15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
احيي اخواني اعضاء الرابطة جميعا
اخواني شريت اكسبيدشن جديد وباستلمه قريب ان شاء الله
ابي نصائحكم بالنسبة للاضافات والتلبيسة والشاشة اذا امكن وغيرها
والمحلات الموثوقة اللي تنصحوني بها وشكرا لكم
مكشاتي متقدم
المشاركة الأصلية كتبت بواسطة ابوباسل1111
ما شاء الله تبارك الله
الف مبروك مقدما
يعطيكم خيرها ان شاء الله ويكفيكم شرها يارب
بالنسبه عند استلام السياره
النظام بانه بخليك تشوف السياره وتفحصها بالكامل عشان اذا وجد مشكله او شي لا تستلمها
افتح البيبان وسكرها
افتح الكبوت والق نظره على المكينه وسكرها
افتح الشنطه وسكرها
وتاكد من وجود شنطه الاسعاف
ووجود قطعه بلاستك تضع على فتحة فوه البنزين لكي يتم التعبه في حال لا سمح الله تريد تعبئه البنزين من خلال جيك
الشنطه اذا مو موجوده من حقك ما تستلم السياره وتراها تجي من المصنع
يعني مش الوكيل اللي اوجدها
اي شي تلاحظه في السياره من حقك ما تستلم السياره
لا تنسى الدعاء اول ما تستلم السياره
ان شاء الله تكون لك عون في طاعه الله
مكشاتي متواصل
أخوي الله يجعله ناصية مباركة ومطية للبر والتقوى والعون على هذه الدنيا
اللون الأسود ملك الألوان عندي واحد أسود والحقيقة إنه سيارة مهيبة وفارهة بهذا اللون لكن يعاب عليه أمرين
الأول إنه يحتاج تمسيح أكثر من بقية الألوان وعندها تظهر جمالية وأبهة عذا اللون
العيب الثاني تأثره بالخدوش والحكوك فتظهر على شكل خط أبيض مزعج للنظر
إذا عندك عامل حول البيت سواق أو في الدوام فستظهر سيارتك بشكل رائع دائما والله يطعمك خيره ويكفيك شره آمين
مكشاتي
جزاك الله خير
لو كلفت عليكم كيف اعرف فيوز الدبل والله اني ما اعرف مكان علبه الفيوز
يمكن الشغله بسيطه واتعلم ارحم من الوكاله
اما بالنسبه لاخر مره استخمدت الدبل كان حوالي قبل شهر اثناء الامطار الغزيره على المدينه المنوره
وبعدها من ام رجوم الى روضة التنهات مع الصياهد استخدمت اخف دبل وكان ماشي تمام وماشي حدود 80 هل يكون سبب لتعطله
مكشاتي
يعطيك العافيه اخوي سحايب صيف ع النصائح الجميله
والله يبارك بعمرك
ووش رايك اركب شاشات للاطفال ونفقيشن ووين اركبها فالوكاله ولا برا
مكشاتي متقدم
الفيوز نفسه والله ما اعرفه لكن علبه الفيوز اول ما تفتح الكبوت تلاقيها على طول فوق الرديتر
مكشاتي متقدم
بالنسبه للوكاله لو يركبونها لك ببلاش ويعطونك فوقها 100 الف ريال لا توافق شغلهم جدا جدا جدا سيئ
بالنسبه لشاشات الاطفال
اغلب الناس تقول الايباد واجهزة التاب سارت تغني وبقوه عنها
وانا واحد من منهم ركبت ديفيدي وبعد ما شريت الايباد ما شغلناه بالمره
لكن اذا ناوي تركب ديفيدي
انتبه من انك تركبه في السقف لسببين قويه جدا
الاول اذا شغلت الديفيدي بيلغي عليك المرايه الاماميه يصير ما تقدر تشوف منها لن شاشه الديفيدي بتغطي عليك
الثاني اذا بعدين تبي تشيل الديفيدي ما ينفع لأنك خرمت السقف وبيصير مشوهه لو شلته
الافضل تركبها على تكايات الراس
ووقت ما تبي تستغني عنها راس مالها تشيلها وترجع تكايات الوكاله
النفقيشن
انا شخصيا مو مقتنع بجميع المنتجات اللي موجوده بالسوق
انت شوف وش يخارجك
والله يكتب لك مافيه الخير
لا تنسى الاستخاره قبل الاقدام على اي شي
مكشاتي متواصل
السلام عليكم
هل استطيع برمجة مفتاح الاكسبدشن 2012 بنفسي
المطلوب طريقة برمجة المفتاح وليس الرموت
مكشاتي متقدم
اللي اعرفه انك تقدر تبرمج مفتاح
لكن يشترط وجود المفتاحين الرئيسيه اللي جت مع الوكاله
طريقه البرمجه اتوقع موجوده في الكتالوج
مكشاتي متواصل
عندي المفتاحين بس ابي الطريقة
مكشاتي متقدم
مكشاتي متواصل
جربتها ما ضبطت معي
لكني رحت لراعي المفاتيح وعرفت الطريقة
اتفقت انا وراعي المفايح يقص المفتاح ب 10 ريال واجرب بالطريقة المذكورة في الرابط اذا مشت تمام اما اذا احتجت يبرمج لي المفاح بياخذ 60
ولكن للاسف لم تنجح
وصارت ال 60 من نصيبه بس انا استفت وعرفت الطريقة لاني صرت اتابعه وش يسوي ولو اني حاس انه ما وده اعرف بس تطفلت وعرفت
المهم الطريقة سهلة مررررره وهي
اول لازم يكون معك مفتاحين متبرمجين سابقا
1- تشغل بالمفاح القديم الاول وثانية او ثانيتين وتطفي وتطلع المفتاح
2- مباشر تشغل بالمفاح القديم الثاني ونفس الشي ثانية او ثانيتين وتطلع المفتاح
3- بالمفتاح الجديد مباشرة تشغل به وراح يتبرمج مباشر
وبالهنا والعافية
للاحاطة سيارتي اكسبدشن 2012
وشريت المفاح من الوكالة ب 80
مكشاتي متقدم
بيض الله وجهك
لكن مثل ما قلت لك موجوده في الكتالوج وتوني تاكدت من واحد من الشباب
يقول موجوده بالكتالوج
انت شفت الكتالوج او لا
مكشاتي متواصل
ابشتري أن شاء الله اكسبيدشن2014.....وودي اظللها في الوكاله قبل استلامها...بس متردد يقول التظليل ب1900مع ضمان 10سنوات...احدجرب التظليل عندهم وكيف شغلهم؟ ياليت تفيدوني والله يعطيكم العافيه
مكشاتي متواصل
السلام عليكم
بسألكم عن مكيف الاكسبدشن 2008 احس انه مهب بارد
لاني توني شاريه الموتر وارد امريكي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس