رابطة ملاك (اليوكون , دينالي , تاهو , السوبربان ,z71) الجزء الثاني

[a12hm]

اولا :
هذا الدفيدي فك الضغط عن ملف الأيزو وأحرقة ببرنامج النيرو واختار السرعة 1 او 2
http://www.mediafire.com/?gn1m2c2aluphsp1




ثانيا :هذا اخر اصدار 2010 _ 2011 بس مايشتغل معاك الا بعد مايشتغل القرص الاول

http://www.multiupload.com/DF_HU4SVLX8KA

[a12hm]

اخواني انا عندي سوبربان 2005 استعمال امريكي وبه شاشة سقف اصلية نوع باناسونك وخربانه " الديفيدي ياخذ 10 ثواني ويخرج " ويقولون ان نظامها يختلف !!!!!
افيدوني احد عنده نفس الشاشة واشتغلت معاه ؟ هل صورتها واضحه ؟
واذا كان كذلك اريد عنوان مهندس في جده

هل يوجد شخص عنده نفس الشاشه وشغالة حتى لو موديل 2007 _ 2011
بس اهم شي السياره استمال امريكي والشاشه باناسونيك

[دينالي2011]

السلام عليكم ورحمة الله وبركاته
العشر عليكم مباركه
سيارتي تاهو 2011
سؤال واريد اجابه في اسرع وقت متى وقت دوام الخدمة السريعة للجميح في رمضان
سمعت ان فيه خدمة سريعة على شارع عائشة في الرياض
وشكرا

أولاً مبروك عليك السيارة والله يعطيك خيرها ويكفيك شرها.
لايوجد لهم فرع على شارع عائشة إللي أعرفه أنهم بيفتحون فرع على طريق المدينة أتوقع بعد البديعة مول وأنت متجه غرب، لكن ماني متأكد هل تم إفتتاحه أم لا.
تحياتي وبالتوفيق.

[بداية رحال]

عندي مشكلة في حساسات الهوا حق الكفرات تاهو 2007
كانت شغالة تمام , وامس شغلت السيارة إلا الحساس الأمامي الأيسر ما يقرا رحت البنشر وعبيت الكفرات 40 وبعدين سويت اعادة برمجة للحساسات وانا انسم الكفرات كل شي تمام تمت البرمجة وفجأة راحت كل القراءات وصار ولا واحد ما يقرا ,,, مدري وش المشكلة

هل من مجيب ؟؟؟؟؟

[atamy]

أولاً مبروك عليك السيارة والله يعطيك خيرها ويكفيك شرها.
لايوجد لهم فرع على شارع عائشة إللي أعرفه أنهم بيفتحون فرع على طريق المدينة أتوقع بعد البديعة مول وأنت متجه غرب، لكن ماني متأكد هل تم إفتتاحه أم لا.
تحياتي وبالتوفيق.

لله يبارك فيك والله يرحم والديك متى وقت عملهم الي في خريص

[atamy]

السلام عليكم ورحمة الله وبركاته

العشر عليكم مباركه
سيارتي تاهو 2011
سؤال واريد اجابه في اسرع وقت متى وقت دوام الخدمة السريعة للجميح في رمضان
سمعت ان فيه خدمة سريعة على شارع عائشة في الرياض
وشكرا

ولا واحد عنده علم بوقت عمل الخدمة السريعة الي على طريق خريص مخرج 13 المشكله انا بعيد عن الرياض ولا ادري متى وقت العمل والاتصال على الشركة ماعندك احد اليوم الصباح يا مشغول او ماحد يرد عليك

[ابو خالد 2006]

السلام عليكم ورحمة الله وبركاته

لدي مشكلة في اليوكن 2007 وهي تظهر رسالة مفادها : يجب تصليح نظام الفرامل .. ولمبة البريك الحمراء ظاهرة باستمرار هي ولمبة الانزلاق الصفراء أيضا

وش الحل يا جماعة الخير

[ayay]

السلامعليكمورحمة الله وبركاته
عندي مشكلة في اليوكن 2007 غيرت البواجي وشتغلت لمبة المكينه ولمبة نظام الانزلاق وصارت السيارة تفتف وترج وهي واقفة وش الحل معها

[حاضر بالنواظر]

اخوتي واحبتي
لاأستغني عن خبرتكم لأني ضاقت بي السبل ذهبت لأكبر الورشات ولم يفيدون بشيء
أبشرحلكم مشكلتي والي عنده حل لا يبخل علينا وأسأل لله العظيم في العشر الآواخر ان لايحرمنا من الأجر اجمعين
مشكلتي بإختصار (( اذا شغلت الدبل الخفيف ولفيت يمين ولا يسار : طلع عندي صوت زي صوت...الدركسون اذا ماكان فيه زيت والصوت قوي ومزعج ....واذا شغلت الثقيل طلع الصوت على طول سواء لفيت او سيدت )) ماأدري الصوت هذا طبيعي ولا لا والي عند نفس سيارتي يفيدني بتجرته للدبل
الي عنده الإجابة يفيدني لاحرمه الله الأجر العظيم في العشر الآوخر وأعتقه من النار

