رابطة ملاك اسد الصحراء ( الاكسبدشن4×4 / 2×4)الجزء الثاني

[يكفيني نظرة]

السلام اخواني الغاليين اليوم رحت بسيارتي اكسبديشن 2004 دبل الورشه وقالي انها تعاني من البرينقات والرمان بلي اليمين والعكوس وقالي بالنسبه للعكوس ماراح اشتري جديد راح يصلحه حبيت استفسر منكم هل يصلح او يخوف تصليحه وبالنسبه للرمان لابد من جديد او عادي اجيب مستعمل

العكس يصلًح بالمخرطه..
الرمان : خذ القديم معك ورح لمحل متخصص رمانات وخذ نفس مقاسه يصير ارخص لك من الوكاله..

[بوفجر]

العكس يصلًح بالمخرطه..
الرمان : خذ القديم معك ورح لمحل متخصص رمانات وخذ نفس مقاسه يصير ارخص لك من الوكاله..

تسلم يالغالي بس اتمنى لو انك من الدمام توصفلي محل وهل فيه محلات خاصه للرمان

[يكفيني نظرة]

تسلم يالغالي بس اتمنى لو انك من الدمام توصفلي محل وهل فيه محلات خاصه للرمان

للأسف يابعدي انا من الرياض ولا لي خبره بورشات الدمام لكن ممكن تبحث بالنت وبتلقى مثل هالعنوان:
شارع 10, حي العدامة, الدمام
معالم الطريق: قريب اسواق الدانة
ص.ب : 67401, الرمز البريدي : 11596
هاتف: 03-8351629
لقيته بعد مابحثت بحث سريع وغير مفصل ولكن انت اذا كلمتهم اسألهم في غيرهم او اذا رحت لمحل اسأله يدلك على محل متخصص رمانات ويدلونك..
وتقبل تحياتي..

[زوم600]

السلام عليكم ورحمة الله وبركاته
ارجو المساعدة؟؟؟
شنو معنى هذا المسج ؟؟


ارجو الرد لو سمحتو؟؟؟؟

[سلطان الذوق]

اخي زوم600

الله يعينك








امزحك معك
هذا طال عمرك مستوى موية المساحات نازل
اضف ماء وترح الرساله بارك الله فيك المساله بسيطه جدا

[زوم600]

اخي زوم600

الله يعينك








امزحك معك
هذا طال عمرك مستوى موية المساحات نازل
اضف ماء وترح الرساله بارك الله فيك المساله بسيطه جدا

ههههههههههههههههههههههههههه
البداية خرعتني يوم تقول الله يعينك
والحمد الله طمنتي يوم تقول امزح معك
وشكرا على ردك وعساك على القوه

وشكرا يالحبيب

[ابومحمد555]

السلام عليكم
اسعد الله أوقاتكم بكل خير
للمجربين ما افضل كفرات للأكسبدشن جنط 17 تكون لينه ولاتصدر صوت وتصلح للبر والإسفلت بارك الله فيكم

[يكفيني نظرة]

السلام عليكم
اسعد الله أوقاتكم بكل خير
للمجربين ما افضل كفرات للأكسبدشن جنط 17 تكون لينه ولاتصدر صوت وتصلح للبر والإسفلت بارك الله فيكم

انا افضل الدنلوب بالرغم من انه عضل نوعا ما..

[طبح]

.



السلام عليكم

توي شاري اكسبيدشن 2007 امريكي فل كاامل طويل

ارجو مساعدتي لاني عليمي وانتظر فزعتكم بشرح او روابط مساعدة الله يرضى عليكم ويثيبكم

- ما اعرف استخدم الشاشة نهائيا ولا مميزات الفل كامل الخفية

- هل اغير زيوته وفلاتره ومين افضل ورشة بالرياض لصاينة اكسبيدشن - وايش ارخص موزع قطع غيار اصلي ؟

- اللي فحصته عنده يقول يبي تصفية مكينة فغير فلتر الهواء بس - مافهمت شي منه

- تنصحوني احط زين سنتاتيك والا مايحتاج علما انه ماشي 108 الف ميل

- كفراته متسحله - وش افضل كفر مريح ويعيش وسعره منطقي ؟


وجزاكم الله خير

.

[يكفيني نظرة]

.



