلاجه
الشمعات مكحلة وممشاة تقريبا 40 الف طبعا كيلو وارد الجزيرة
سعرة تقريبا فوق المية
س1 _ هل السعر مناسب؟؟؟؟
س2 _ هل القير ست سرعات ؟؟؟
س3_ايهم افضل للرمل والطعوس ؟ الدبل h او الدبل L
وايش الفرق بينهم ومتى استخدم كل واحد
س4 _ هل من الممكن استبدل الثلاجة اللي بالصف الثاني بمرتبة وايش افضل محل يركبها وهل فكها يأثر عالضمان
س5_افضل محل يسوي حماية وجهية للخطوط وتلميع وحماية بودي وتظليل حراري وسعرة معقول
س6 _ كيف اقدر ابرمج الريموت اللي بالشماسة مع ريموت الكراج
س7 _ مانع الأنزلاق اذا فصلتة يخف الدركسون هل اخلية او افصلة على طول
وتقبلوا فائق احترامي وتقديري

[يوكون ابوفهد]

عفوا باقي سؤال بخصوص الأكسي ليمتد 2008
مستعمل سعودي اللي راح آخذه
راعية يعبي بنزين 95 استمرعلية
ولو بغيت اعبي 91 مافي مشكلة
تحياتي

[الجديد 200777]

اخوي انا مثلك كنت استخدم مثبت السرعة اللين سمعت ان بعض السيارات يعلق المثبت وبطلت اثبت السرعة من ذاك الوقت لانها خطيره ومهلكه لي ولعائلتي واستغنيت عن المثبت بالرغم اني لم اسمع ان هالمشكلة حصلت لسيارة اكسبديشن ارجوا ان اعضاء الرابطه يفيدونا اذا حصلت لهم اولا

في بعض الاحيان وانت مسافر ومرهق من الدعسة المتواصلة لازم ترتاح شوي مع المثبت ومع ذلك لام نسمع ما هي الحلول في حالة تعطل المثبت مع احترامي لبعض الاقوال منهم من يقول لي سنتين ولم اجد اي مشاكل في المثبت اخوي مافي شي كامل يعني مثل مايخرب المكيف مثل ماتغير المروحة لابد من اخذ الحذر والحيطة من المثبت.
وشكرا

[GRRAF]

السلام عليكم

الأهل ناوين على سيارة عائلية ، ووقع الإختيار على اكسبدشن 2011 الطويل نص فل
لقيت بدبل بـ 135 ألف
وبدون بـ 124 ألف

السيارة وسيعة من داخل ، صح إن المرتبة الأول ما تتسع إلا لـ راكبين اثنين لوجود الديكور
الشكل شوي فيه قبح مقارنة بغيره من فئتها

سؤال
كيف وضع السيارة مع الخرابات ؟
هل قطع غيارها رخيصة أم غالية وهل هي متوفرة أم لا ؟
والصيانة هل يوجد لها فرع أم فقط موجود في المقر الرئيسي بطريق خريص ؟

وشكرا

[غار حراء]

عبرونا يا اخوان اقل شيء ردوا السلام

السلام عليكم ورحمة الله وبركاته



كل عام ولنتم بخير

ابشركم قضيت العيد في صلالة والبارح توي واصل منها والحمد لله انبسطنا

لكن عكر مزاجي صوت يطلع بالقير اثناء التغيير في الطلوع والنزول

اما الارض المنبسطة ما فيه شيء والصوت عبارة عن طقة كنه حديد يضرب في حديد

هل الامر عادي
طبعا الاكسبديشن 2005 ليمتد

هذا علمي وسلامتكم

[شنتويش]

السلام عليكم ورحمة الله وبركاته

يسعدني ويشرفني الإنضمام الى الرابطه

اشتريت اكسبديشن 2011 4*4
وماشي معي تمام والحمد لله
في الفتره الاخيره يطلع صوت اول ما أشغل السيارة من المكيف طقطقه تاخذلها ثواني وتروح وسألت عنها قالولي الماطور حق المكيف
وفي مشكله ثانيه الماطور حق باب السواق ما يشتغل لازم افك الباب بالمفتاح
وان شاء الله ابي اوديه الصيانه لأنه سمعت انه يغرونها على الضمان
والله ولي التوفيق

هذا الصوت فيه قطعة خلف المكيف اسمها blender واذا السيارة على الضمان توديها ويغيرونها على الضمان قيمتها 35 ريال اتوقع وتعتبر عيب مصنعي بسيط في القطعة