رابطة ملاك (اليوكون , دينالي , تاهو , السوبربان ,z71) الجزء الثاني

[GMC4Ever]

وديته للوكاله النتيجه
ثلاجه المكيف داخل الطبلون
مجموعه المفاتيح المكيف
حساسين المكيف قيمه الواحد 31ريال فى الوكاله
المشكله ان الثلاجه والمجموعه المفاتيح غير متوفره لازم طلبيه من دبى
الله يعين عى التشليح
اعطونا المشوره يالربع والله انى محتار

شوف وأنا أخوك، الوكالات تبالغ في بعض الأحيان وتغير لك القطع الضرورية وغير الضرورية، فأول شئ وأنا أخوك، خذ تأكيد (تقرير) من الوكالة بأن المشكلة من هالقطع هذي علشان في حال غيرتها عندهم وما صلحت المشكلة يتحملون قيمة القطع وشغل اليد.

ثانياً أنا نصيحتي لك أن تبدأ بالأقل تكلفة وأنا أخوك، يعني إبدأ بالحساسات وغيرها، وشوف انحلت المشكلة ولا لأ.
اذا استمرت غير المفاتيح
اذا استمرت غير الثلاجة

أنا شخصياً ما أعتقد المفاتيح فيها مشكلة وأصلاً أستغرب أن كل هالقطع خربت مرة وحدة وفي وقت واحد!!!!

وعلمنا بالتطورات لا هنت وموفق بإذن الله،،،

[أبو غدي1432]

السلام عليكم

يا جماعة عندي استفسار بسيط اشتريت يوكنxl 2011 قبل شهر من التوكيلات العالمية وتوه ماشي يمكن ألفين -قولوا ما شاء الله.

بس يا جماعة أسمع صوت فيه خفيف (تك تك تك تك) >>
ما أدري وشهو هي من المكينة ولا من مكرات السيور ولا ولا
مدري مرت عليكم ياللي عندهم نفس الموديل

ولا أنا موسوس

[قمة افرست]

السلام عليكم

يا جماعة عندي استفسار بسيط اشتريت يوكنxl 2011 قبل شهر من التوكيلات العالمية وتوه ماشي يمكن ألفين -قولوا ما شاء الله.

بس يا جماعة أسمع صوت فيه خفيف (تك تك تك تك) >>
ما أدري وشهو هي من المكينة ولا من مكرات السيور ولا ولا
مدري مرت عليكم ياللي عندهم نفس الموديل

ولا أنا موسوس

الصوت اذا دققت ونت عند الكفر تسمعه كانه بنص المكينة هذا من نوعية الزيت غير كاسترول ويروح ان شاء الله
كاسترول 10-30
اما اذا فتحت كبوت السيارة والصوت واضح زي ماقلت اعلى المكينة
ياليت تقولي كم ضغط الزيت بالعداد اول ماتشغل والسيارة بارده وين يوصل وبعد مشوار كم يكون يعني بعد ماتسخن
وغالبا من نوعية الزيت

[صاحب التاهو]

تسلم ياغالي والله حاولت ماقدرت انزل الخرائط ياليت اذا تقدر تنزلها على رابط مباشر لاني محتاجها ضروري ويعطيك الف عافيه

[فله ودشاره]

شباب انا اشتريت سوبربان 2007 LTZ امريكي

وابي انزل عليه خرائط الشرق الاوسط لانه الي موجوده عليه خرائط امريكا وكندا

وكيف احصل على DVD

انا موجود في الجبيل

تحياتي

[أبو غدي1432]

الصوت اذا دققت ونت عند الكفر تسمعه كانه بنص المكينة هذا من نوعية الزيت غير كاسترول ويروح ان شاء الله
كاسترول 10-30
اما اذا فتحت كبوت السيارة والصوت واضح زي ماقلت اعلى المكينة
ياليت تقولي كم ضغط الزيت بالعداد اول ماتشغل والسيارة بارده وين يوصل وبعد مشوار كم يكون يعني بعد ماتسخن
وغالبا من نوعية الزيت

قمة أفرست

قل يالله إن يوفقك في هذه الليلة المباركة أول ليالي العشر

الصوت من عند الكفر زي ما قلت كنه نبض القلب..

