رابطة ملاك (اليوكون , دينالي , تاهو , السوبربان ,z71) الجزء الثاني

[TAHOE2005]

اخواني انا عندي رساله تطلع يقول يجب اصلاح الفرامل قريبا
والسياره اذا مسكت فرامل بعض الاحيان يمسك ويفك وتتكرر كم مره لحد ما توقف السياره

وهذي العمليه تجي مره بالاسبوع مرتين يعني مو كثير وش الحل مع العلم اني مركب فحمات وكاله قدام وخلفي وخرط هوبات ومازالت المشكله وش تتوقعون الحل
هل هو حساس ال abs لاسمح الله مع العلم ان لمبنه ال abs والله الحمد ماتولع عندي ولو كان المشكله منها وين مكان الحساس هذا
او الهوبات مو مظبوط خرطها
او الفيوز
او القماشات ورحت للوكاله قالي 2007 التاهو مافي قماشات

اتوقع انك تحتاج تنسيم الهوا من داخل مواسير الزيت
شغلتها بسيطة اي فني تغيير فحمات يسويها لك

جرب ورد لنا خبر دمتم بخير

[ريالين الفسحه]

اتوقع انك تحتاج تنسيم الهوا من داخل مواسير الزيت
شغلتها بسيطة اي فني تغيير فحمات يسويها لك

جرب ورد لنا خبر دمتم بخير

سويتها طال عمرك ونفس المشكله

[ماشاء الله]

السلام عليكم ورحمة الله وبركاته
ومساء الخير على الجميع
الحقيقه مشكورين على التعاون فيما بينكم
وانا استفدت منكم جميعا وخاصة الاخ قمة افريست الله يعطيه العافيه
وحبيت اشارك معكم لو بالقليل
اليوم اشتريت ريموت تاهو 2007 بحطه سبير احتياط لان ماعندي الا واحد
ونشوف فرق الاسعار والنصب على عباد الله ومانقول الا حسبنا الله ونعم الوكيل ونسال قبل مانشتري اي شي
محل للمفاتيح مشهور بالدمام : قيمة الريموت 300 ريال ولا ادري وين صنع بدون كيس ولا راضي ينزل هلله اليماني
التوكيلات العالميه : 490 ريال جي ام صناعه امريكيه
عالم القطع : موجود جي ام صناعه امريكيه 160 ريال ونفس الكود اللي معي
رجعت لليماني مره ثانيه راعي المفاتيح المشهور ياعم كم تعطينا ريموتك قال ماينزل ريال ( شكله يصنعهم في بيتهم ومحتكر الشغله )
قلت شوف حبيبي هذا ريموت مغلف جي ام وسعره 160 ريال حسبي الله عليك تلعب علينا وينقلب وجهه الوان قال مش معقول واطلع الفاتوره وماخليته يشوف من وين انا مشتريه بس السعر
وبدون شعور المسكين قال عمي ابرمجه لك بلاش قلت لا تبرمجه ولا تقربه الله يخلي الشباب ماقصرو ثقفونا
قال روح روح روح (كنه يناهق الله يعزكم) برمجه انت والشباب
الشاهد ياخوان نشوف اكثر من وكيل ومحل لجميع القطع الاسعار فيه فرق كبير واحيانا الدرجه الثانيه اغلى من الاصلي
ويمكن فيه محلات ارخص لاكن دخل وقت الصلاه وبطلت لف وسلامتكم

صورة الريموت بكيسه من الامام والخلف

http://www.mekshat.com/pix/upload05/images241/mk239625_20120129_191153 (800x600).jpg

[ماشاء الله]

السلام عليكم

معلومه مهمه لمحبي النفود والتطعيس

معي يوكن 2008 اول تجربة لي بالنفود الصراحة طاح من عيني

ولكن بعد تجربة الطريقة الجديده ارتحت وارتاح الموتر

تمشي بالنفود وانت مرتاح ومطمّن عالاخر

وهي اول شي :

1- افصل مانع الانزلاق .( تحت ازرار المكيف )
2- اشبك الدبل الخفيف .
3 - حط القير علي رقم 3 .

