رابطة ملاك اسد الصحراء ( الاكسبدشن4×4 / 2×4)الجزء الثاني

[الاحساس 2008]

السلام عليكم ورحمه الله

مبروك عليكم الشهر الكريم اعاده الله علينا وعليكم والامه الاسلاميه بكل خير واعوام عديده

ابوح لكم من مشكله عندي اكسبدشن 2004 امريكي وهي الكرونه والله العظيم

مغيرها مرتين ولا تغير الحال المره الاولى الكلتشات اللي بالكرونه والثانيه صوت الكرونه الله لايوريكم مره مزعج

سوال هل مرت على احد منكم والايخبرني وش الحل قالو توظيب يكلف تقريبا 4500 الف
وضمان 6 اشهر في ورشه مهيب الوكاله

بالله عليكم افيدوني لاني كاره السياره بسبه الكرونه مستخدم قيمتها 3500 ولا فايده

تكفون بااله افيدوني ولكم تحياتي جميعآ

نفس المشكلة ونفس الموديل 2004 بس الصوت عندي حنة بسيطة بين 80 الى 100 وتروح انا سالت ناس كثير وكلهم قالو عادي في كل الاكسبدشن من موديل 2003 الى 2005

[lazyboy]

عاده لما تعبي بنزين يجب وضع القير في الباركن يعني على حرف p وتبداء تعبي ويعطيك القراءة الصحيحه
بس المتوقع والصح والدارج المسافه الحقيقه على حسب السرعات فلو تمشي 174 يوصلك 400 كيلوا ولو تمشي من 140 واقل بيوصلك 500 وعليها

يجزاك الله خير وما تقصر . بالنسبه للمسافه المقطوعه التي ذكرتها من 400 الي 500 كيلو هذه المسافه التي اعرفها بواقع تجربتي مع الاكسبيدشن القصير موديل 2004 .

ولكن في الاكسبيدشن الطويل موديل 2007 ( وارد امريكا ) قاعده تظهر لي ارقام اخرى والمسافه المقطوعه غير فبصراحه مما يخليني اشك بأكثر من شغله بصفة أن الارقام كل شوي تتغير .
1- العداد الالكتروني للوقود عندي خربان .
2- في هواء داخل خزان الوقود مما يعطيني القراءات الخطاء .
3- تم تغيير الخزان الاصلي للسيارة بواحد مقاسه مختلف وقراءات العداد غير متوافقه مع الخزان .
شكلي راح اودي السيارة الوكالة والله يعين .

[majediya]

نفس المشكلة ونفس الموديل 2004 بس الصوت عندي حنة بسيطة بين 80 الى 100 وتروح انا سالت ناس كثير وكلهم قالو عادي في كل الاكسبدشن من موديل 2003 الى 2005

اخي الفاضل
افضل شيء انك تأخذ دفرنس مستعمل شد بلده من التشليح وتركبه ويكلفك كله 3000 ريال احسن ماتوضب الكرونه لانه الكرونه صعب توضيبها وقليل جدا اللي يفهم لعياراتها .

[ابو سلطان 6]

إخواني وأعزائي أعضاء رابطة فووورد
السلام عليكم ورحمة الله وبركاته
والشهر عليكم مبارك

[بوراياش]

مبارك عليكم الشهر ولو انها متأخره

مبروك إفتتاح الرابطه الجزء الثاني
في إقتراح بوضع قائمة بالمواضيع المهمه والإستفسارات واجوبتها في الرابطه بأول مشاركه حتى يسهل على الأعضاء القراءة والإستفادة وعدم تكرار الإستفسارات وزيادة صفحات الرابطه كما حدث في الجزء الأول

وحبيت أستفسر منكم بخصوص أفضل كفرات مجربه من قبلكم للأسد 2009 XLT
حاب أغير كفرات الأسد واحترت كل محل أنشده يقول هذي زينه

والله يوفقنا وياكم لما يحب ويرضى

[دبييين]

اخواني الاعزاء

كان عندي نقص بسيط في ماء الرديتر فقمت بشراء ماء موتوركرافت الاصلي ب 55 ريال وقمت بزيادة النقص في الماء ولكن لون الماء الذي اشتريته اخضر والماء الموجود في القربه لونه عادي تقريبا مائل للاصفر فهل تؤثر اختلاط الالوان في ماء الرديتر
تحياتي

اول شيء لازم تتبع تعليمات اضافة الماء اللي هي 50% ماء مقطر + 50% ماء موتر كرفت

لكن الماء الاصفر موجود عند الوكالة

[كاشت في الحوش]

الله يبارك للجميع
شباب اللي عنده موتر للبيع نظييف وما مشى واجد
دبل وقصير موديل 2008 2009 2010
يرسل لي رساله خاصة او يبلغني من خلال هالصحفة

