رابطة ملاك (اليوكون , دينالي , تاهو , السوبربان ,z71) الجزء الثاني

[Q8HIOK]

السلام عليكم
هنا نستكمل نفس هذ الموضوع والذي كان على هذ الرابط
رابطة ملاك (اليوكون , دينالي , تاهو , السوبربان ,z71)

وهو للعضو الفاضل مجاد
لكثرة الردود وبدايه جديده ليسهل على الجميع تصفحهم وبحثهم عن المعلومه

.

.

.

.

.


بالتوفيق للجميع

[ابريق و دله]

يا شباب الوالد اليوم جاته صدمه من التيما على جنب اليوكن اكس ال 2008
بعد ما اخذ الجمس اللفه دخل الالتيما في الكفر الخلفي الايمن تماما والبدي ما جاه الا مخوش فقط و احمد الله على سلامتهم جميع
الشايب يقول الموتر افتر لين قابل الالتيما!!! يعني يمكن كان ماشي من 60 الى 70

السؤال يا شباب هل ممكن يتضرر الدفرنس و خصوصا انه دبل وش اقصى ضرر محتمل
ارجو الافاده ياشباب الوالد على وجه سفر قريب ؟

[fahd999]

السلام عليكم
متى أغير الكفرات؟
لأني ناوي سفر
هل المعيار المدة او المسافة او الضروف الجوية حرارة سفريات ...
سيارتي يوكن ٢٠٠٩
مقاس 265/70/17
ماشي 45000 كم (قولوا ماشاء الله)
تنصحوني اغير الى اي نوع؟
ودي بعرض الكفر يكون ١٧/٧٠/٢٨٥
والإحتكاك والحرارة رمزه A
ايش النوعية اللي تلبي طلبي ؟ وعند من والأسعار؟ انا بالرياض

والله الموفق

[fahd999]

وينكم أخواني المكشاتية ..

نبي معلومة .. مانبي تشترون لي الكفرات

او ان سياراتكم مابه كفرات !!

[مسير عليهم]

اشوف توك على تغيير الكفرات

المعيار صعب تحكم على موتري كفرات تاريخها 2008 ومازلت امشي عليها واسافر بها والحمدلله

الماكسس لابأس بها واليوكوهاما حلوه لكن نقشتها خشنه

[fahd999]

اشكرك اخوي مسير عليهم

نسأل الله السلامة لنا ولكم والمسلمين اجمعين.

[rakan8888]

السلام عليكم ورحمة الله وبركاته

عندي يوكن 2007 كنت موقف والولد الله يصلحه لعب بالزر الدبل وشبكه على الثقيل

وهذي مشكة اليوكن ما فيه لمبه بالطبلون تبين ان الدبل مشبوك

ـــــــــــــ

الغريبة اني مشيت بالسياره ومالحضت شي تعرفون دبل ثقيل مشبوك يعني السيارة تكون ثقيلة وماتقدر تسرع انا مشيت مسافة 80 كلو بسرعة 140

مالحظت ثقل بالسيارة

بعد ما وصلت حسيت اذا لفيت بقوه السيارة تمسك بريك استغربت
واكتشفت ان الدبل شابك على الثقيل ؟؟؟؟

السوئل هل الدبل اذا تعديت سرعة معينه يفصل الحمد لله جربت الدبل شغال
بس ابغى تفسير كيف مشى هذا المسافة وعى الثقيل

او يكون الخفيف هو الي شابك


وهل اقدر افصله واشبكه وقت الحاجه ؟

[القفار]

واحد من زملائي يقول ابو مشى من الطائف الى الباحة والدبل شغال 280 كيلو تقريبا وما صار له شي
ترى الامريكي يتحمل مو زي الياباني
وفي الكتلوج ينصحون بعدم المشي اكثر من 70 كيلو متر في الساعة اذا كان الدبل شغال
لاطالة عمر الدبل

[asd20009]

اخواني الاعزاء لي يومين طلعت لي هالمسج في طبلون السياره :

RFA 1 BATTERY LOW

طبعا فقط تطلع عندما اشغل الموتر وبعد انتهاء الجرس تطلع هالمسج..
علما ان معي تاهو 2003 وله فتره متعطل معي ريموت السياره عن بعد وجالس افتحها بالمفتاح ....

[اابوسلطان]

يقولك طال عمرك ان البطارية منخفضه رقم 1 يعني غير البطارية سلمك الله وكويس ان فيه تنبيه في الطبلون يعلمك

الله يوفقك

[اابوسلطان]

اسمع يا صديقي
فيه اختيار اسمه AUTO اذا حطيته عليه يعني يشتغل الدبل الى سرعه 80 مثل الدينالي ثمن يفصل الدبل اتوماتيك وهذا عادي جدا يعني تبغى كذا ولا ترجعه على X2 يعني يكون مفصول طوال المدة سواء كنت ماشي اقل من 80 او اكثر من 80

يعني امورك طيبة لاتخاف

AUTO حاطينها علشان الي وده يمسك خط مافيه مشكله الدبل راح يفصل عند 80 والي وده دبله يكون جاهز في البر يعني ماهو فاضي يوقف ثم يشغله يعني تقدر تستعمله على الخط وتقدر تستعمله في البر يعني يسبع نفسه في كل مكان بس خله على الاوتو ماتيك AUTO ولا راح يخرب

واذا رجعته على X2 خلاص يكون مفصول ولابه دبل شغاااااال يعني امسك خطوط على كيفك من دون دبل
واسف على الاطاله الي مالها داعي لكن حبيت اوضح

لاتنسانا من دعواتك

[rakan8888]

الغريبة ان الدبل شابك على 4 سهم تحت الثقيل

انا عندي باترول 97 لما اشبك الثقيل ما تمشي السيارة اكثر من 30 كلم

تحس المكينة بتنفجر بس باليوكن مشيت 50 كلم بسرعة 140 ولا بين هذا الي استغربت منه

ولم اجي الف احس بثقل فقط اذا لفيت قوه

[asd20009]

ايه طيب قله ان البطاريه ماكملت شهر جديده شلون اغيرها والاصابع مشدوده تمام ولافيه دلالات على ان اليطاريه نفسها هي المقصوده مثل نبض النور مثل ظعف الدقه مثل تقطيعات؟؟؟؟ اناشاك في الحروف الاولى شالمقصد الله يخليكم افيدوناااااااااااااااااااا

وشكرا اخوي ابوسلطان على اجتهادك

[de7my]

السلام عليكم

لو سمحتوا ياشباب هل دفرنس التاهو يختلف من lt عن z71

لان واحد من الشباب بيغير دفرنس وبيعرف في فرق ولا كلهم واحد.....

بانتظار الردود.

[أبوحمزه]

اتوقع ان البطاريه رقم واحد بطارية الرموت

وبتوفيق للجميع