وان حصل ونسمت الكفرات لل 20 او 25 يكون نور على نور

جربوا .. وادعوا لاخوكم ,,

وفقكم الله ,, وحفظكم من كل شر

احسنت اخوي واذا الطعس كبير حط القير على واحد واذا حسيت الموتر يطلع بدون جهد
رجعه للثاني وهو ماشي مايضر ولاتجور على الموتر لانه بيطلع يعني بيطلع وحش
بس اهم شي زي ماتفضلت مانع الانزلاق لازم تفصله ياهو يفشل اذا اول مره تطعس ومعك احد

[salman66]

السلام عليكم اخواني الكرام
طقينا دينالي 2008طويل امريكي الله يعطينا خيره ويكفينا شره
وعندي بعض الاسئله لقطع غيار ونصائحكم من خلال كشف الموتر قبل شرائه اتضح فيه 3 عيوب
1/ مساعد ايمن تهريب زيت بسيط >> كم سعره القتريبي ووين الافضل من الوكلاء لبيعه ام خارج الوكلاء والاهم هل اغير الطقم ام الاثنين الاماميه مثلا فقط لاني اخشي اغير واحد وياثر علي البقيه لانه بيكون انشط منهم - هل ممكن اجحده ولا فيه مشكله بتهريب المساعد لين يقول اعتقني واجرب الموتر فتره يمكن اغير طقم او ابدا فيه - هل فيه علامه مميزه للمساعد الاصلي عن التجاري لان الغش شغال بالبلد مثلا لون مميز او رقم

2/ تهريب زيت وجه كارتير محتاج تغيير قميه الاصلاح حسب كلام المهندس اللي كشف علي الموتر ابوعمار بحراج جده 280 ريال لانه محتاج فك دفرنس وعارضه سفليه >>كم قيمته ومن وين اجد الاصلي ايضا وكيل او غيره ونصائحكم لورشه جيده بمكه او جده او وكيل ان امكن ادخال السياره له عادي او ما تنقبل لانها امريكي ؟

3/صوفه علبه دركسون سفليه تهريب بسيط وتنديه بالزيت ايضا نف سالاسئله الاسعار والاصلي وين

* نصائحكم للقطع الاستهلاكيه اللي تتغير من البدايه فلاتر وسيور وخلافه وورشه جيده وه يالاهم اذا تكرمتوا علينا بالنصح
* الكفرات افضل نوع لجنط 20 يكون لين لان اللي عليه برجستون كتابتها بلون ابيض حقيقه لينه جدا لكن نص عمر ورفيعه شوي حسب مااشوف من النظر بالعين المجرده عن غيره من المواتر بسبب الكفرات اعتقد

لاعدمناكم

تهمني الفقرة الأولى .. الرجال سأل من شهر وتابعت الإجابات كلها محد رد عليه
وأنا بعد اليوم سألت نفس السؤال حول المساعدات ، ومازلنا ننتظر الجواب من الخبراء .
اللي عنده أي معلومة لا يقصر معنا .. ومشكورين

[salman66]

السلام عليكم
غيرت الزيت عند اي سي ديلكو ، بعدين قال المساعد يبيله تغيير ملاحظ تهريب زيت بسيط
السيارة يوكون 2009 ماشيه 45000 ومحافظ عليها ، بس إذا جيت مطانج أسرع أتوقع أفضل
وش الراي .. أصبر على المساعدات حتى تنعدم ، ولا ضروري أغيرها ، وكم تكلف الأصلية مع التركيب
مشكورين مقدما

للرفع ومشكورين

[تونس المغربي]

افصل اصبع البطارية وشبكه ثاني طبعا السالب
واثناء فصل اصبع البطارية لاتفتح ولاتشغل شي بالسيارة حتى الباب حتى لايكون تهريب كهرباء ياثر على الكمبيوتر
طبعا فصل اصبع البطارية مفيد في
اذا سجل كمبيوتر السيارة خطاء اوعطل لايمسح الابعمل رستات ولايمكن تصير الابمسح مباشر للخطاء
اوفصل اصبع البطارية
فعند شبك اصبع البطارية يقوم الكمبيوتر بالعمل طبيعي فلايجد الخطاء السابق ويلغي التحذير

طبعا فيه ناس تعتقد ان فصل اصبع البطارية هو اعادة برمجة وهذا غير صحيح بتاتا
فصل اصبع البطارية ليس له علاقة بالبرمجة فالبرنامج مسجل على كمبيوتر السيارة ولايمكن التغيير فيه الامن باب الدخول بجهاز وبرنامج معد خصيصا للتغيير على اعدادات كمبيوتر السيارة

