السلام عليكم
للبيع على السوم باب شنطة بليزر كامل مع القزازة (تشتغل) بكل ملحقاته من فصالات ومسامير وكيابل وغيرها بحالة نظيفه وماجاه أي سمكره أو صبغ (مافيه صدأ غير الموضح في الصورة الأخيرة)
الموقع الرياض
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
للبيع على السوم باب شنطة بليزر كامل مع القزازة (تشتغل) بكل ملحقاته من فصالات ومسامير وكيابل وغيرها بحالة نظيفه وماجاه أي سمكره أو صبغ (مافيه صدأ غير الموضح في الصورة الأخيرة)
الموقع الرياض
بكم حبيبنا
اخي العزيز ابو مكنون
هل تفتح يدويا ام كهرباء
عفوا وش الموديل
وين اختفت الصور!!
تفتح كهرباء بمفتاح من الخارج أو من السوتش الداخلي (السوتش والمفتاح موجود)
مفكوك من 89 لكن يركب من موديل 73 إلى 91
الدينمو فيه ضعف لو يتغير أفضل
على السوم
91 اللي عندي
والله معرف اسعارها اعطيني حدك وراعينا لان اللي عندي نفس الصورة وحاولت ارسلك في الخاص ماقدرت لان لازم خمسين مشاركة ياليت ترسلي واتس بعد اذن الادارة
0555333453
وعندي مشاكل كثيرة ياليت تساعدوني لان خلاص طفشت وزهقت وخسرت ولا استفدت السياره موديل 1991 مكينة 350 معاي لها شهرين وحست ودخت في دودة الدركسون فيها فضاوة المهم جبت من تشليح وطلع القديم افضل وغيرت اصلاح وغيرت مساعد دركسون وغيرت العامود حق الدركسون ووزنت ادرعه وغيرت دارع دركسون خفت بشكل كبير لكن برضو فيها فضاوة الدودة القديمة كانت ملحمه تلحيم في الشاص من ناحية الدودة سؤالي هل لو اعدت تلحيمها تزبط ولا ايش اسوي وربي خسرت كثير
والمشكلة الثانية في القير اللي عندي قير عادي لما اجي اعشق الثاني يطلع صوت احتكاك غيرت كلتشات وحذاف وخرطت الهلال وخرطت عامود القير وغيرت فحمات ومازالت نفس المشكلة قالو لي اشتري جربوكس ماتحصل نحاسات او سفرة التروس لكن حصلتها ومالقيت احد يسويها الكل يقلي احسلك اشتري من التشليح او فكها ونحنا نسويها وكل واحد يصرفني وبصراحه مليت مرة المشكله غيرت كل شي مساعدات امامية وخلفيه غيرت الصوف كلها غيرت لديتر غيرت غطى لديتر وغطى قربه اشتريت كمبروسور غيرت اسلاك بواجي وبواجي ركبت فلتر رياضي فلترين واحد صممها يمين وشمال غيرت اقمشه اماميه وخلفيه اشتريت اسطبات خلفيه كاملة واماميه كاملة بس لسه ماركبتها غيرت سلف وغيرت سوتش الابواب وناوي اضرب بويه جديده وناوي اسوي تنجيد كامل بس عكر عليا شغلة الدودة والقير ياليت تفيدوني بشي لاني ضايع وحايس والقطع نادرة خاصه عندنا في مكة وجدة كل المحلات حفظت شكلي باقي يحطو صورتي ممنوع يدخل المحلات
طولت عليكم صح
وخرطت عامود الكردان وغيرت فلنجة دفرنس وخرطت عامود الدبل وغيرت كل الصلبان وبرضو تهتز هل تكون من الجربوكس ولا ايش هرجتها وهذا لسه مابدات في الكهرباء والمكيف الله يستر والتنجيد والبوية والكفرات
لا من جد مرة طولت في الكلام بس اعذروني مالي احد بعد الله سواكم حبايب قلبي
طيب اعطونا وجه
هذي السيارة بالذات مثل العجوز اللي بترجع شابة من جديد
فخسايرها كبيرة و مشكلتها في توفر قطع الغيار و اكثر الناس اللي بتجددها بتشتري جموس سوبربان نفس الموديل وتاخذ منها القطع المطلوبة و تغيرها
كان عندي بليزر موديل 83 اشتريتها ب11 الف و لما قعدت احسب قيمة تجديدها و تصليحها قدرت قيمتها بتقريبا 30 الف ريال و اكثر و اذا فكرت اغيرها كامل بقطع اشتريها من برا بتكلفني كاملا تقريبا 60 الف ريال يعني سيارة جديدة فبعتها على اول زبون
الافضل لك تشتري جمس سوبربان موديل مطابق له و تشيل منها القطع المطلوبة مثل المكينة و القير والدبل و الكراسي و الابواب و الباب الخلفي ×و الطبلون و التنجيدة
أهم شرطين في كل من يرغب في اقتناء والتمتع بسيارة قديمة بدون خساير وتعب، مهما كان نوعها وموديلها:
1-لازم تكون عنده خبرة طويلة في الميكانيكا وأساسيات الكهرباء، فيشتغل بيده وإذا احتاج للورش ما ينلعب عليه
2-تكون سيارة اضافيه وليست أساسيه، فيشتغل عليها برواقه
وبكذا يعرف كل مسمار فيها فيستخدمها وهو مطمئن ومبسوط
* نصيحة: إذا ماتنطبق عليك الشرطين لا تورط نفسك وخلك على الجديد وعساك تسلم
السلآم عليكم ورحمة الله وبركاته اولا افتخر لانظمامي للرابطه طبعا حبيت السيارة الين خذيتلي 77 وتقبلوا تحياتي الله لايحرمنا منكم ولا من حماسكم
ياغالي تاكد من الشاص وغير العلبه
الذين يشاهدون الموضوع الآن: 2 (0 من الأعضاء و 2 زائر)