[سعد777]

السلام عليكم
اخوي كاشت بالحووش انصحك تروح لموقع حراج إن شاء الله تحصل مرادك

[المشدق]

السلام عليكم ورحمة الله وبركاته

كل عام وأنتم بخير وتقبل الله طاعتكم
بفضل من الله وبعد تجربة الاكسبدشن 2010 الآن ثمان من الاصدقاء يمتلكون اكسبدشن XLT

[بوراياش]

وحبيت أستفسر منكم بخصوص أفضل كفرات مجربه من قبلكم للأسد 2009 XLT
حاب أغير كفرات الأسد واحترت كل محل أنشده يقول هذي زينه

والله يوفقنا وياكم لما يحب ويرضى

للرفع ياشباب

أفيدونا بارك الله فيكم

[jasser]

للرفع ياشباب

أفيدونا بارك الله فيكم

حياك ربي بوراياش
والله الموضوع نوقش اكثر من مره
لكن عشانك نعطيك زبدة الموضوع
اكثر اعضاء الرابطه مجربين كفرات - هانكوك الكوريه الاصليه - من الوكيل بن شيهون
انا ركبتها على الموتر من سنتين والحمد لله ما شفت منها الا كل خير حتى البناشر نادر ما تحصل
اخذت اعرض من مقاس الوكاله والموتر ما شاء الله ارسى في اللفات واثبت في الخط وما ضر الموتر من ناحية العزم
الاسبوع الماضي غيرت نفس النوع لكن مقاس الوكاله والسبب انها مسحت من الداخل كانت عندي الاذرعه ماهي موزونه ووالله اني تحسفت اني غيرتها لان الثنتين الباقيه ما شاء الله نص عمر ما مسح فيها شي
اذا بتشتري خذ هانكوك الين ويطول معك وسعره ممتاز
هذا اللي عندي واتمنى لك التوفيق
دمت بالف خير

[jasser]

السلام عليكم ورحمة الله وبركاته

كل عام وأنتم بخير وتقبل الله طاعتكم
بفضل من الله وبعد تجربة الاكسبدشن 2010 الآن ثمان من الاصدقاء يمتلكون اكسبدشن XLT

وعليكم السلام ورحمة الله

تصدق يوم شريت الموتر كنت احس اني الوحيد اللي شاريه ..
لكن بفضل الله الان في المدينه اللي انا فيها صار عدد الاكسبدشن ينافس السيارات الاخرى
وعندي ثلاثه من الشباب اشتروه بعدي بتوفيق الله ثم اقتناعهم الكامل انه افضل السيارات المصنعه في امريكا
يكفيك انه امريكي اصلي مو برازيلي او كندي
دمت بالف خير

[بوراياش]

حياك ربي بوراياش

والله الموضوع نوقش اكثر من مره
لكن عشانك نعطيك زبدة الموضوع
اكثر اعضاء الرابطه مجربين كفرات - هانكوك الكوريه الاصليه - من الوكيل بن شيهون
انا ركبتها على الموتر من سنتين والحمد لله ما شفت منها الا كل خير حتى البناشر نادر ما تحصل
اخذت اعرض من مقاس الوكاله والموتر ما شاء الله ارسى في اللفات واثبت في الخط وما ضر الموتر من ناحية العزم
الاسبوع الماضي غيرت نفس النوع لكن مقاس الوكاله والسبب انها مسحت من الداخل كانت عندي الاذرعه ماهي موزونه ووالله اني تحسفت اني غيرتها لان الثنتين الباقيه ما شاء الله نص عمر ما مسح فيها شي
اذا بتشتري خذ هانكوك الين ويطول معك وسعره ممتاز
هذا اللي عندي واتمنى لك التوفيق
دمت بالف خير

بيض الله وجهك أخوي جاسر
طيب سؤال ثاني
كيف الميشلان؟
وإلا الهانكوك أفضل حالياً
لأن أسعارهم متقاربه الفرق حول 50 ريال

[بليزر616]

اخواني الاعزاء انا رجال املك اكسبدشن 2011

والحمدلله زميل خاص لي في الصيانة في وكالة فورد انا مثل اخوة وهو من اشار علي باقتنا الموتر

يقول مافيه ولله حمد مشاكل على الموتر من ناحية الصيانة والقطع

بل الحمدلله الموتر ماعليه كلام

وقال سبب عدم اقبال الناس علية الضلم الاعلامي له

والشعب اللي مايرغب غير التايوتا والنيسان وهذي ثقافة ماله حل الا التجربة

اخوكم ابو سليمان

[ايدي باور]

السلام عليكم ياشباب

مبطين ماشفناكم

ابي ياشباب الرابط حق شرح احد الزملاء بخصوص اصلاح المكيف الخلفي


شاكر لكم ومقدر وكل عام وانتم بخير