ولما أفتح الكبوت الصوت أقل مو واضح زي من عند الكفر..

أما ضغط الزيت أول ما أشغل فوق النص فوق..

وبعد المشوار أقل من النص بشوي..

أنتظر ردك لا عدمناك

[قمة افرست]

قمة أفرست

قل يالله إن يوفقك في هذه الليلة المباركة أول ليالي العشر

الصوت من عند الكفر زي ما قلت كنه نبض القلب..

ولما أفتح الكبوت الصوت أقل مو واضح زي من عند الكفر..

أما ضغط الزيت أول ما أشغل فوق النص فوق..

وبعد المشوار أقل من النص بشوي..

أنتظر ردك لا عدمناك

ابوغدي جزاك الله عنا كل خير
زي مااتوقعت تماما الامر طبيعي وهذا موجود بجميع السيارات اليوكون والتاهو فقط غير زيت كاسترول وان شاء الله يروح الصوت
لزوجة الزيت 10-30 ولو انتظرت تغيير الزيت مافيه اي مشكلة لان السيارة توها 2000 كيلو وزيت الجميح اي سي دلكو الي تغيره الوكالة يطلع نفس الصوت
فااما تغير كاسترول اوموبيل ويكون اللزوجة 10-30

[أبو غدي1432]

ابوغدي جزاك الله عنا كل خير
زي مااتوقعت تماما الامر طبيعي وهذا موجود بجميع السيارات اليوكون والتاهو فقط غير زيت كاسترول وان شاء الله يروح الصوت
لزوجة الزيت 10-30 ولو انتظرت تغيير الزيت مافيه اي مشكلة لان السيارة توها 2000 كيلو وزيت الجميح اي سي دلكو الي تغيره الوكالة يطلع نفس الصوت
فااما تغير كاسترول اوموبيل ويكون اللزوجة 10-30

بيض الله وجهك طمنتني.. أكيد بكل اليوكن والتاهو!!!

بعدين أنا مطلعها من التوكيلات وقالوا لي بس استلم مغيرين زين ومزبطين السيارة تفضل بس..

تصدق حتى عيار الزيت ما بعد عايرته ولا أدري وش نوع الزيت اللي مغيرينه قالوا بعد (5000) تجي للصيانة الأولى..


وش تنصحني فيه:
أروح لهم وأقول غيروه ولا أغيره عند أي محل تغيير الزيوت.. ولا أصبر
حتى اكمل على الزيت للـ(5000) ..

[عاشق النفود 111]

الله يوفقك هذي العلامه هي الرادو ولكن غريبة تكون بيضاء فقط والعلم عند الله

الله يعافيك أخوي المربع الابيض بداخله كتابة وهي:

إنتبه أثناء القيادة !

ولكن مع التصوير غير واضحه وذكرت ذلك
.. وتبقى موجوده على الشاشة

[عاشق النفود 111]

من واقع تجربه لي مع هذه المشكله

لا تظهر هذه الرساله الا مع برنامج الخرائط في الشاشه

و تظهر اذا اردت استخدام الشاشة في وضع القياده و هي تحذيريه كي لا تلتهي عن الطريق اثناء القياده

لاخفاء هذه الرساله

ادخل على خيارات برنامج الملاحة الى ان تصل الى مربع عليه علامة صح عند خيار القيادة بأمان ,,,, كل ما عليك فعله هو ازالة علامة الصح لانهاء تفعيل هذه الخاصيه

_____________ أبو فارس _______________

بارك الله فيك أخي العزيز أبو فارس

على التوضيح وجاري التطبيق

[فله ودشاره]

شباب انا اشتريت سوبربان 2007 LTZ امريكي

وابي انزل عليه خرائط الشرق الاوسط لانه الي موجوده عليه خرائط امريكا وكندا

وكيف احصل على DVD

انا موجود في الجبيل

تحياتي

ارجو الاجابة على سؤالي ويعطيكم العافية

[salman66]

اسعد الله مسائكم ..