السلام عليكم

توي شاري اكسبيدشن 2007 امريكي فل كاامل طويل
الله يعطيك خيره ويكفيك شره ..
ارجو مساعدتي لاني عليمي وانتظر فزعتكم بشرح او روابط مساعدة الله يرضى عليكم ويثيبكم
تلقى كل شي عنه هنا بالرابطه وارجع للرابطه الجزء الاول ايضا وتلقاها بعد كم صفحه..
- ما اعرف استخدم الشاشة نهائيا ولا مميزات الفل كامل الخفية
الصراحه انا ماعرف للفل كامل..
- هل اغير زيوته وفلاتره ومين افضل ورشة بالرياض لصاينة اكسبيدشن - وايش ارخص موزع قطع غيار اصلي ؟
الافضل تغير الاتي: زيت المكينه والفلتر/زيت القير والفلتر/ بواجي/ فلتر بنزين/ سير مكينه الخارجي/تشيك على الفرامل..
وأسعار القطع ارجع كم صفحه بالموضوع وتلقاني حاطهن
انا معامل لي ورشه بصناعية النسيم اسمها جميله فيها باكستاني اسمه ياسين كويس..
عندك التقوى ،، واخوان هذي محلات قطع غيار فورد ممتازه
- اللي فحصته عنده يقول يبي تصفية مكينة فغير فلتر الهواء بس - مافهمت شي منه
تصفية المكينه هي تغيير اللي قلت لك فوق..
- تنصحوني احط زين سنتاتيك والا مايحتاج علما انه ماشي 108 الف ميل
وشو زين سنتاتيك؟؟
- كفراته متسحله - وش افضل كفر مريح ويعيش وسعره منطقي ؟
انا ركبت كفرات نيسان ارمادا وهن اعرض من الوكاله ونوعهن دنلوب ومرتاح لهن..

وجزاكم الله خير
.

وانت جزاك الله خير وبارك لك في سيارتك..

[جامعي]

قبل أسبوع غيرت طقم المساحات لسيارتي
فورد اكبديشن 2008 وأتوقع هي نفسها من موديل 2007 إلى 2011
قيمة زوج جلدة المساحات الأمامية 90 ريال
وفردة جلدة مساحات خلفية 37 ريال
أشتريتها من المركز الرئيسي لقطع غيار توكيلات الجزيرة
بطريق المدينة - جدة

[ابومحمد555]

انا افضل الدنلوب بالرغم من انه عضل نوعا ما..

مشكور اخوي لكن هل كفرات الدانلوب صناعة واحدة أم تختلف

[نواف 94]

السلام عليكم العيب المصنعي الي في موزع المكيف هذي المره الثالثه الي يخرب فيها وش السالف

فيه احد خربة عنده مره الثانيه
اكسبدشن 2010

[ابو محمد ....]

قبل أسبوع غيرت طقم المساحات لسيارتي
فورد اكبديشن 2008 وأتوقع هي نفسها من موديل 2007 إلى 2011
قيمة زوج جلدة المساحات الأمامية 90 ريال
وفردة جلدة مساحات خلفية 37 ريال
أشتريتها من المركز الرئيسي لقطع غيار توكيلات الجزيرة
بطريق المدينة - جدة

غيرتها الشهر الماضي ..........نوع ماليزي او اندونيسي ما أدري والله
الجوز بـ 25 ريال وتقدر تاخذ حبه وحده بـ 13 ريال ........وفل الفل
لانها اشياء استهلاكيه .....لازم تتغير سنويا
وعندنا حر و شمس تدمر اللي ما يندمر

[جامعي]

غيرتها الشهر الماضي ..........نوع ماليزي او اندونيسي ما أدري والله

الجوز بـ 25 ريال وتقدر تاخذ حبه وحده بـ 13 ريال ........وفل الفل

لانها اشياء استهلاكيه .....لازم تتغير سنويا

وعندنا حر و شمس تدمر اللي ما يندمر

أخوي ابو محمد جلدة المساحات التجارية تنشف بسرعة ولا تكمل 3 او 4 شهور وتجييك ناشفة

وتطلع أصوات على القزاز وكأنها قماشات فرامل

أما الأصلية فتعييش معاك أكثر من سنة
في أمطار جدة الأخيرة حدث معي موقف والله أنا صادق فيه
كانت معاي سيارة جيب هونداي ومركب لها جلدة مساحات تجارية
وفي عز المطر تنفك وتطير الجلدة التجارية اللي قدام الراكب
وطبعاً ما كنت أقدر أمشي بدون تشغيل المساحات قلت بس أمشي كيلوا واوقف تحت الكوبري
أتقي المطر وأرفع المساحة على فوق .. وسويتها والله العظيم وثاني يوم إلا الاقي القزازة فيها تحفير ظاهر من أثر إحتكاك الحديدة بالقزاز بعد طيران الجلدة
بعدها قلت الأصلي وبس
نسترخص قطع غير غالية وتشوه لنا السيارة

والله الموفق