رابطة ملاك اسد الصحراء ( الاكسبدشن4×4 / 2×4)الجزء الثاني

[أبو فهد 2020]

اذا فيه تحكم خلفي ممكن الاطفال يلعبون في الازرار صارت معي جننتي

صدقت ـ والله ـ اكتشفت فيما بعد أن ابنتي الصغيرة كانت تعبث بالأزرار الخلفية أثناء حلوسها في الخلف .

[TwisToOoO]

أيها الأخوة السلام عليكم ورحمة الله وبركاته ,,, وجدت في الغرابي محل لتركيب شاشات ...يقول شاشة رود ماستر + كاميرا ليلي نهاري + سدي + خرائط + بلوتوث الخ ..طبعا لمس وتركب على إكسبديشن 2005 بــ 1600 ريال مع ضمان سنتين ...طبعا الشغلة كلها فيش في تركيب الشاشة محل الشاشة الأصلية ...مع بقاء التحكم فيه من الطارة ....وش رايكم يا شباب ؟؟؟

اعتقد والله اعلم انه لو فك المسجل الاصلي سوف يلتغي التحكم من الدركسون فتاكد منه واشرط عليه هالشرط انه اذا ما اشتغلت ترجع الاصليه

[بوراياش]

السلام عليكم ورحمة الله وبركااته

معي فورد أكسبديشن موديل 2009 XLT
عندي مشكله في حرارة السياره وهي واقفه ترتفع الحراره فوق النص بشوي ويزيد صوت المروحه وفيها حنه والتبديل يتاخر والمكيف تخف برودته
وبس تمشي السياره تنخفض الحرارة وتستقر عالنص ويبرد المكيف
بدون مكيف الوضع طبيعي
شارو علي بغسيل الراديتر وقمت بتغسيله في المغسله بماء قوي
الحمدلله الحراره صارت ماترتفع بس باقي التكييف ماتغير للحين مايبرد والسيارة واقفه خاصه في حرارة الظهر والعصر
وقريت كثير هنا عن تركيب مروحه إضافيه وأنه فيها مشاكل
علماً بأن موية الرديتر طبيعية ومافيها نقص
أرجو منكم أن تفيدوني وش المشكله

ياجماعه ابي رايكم

[موبايلي]

بعد اذن المشرفين اسمحولي بالمشاركة ببعض الاضافات التي قمت بها على سيارتي اكسبيديشن 2009

وهذا الرابط

http://www.mekshat.com/vb/showthread.php?t=512259

[بوليدى]

اكسبيديشن 99

عندي صوت اذا جيت الف بالسياره يمين ولا يسار
اما اذا كنت ماشي سيده ما يطلع
الصوت يجي صوت طقطقه كن فيه شي يمسك ويفلت
رحت كذا ورشه كلن افتى براي

واحد يقول دقمه القير هي الخربانه وتكلف 1500

وثاني قال المشكله في الدفرنش مع الدبل ويكلف 2800

مدري من عنده خلفيه عن الموضوع

تعبني الموتر كل شهرين في ورشه

[أبو فيصل 99]

يا شباب ..

كم يسوى إكسبيدشن طويل أبيض بدون دبل xlt ما شي 16 ألف كيلومتر

[بر الوالدين]

.


يالربع هل صحيح إن موديل 2013 راح يتغير شكله خارجي ومن الداخل


.

[سراج]

مشكورين على استقبالكم وراحبة صدوركم

عندي سؤال اللي يقدر يفيدني
عندي سفر خارج المملكه بالسياره ومحتاج ثلاجه تركب خلف المرتبه الثالثه
بس ابي تكون معقولة الحجم وتكون تبرد صح لانه سبق وشريت وحده من سنوات
وجودها كعدمها او نوعا ما تحافظ على البارد ولا تبرد الحار

وكذلك هل تنصحون بوضح فيري على الواجه عشان الرمل او البخاخ الخاص بالحمايه
او البلاستك اللي يوضح على الواجه كامله مع الشمعات
مع ان البلاستك بعد سؤال لمحل تركيب البلاستك قال مانركبه على الشبك

بانتظار مساعدتكم وجزاكم الله خيرا

[سراج]

أيها الأخوة السلام عليكم ورحمة الله وبركاته ,,, وجدت في الغرابي محل لتركيب شاشات ...يقول شاشة رود ماستر + كاميرا ليلي نهاري + سدي + خرائط + بلوتوث الخ ..طبعا لمس وتركب على إكسبديشن 2005 بــ 1600 ريال مع ضمان سنتين ...طبعا الشغلة كلها فيش في تركيب الشاشة محل الشاشة الأصلية ...مع بقاء التحكم فيه من الطارة ....وش رايكم يا شباب ؟؟؟

وعليكم السلام ورحمة الله يا ابوفهد
بغيت اسألك من حصلت هالشاشه في الغرابي اذا ممكن
شاكر لك

[awid]

حياك الله وياهلا ومرحبا اخوي عويض ..
استمر ضغًطه ويرجع معك..

بيض الله وجهك وجزاك عنا كل خير

فعلا استمريت بالضغط بعد ماغيرت الزيت ورجع معي 100%

شكرا لك على المعلومة

[وليد2000]

اخواني الاعزاء مساء الخير يشرفني انضمامي لكم سيارتي اكسبدشن2012 نصف الفل ابيض دبل بداية السيارة ماشاء الله عليها ولكن عندي استفسار بسيط وارجو المساعدة عندي صوت في الكفر الخلفي الايسر بعد ان اخذت مطب طلع الصوت قريب من الصفير خاصة في النزول او الصعود أمل من عنده إجابه يساعدني ولكم وافر التحية

[أبو فهد 2020]

وعليكم السلام ورحمة الله يا ابوفهد
بغيت اسألك من حصلت هالشاشه في الغرابي اذا ممكن
شاكر لك

أهلا وسهلا بك ....فيه محلات بالغرابي مقابل صرافة الراجحي تتعداها يجيك دخلة يمين ( الشارع اللي فيه الصرافة اتجاه واحد ) تتدخل وتطول تلقاه في المحلات اللي على اليسار والحقيقة إني ما أعرف اسمه بالضبط ( لعلمك هذا أول محل جيته ...ومتأكد أن سعره زايد ...لكن لو لفيت محلات أكثر لقيت عروض أكبر وأسعار أقل ....وفقك الله .

[camping expert]

تهريب فريون عجزت احصل عليه

ياليت من حصلت له يساعدنا


2006

[سراج]

أهلا وسهلا بك ....فيه محلات بالغرابي مقابل صرافة الراجحي تتعداها يجيك دخلة يمين ( الشارع اللي فيه الصرافة اتجاه واحد ) تتدخل وتطول تلقاه في المحلات اللي على اليسار والحقيقة إني ما أعرف اسمه بالضبط ( لعلمك هذا أول محل جيته ...ومتأكد أن سعره زايد ...لكن لو لفيت محلات أكثر لقيت عروض أكبر وأسعار أقل ....وفقك الله .

جزاك الله خير اخوي ابوفهد وبيض الله وجهك

[يكفيني نظرة]

ياجماعه ابي رايكم

الرأي ركب مروحه قدام الرديتر وخلف الشبك وحط لها فاصل عشان اذا مسكت خط تفصلها لأنك لو مافصلتها بيجمد عليك المكيف ولاراح يطلع هواء(هذي تجربتي بموتري 2008) وممكن تفك بلف الحراره وتحط حق باثفاندر بتنزل الحراره عندك (تجربة واحد من الشباب هنا)..