عندي استفسار

انا عندي يوكن 2009 دبل

زر الدبل اربع خيارات

2
AUTO
4 سهم فوق
4 سهم تحت

وش عمل كل واحد منهم
و كيف اطفيه
لاني لقيت الزر على 4 سهم تحت من اربعه اشهر وانا قد سافرت عليه وجاني واحد قال تراه شغال

وانا الصراحة ما ادري .

رجاء اللي يعرف لايبخل علي

ومشكورين مقدماً

هذا سلمك الله كالتالي :

2 : عادي الدفرنس اللي ورا

AUTO : هذا أصلاً ما له داعي يعني يشتغل أتوماتيك متى ما حست السيارة ان الكفرات ثقلت عشان غراز ولا مسفلت يزّلق مع المطر اشتغل لحاله ، وله حكمة ثانية يوفر شوية بنزين . وإذا اشتغل الدبل لحاله تراه يشتغل على ( 4 سهم فوق يعني الدبل العادي ) ومشكلته الأساسية يشتغل ويفصل أكثر من مره وهذا يضر القير .

4 سهم فوق : دبل عادي واللي نستخدمه عادة ، وهذا كل الكفرات تدور بس كل واحد ممكن يدور لحاله ، يعني لو نشب الكفر الأمامي الأيمن ووقف بتلقى الكفر الأمامي الأيسر يدور . وهذا ممكن تشبكه والسيارة تمشي بسرعة 40 وممكن اكثر والدليل دبل AUTO يشتغل ويفصل والسيارة مسرعة ، بس يُفضل تشبكه والسيارة مهديه ، وبتسمع له طقه ثم حنه وهذي الاصوات عادية وبيثقل الدركسون شوي .

نجي للدبل الخبل وهذا تشغيله بركاده ركز معي :
4 سهم تحت : دبل ثقيل ، كل الكفرات تدور سوا وبنفس السرعة ( بالقوة بالطيب تدور سوا وتوقف سوا ) يعني لو سقط كفر بين صخور بيدور بالقوة وهذا يتعب المكينة لكن يبل ريقك .
والأهم وشلون نشبكه : توقف السيارة تحطه على N تمسك بريك بعدين تحطه على الدبل .
ويُفضل تشبكه والسيارة على ال N ومدحدره بسرعة 3 يعني سرعة بطييييئة جداً ( سرعة 3 تعادل تقريباً سرعة رجال يمشي على رجوله ) وهذي الشبكية أفضل .
على كلٍ هذا الدبل ما تحتاجه إلا إذا غلبت الروم . وعلى فكرة هذا الدبل ما يُنصح أنك تسرع فيه .. ولو أسرعت ما يعطيك أكثر من 75 كم/س

هذا بالمختصر ، والسيارات التالية مشاكلها واجد ويبيلها مداراه ، فلا تستخدم الدبل إلا للحاجة القصوى ، وعود نفسك أو ما تشغل السيارة حط عينك على زر الدبل شف هو على 2 ولا اللي يمسح السيارة لعب في الأزرار .

[atamy]

السلام عليكم ورحمة الله وبركاته
العشر عليكم مباركه
سيارتي تاهو 2011
سؤال واريد اجابه في اسرع وقت متى وقت دوام الخدمة السريعة للجميح في رمضان
سمعت ان فيه خدمة سريعة على شارع عائشة في الرياض
وشكرا

[* ابو باسل *]

هذا سلمك الله كالتالي :

2 : عادي الدفرنس اللي ورا

AUTO : هذا أصلاً ما له داعي يعني يشتغل أتوماتيك متى ما حست السيارة ان الكفرات ثقلت عشان غراز ولا مسفلت يزّلق مع المطر اشتغل لحاله ، وله حكمة ثانية يوفر شوية بنزين . وإذا اشتغل الدبل لحاله تراه يشتغل على ( 4 سهم فوق يعني الدبل العادي ) ومشكلته الأساسية يشتغل ويفصل أكثر من مره وهذا يضر القير .