جزاك الله بخير ،، راح افصل السالب وان شاء الله تختفي الرسالة بس السؤال ليه تظهر مثل هذه الرسايل من الاساس مادام انها ماهي صحية وراح تنمسح بعد فصل اصبع البطارية

[سعد القاسم]

تقرير خاص عو تركيب هوبات رياضيه على التاهو

www.mekshat.com/vb/showthread.php?t=479278

وفقنا الله واياكم

[ابو شكاع]

عليكم السلام حياك اخوي
انا مشتري تاهو ال تي ٢٠١٢ الحين ماشي معي ٥٠٠٠ كم دبل
وماشاء الله مبسوط عليه
وقبله كان معي يوكون ٢٠٠٢ مشتريه من الوكالة وجلس معي ١٠ سنوات
بالمختصر مواتر طيبة بعد توفيق ربي
بالنسبة للدورانجو شكله حلو لكن ماذا عن فارق السعر ?
اذا مايفرق شي خذ تاهو
حسب ما اسمع ان الدوج مخربه وكيله بالمبالغة باسعار قطع الغيار
استخر ربك
وبالتوفيق×

[Explorer 2010]

السلام عليكم
الوالد استلم اليوم يوكون 2012 وارد بالبيد ( الله يعطيه خيره ويكفيه شره ) ويوجد بالمقود ازرار للتحكم بالبلوتوث للجوال وبعد قراءة الكتيب لم نصل لكيفية تشغيل النظام
الرجاء المساعده

[faiz-111]

استفسار لاهنتم عندي صديق معه يوكن 2010 قبل ايام ظهرت لديه مشكله لما يشغل السياره فقط في فترة الصباح مع البرد اول مايشغل السياره يسمع صوت طقه قويه بالمكينة والصوت فقط في بداية التشغيل يعني لو يشغل السياره بعدها بكم ساعه لايوجد صوت

[دواك عندي]

السلام عليكم ورحمة الله وبركاته

حيا الله اخواني اعضاء منتدى مكشات كلن بأسمه


اولاً معي يوكن 2004 قصير لاحظت عليه في الآونه الأخيره أن عزمه لك غليه شوي لادعست ماهو مثل اول يفز يالله يالله خاصة لاصرت واقف ثم مشيت او مهدي ثم اسرعت طبعاً الموتر له معي فوق السنه ماغيرت البواجي فما ادري هل السبب بالبواجي او في شيئ ثاني

اخواني ابي تعطوانن ابراز اسباب طيحة عزم اليوكن ولكم الشكر مقدماً
__________________

[Special1]

اخوي يعطيك الف عافيه على الرد ماقصرت ابشرك الحمدلله امس طلعت التاهو ال تي دبل بس الحين ودي أصيح امس يم جيت أطلعه من القراش صقعت المرايه الجانبيه حقت السواق وانكسر طرف المرايه وشوي من الغطا حقه والحين بروح للوكاله والله خائف من السعر الله يستر..واذا في اشياء تنصحني فيها كون السياره جديده ياليت تفيدني بالي تقدر عليه ويعطيك الف عافيه مره ثانيه..

[Special1]

واتمنى باقي الشباب يشاركوني باراءهم..

[ريالين الفسحه]

استفسار لاهنتم عندي صديق معه يوكن 2010 قبل ايام ظهرت لديه مشكله لما يشغل السياره فقط في فترة الصباح مع البرد اول مايشغل السياره يسمع صوت طقه قويه بالمكينة والصوت فقط في بداية التشغيل يعني لو يشغل السياره بعدها بكم ساعه لايوجد صوت

شوف اخوي مادام انه الصوت يطلع بس اذا كانت السياره بارده يعني في فتره الصبح قد يكون طرنبه الزيت تعبانه شوي او الجلبه حقت الطرنبه لكن بقولك كم شغله سويها قبل لا نحكم علي الطرنبه


اولا: ضغط الزيت اذا شغل السياره وين يوصل تلقا الضغط بالطبلون
ثانيا: وش الزيت اللي يستخدمه لايكون زيت ثقيل لوكان زيت ثقيل يبدله بزيت خفيف كاسترول 10-30 ممتاز جدا وخفيف
ردلنا علشان نجاوبك