[سوبربان2011]

السلام ياخوان اناعندي مشكلة وطرحتها اكثر من مرة..وهي مشكلة طقة القير الي تحت السوربان وانا وديت الموتر للوكالة علشان التشييكة الأولى وعلمتهم بالمشكلة.. ويوم استلمت السيارة قالو لي الموتر تمام والطقة هاذي طبيعية لأن القير ست سرعات..طيبب معقولة هذا شي طبيعي؟؟.. ولا زالت المشكلة مستمرة والظاهر انه عيب مصنعي وساكتين عنه..واتمنى من الأخوان يساعدوني..والموتر موديله 2011 وصراحة كرهت الموتر وافكر اني ابعيه علشان ارتاح

[أبو نادين]

GMC4Ever قمة ايفرست حاظر بالنواظر ..... بيض الله وجيهكم والمتواجدين عموماَ
بانتظر حتى ننزل جدة على خير ونشوف مع مراعاة ملاحظاتكم
جعلنا الله وإياكم من المقبولين

[atamy]

السلام عليكم ورحمة الله وبركاته
العشر عليكم مباركه
سيارتي تاهو 2011
سؤال واريد اجابه في اسرع وقت متى وقت دوام الخدمة السريعة للجميح في رمضان
سمعت ان فيه خدمة سريعة على شارع عائشة في الرياض
وشكرا

منة الله ولا منة خلقه يوم امس توكلت على الله ورحت بعد صلاة المغرب الى الرياض وصلت مركز الخدمة السريعة الي على طريق خريص الساعه الثامنة ونصف ولقاهم فاتحين واسال متى الدوام وقال انا فاتحين من الساعه التاسعة مساء وحتى الثانية عشرصباحا يعني الي يبيهم يروح فرصه حط العيال في السوق وشيك على سيارتك والشغله ما تأخذ نصف ساعه مع ان فيه زحمه عليهم بس الشغل ماشي ومرتب ×

[متمرمط]

السلام عليكم ورحمةُ الله

مصاحفة جديده معكم واتمنى افيدكم وتفيدوني
وانا الصراحه سؤالي نفس هالرجال اللي فوق عجزت احصل سيدي وتنصحوني استمر ع مسجل الوكاله الامريكي او اشتري سعودي ووين يباع ؟
وموتري ماشاء الله سوبربان إل تي زد ملكي امريكي بدون دبل
وفيه مشكلة ثانيه الا وإهي إذا شغلت سيارتي ب الريموت تطفى احيانن من نفسها مادري وش السبب, وهل تنصحوني اقلب العداد عربي او لا وإذا يقلب وين اقرب محل ف الرياض والفصله حقت السياره لها حل لان حدها تقريبا 150 وتفصل السرعه !, ومشكلة القزاز كل الخلفي ماعدا باب السائق والراكب بدون تظليله وانا خاطري اشيل كل التظليل حق السياره بس سألت كم واحد وقال مايصلح لان القزاز من الاساس اسود ؟ فُ ما أدري وش آسوي , وكيف ابرمج باب الكراج مع ريموت التحكم اللي ب التنده يعني ابي ابرمج او ما اضغط من الزر تنفتح البوابه وبوابة بيتي البرغش إذا فيه حل لا تبخلون , آسف جداً جداً ع الاطاله .

مشكورينُ سلفاً

قمة آفرست , جي آم سي , والشباب وينكم ؟

[ينبعاوي 111]

ناوي اشتري يوكنxl
2011بس عندي سؤال
هل يوجد به ثلاجه
واين مكانها

[ahlayi]

منة الله ولا منة خلقه يوم امس توكلت على الله ورحت بعد صلاة المغرب الى الرياض وصلت مركز الخدمة السريعة الي على طريق خريص الساعه الثامنة ونصف ولقاهم فاتحين واسال متى الدوام وقال انا فاتحين من الساعه التاسعة مساء وحتى الثانية عشرصباحا يعني الي يبيهم يروح فرصه حط العيال في السوق وشيك على سيارتك والشغله ما تأخذ نصف ساعه مع ان فيه زحمه عليهم بس الشغل ماشي ومرتب ×

ياخي مع احترامي لك فيه في النت شئ اسمه قوقل ادخل عليه واستفسر عن مواعيد العمل في رمضان او ادخل على موقع شركة الجميح وبتلقى مواعيد العمل (الموضوع يبيله دبره) وتراني لو شفت سؤالك كان رديت عليك في وقته ..اتمنى انك ماتزعل مني ,لكن فيه امور واضحه !!!!