4 سهم فوق : دبل عادي واللي نستخدمه عادة ، وهذا كل الكفرات تدور بس كل واحد ممكن يدور لحاله ، يعني لو نشب الكفر الأمامي الأيمن ووقف بتلقى الكفر الأمامي الأيسر يدور . وهذا ممكن تشبكه والسيارة تمشي بسرعة 40 وممكن اكثر والدليل دبل AUTO يشتغل ويفصل والسيارة مسرعة ، بس يُفضل تشبكه والسيارة مهديه ، وبتسمع له طقه ثم حنه وهذي الاصوات عادية وبيثقل الدركسون شوي .

نجي للدبل الخبل وهذا تشغيله بركاده ركز معي :
4 سهم تحت : دبل ثقيل ، كل الكفرات تدور سوا وبنفس السرعة ( بالقوة بالطيب تدور سوا وتوقف سوا ) يعني لو سقط كفر بين صخور بيدور بالقوة وهذا يتعب المكينة لكن يبل ريقك .
والأهم وشلون نشبكه : توقف السيارة تحطه على N تمسك بريك بعدين تحطه على الدبل .
ويُفضل تشبكه والسيارة على ال N ومدحدره بسرعة 3 يعني سرعة بطييييئة جداً ( سرعة 3 تعادل تقريباً سرعة رجال يمشي على رجوله ) وهذي الشبكية أفضل .
على كلٍ هذا الدبل ما تحتاجه إلا إذا غلبت الروم . وعلى فكرة هذا الدبل ما يُنصح أنك تسرع فيه .. ولو أسرعت ما يعطيك أكثر من 75 كم/س

هذا بالمختصر ، والسيارات التالية مشاكلها واجد ويبيلها مداراه ، فلا تستخدم الدبل إلا للحاجة القصوى ، وعود نفسك أو ما تشغل السيارة حط عينك على زر الدبل شف هو على 2 ولا اللي يمسح السيارة لعب في الأزرار .

بيض الله وجهك شرح وافي ياذيب وماقصرت جبتها بكل تفصيل .

[متمرمط]

شباب انا اشتريت سوبربان 2007 LTZ امريكي

وابي انزل عليه خرائط الشرق الاوسط لانه الي موجوده عليه خرائط امريكا وكندا

وكيف احصل على DVD

انا موجود في الجبيل

تحياتي

السلام عليكم ورحمةُ الله
مصاحفة جديده معكم واتمنى افيدكم وتفيدوني
وانا الصراحه سؤالي نفس هالرجال اللي فوق عجزت احصل سيدي وتنصحوني استمر ع مسجل الوكاله الامريكي او اشتري سعودي ووين يباع ؟
وموتري ماشاء الله سوبربان إل تي زد ملكي امريكي بدون دبل
وفيه مشكلة ثانيه الا وإهي إذا شغلت سيارتي ب الريموت تطفى احيانن من نفسها مادري وش السبب, وهل تنصحوني اقلب العداد عربي او لا وإذا يقلب وين اقرب محل ف الرياض والفصله حقت السياره لها حل لان حدها تقريبا 150 وتفصل السرعه !, ومشكلة القزاز كل الخلفي ماعدا باب السائق والراكب بدون تظليله وانا خاطري اشيل كل التظليل حق السياره بس سألت كم واحد وقال مايصلح لان القزاز من الاساس اسود ؟ فُ ما أدري وش آسوي , وكيف ابرمج باب الكراج مع ريموت التحكم اللي ب التنده يعني ابي ابرمج او ما اضغط من الزر تنفتح البوابه وبوابة بيتي البرغش إذا فيه حل لا تبخلون , آسف جداً جداً ع الاطاله .
مشكورينُ سلفاً