رابطة ملاك التريل البليزر + الأنفوي ( التريلفوي ) -‏ الجزء الثاني

[ابو أسامة]

شباب ردوا لا تسحبون

بالنسبة لدعسة البنزين انا مثلك وصار السيارة تطفى اذا وقفت في اي مكان او حتى عند اللفة


ياليت احد الاخوان يفيدنا

شباب عطونا الحل مع مشكلتنا ولا تخلونا

[omrs]

شباب عطونا الحل مع مشكلتنا ولا تخلونا

أخي العزيز ابو اسامة تأكد من البواجي اولا لايكون داخلها ماء
ثانيا : نظف الثروتل وتأكد من ضبط الوزنية حقت الار بي ام

إذا انت بالدمام رح لورشة الصقر والراجح وريح نفسك

[ابو أسامة]

وين الورشه فيه بالضبط

وما قصر يا أومرز

[عجزت انسااك]

الفلنجه ACDelco سعرها حول الـ 500 ريال او اقل بقليل
نوعيتها ممتازه و انا كنت غيرتها اكثر من مره
و طبعاً سبب خرابها كثر ماترقى ارصفه
و خرابها يكون بانه يطلع عندك مثل صوت الصفير او الزقزقه مع المشي وليس الرجّه !!

يا شيخ الله يوفقك ويرزقك ويبيض وجهك ويزوجك اذا مابعد تزوجت وحتى لو متزوج وطفشاان ولا يحرمك الاجر ورب البيت انك بردت قلبي الله لا يهينك

[عجزت انسااك]

طيب الفلنجات في حدود 1000 ريال جديدة ACDELCO
شحنها حيكلف حدود 450 ريال على أراميكس
2006 GMC ENVOY 4.2L L6 DOHC : Brake/Wheel Hub : HubPriceACDELCO Part # FW121
{#12413037, 15130858} replaces 12413037
HUB,FRT WHL (W/WHL SPD SEN)
$256.79
وهنا بعد أغلى لكن الشحن على usps " بريد " أرخص

FRONT SUSPENSION / FRONT SUSPENSION / BRAKE COMPONENTS / Hub & bearing Hub & bearing Left

MSRP Core ? Online Price $460.72 $0.00 $283.34 View Part Diagram Item # 1
FRONT SUSPENSION / FRONT SUSPENSION / BRAKE COMPONENTS / Hub & bearing Hub & bearing Right

MSRP Core ? Online Price $460.72 $0.00 $283.34 View Part Diagram Item # 1
أما مسامير التوازن وجلدها فسعرها عادي هنا ومافيه فرق يسوى عشان تطلبها من برى.

تحياتي

الله يوفقك وشكراً شكراً على التعب اللي تعبتك معي

[omrs]

يا طويل العمر اذا كنت ماشي على طريق عمر بن عبدالعزيز وجتك الاشارة اللي هي تقاطع الملك عبدالعزيز رح يساااار داخل للخضرية نهاية الشارع رااح تحصلها قدامك

تحياتي لك

[doryan]

السلام عليكم يالربع كيف الحال عساكم طيبين
اسف على الاختفاء في الفترة الماضية لظروف خاصة لكن تبارك الله بعدنا ايد وحدة ونفس النشاط ويارب دوم
ياشباب اليوم استوت عندي مشكلة يلي هي انطفى عندي ظو الطبلون مع المسجل مع المكيف مرة وحدة لكن كل شي شغال الا الضو هل هو فيوز ولا اعادة برمجة انا الحين بسوي اعادة برمجة وبشوف لكن يلي عنده معلومة ينفعنا لا هنتو
تقبلو احترامي وتقديري

اخواني الاعزاء السلام عليكم

للفائدة فقط المشكلة انحلت باعادة برمجة الموتر بايدي في البيت ولله الحمد

[81-MUHANAD]

مساءالخير
ياشباب انا عندي لمبة الابي اس والتركشين تولع من نفسها وبعدين تطفي
واحس في اختلاف في دعسة الفرامل
مع العلم انه ماغيرت الفحمة من الوكالة وصار ماشي الموتر ٦١٠٠٠
هل معنها انه لازم اغير فحمات وشكراً

[mahmod]

اخواني الاعزاء السلام عليكم

للفائدة فقط المشكلة انحلت باعادة برمجة الموتر بايدي في البيت ولله الحمد

الحمد لله انها انحلت.......
هل من الممكن تشرح كيف عملت اعادة البرمجه وتسلم.

[جمع تكسير]

ياشباب لوتكرمتوا
عندي مشكله في السياره ويبدولي تهريب كهرباء حيث تم تركيب بطاريتين خلال اسبوع ولآني عارف من وين المشكله علمآبأنه تم فحص الدينمو وطلع سليم تتوقعون من وين المشكله خاصة عادي بأي وقت أجي أشغل ماتشتغل

اخوي انت مصلح اضافات بالسياره مثلا كشافات دي في دي او ماشابهها ؟؟

[أبوبسام 0104]

اخوي انت مصلح اضافات بالسياره مثلا كشافات دي في دي او ماشابهها ؟؟

الموضوع ومافيه كان الدبل مايشتغل قمت وبدلت حساسات الدبل وجت المشكله

[Seas Diver]

اخواني الكرام عندي بليزر 2006 دبل وسبق لي وجربت بليزر بدون دبل واحس ان موتري اثقل وكني اسوق جيب في حين ان اللي بدون الدبل خفيف وسهل الحركة فهل هذا طبيعي

[blazer229]

السلام عليكم ورحمة الله وبركاته

سبق وحطيت رد وطلب بخصوص قطع غيار بليزر 2003 رفرف وصدام ومرايا وشمعة الحمدالله اشتريتهم من الرياض بتكلفة 1100 ريال كامل القطع
لكن المصيبه طلع الموتر من قوة الصدمه تعور الشاصي بمقدار 3 سم وتم سحبه
والمصيبه الاخرى تعور عندي المقص الي تحت الي معاه الركبه اضطريت اشتريه جديد لان مالقيت مستخدم نظيف ب1100 ريال اصلي لان مايجي منه امريكي
وبصراحه حييييييييييل تضايقة وتعبت والله قطع الموتر مره غاليه

سؤالي هل تاثر الشاصي وتعديل هل سيضر السياره بالمستقبل ؟
هل قيمة المقص التحتي يسار غالي ولا هذا سعره ؟

صورت المقص ومكان التأثر
اسف على الاطاله وهذي من قلبي وحرته
يامورتري عذبت حالي... من مصيبه تجر مصيبه لي بلاوي
تكفى ياموتر ارحم بحالي... ترى من غيرك اتعب والالي
انت الصديق الي دايم يخاوي... ومن غيرك انا اسهر ليالي

[وادي النخلة]

سيارتي أنفوي دبل
غيرت جلد المقصات ومسامير التوازن والفحمات الأمامية.

المشكلة عندي إذا مسكت فرامل مع سرعة أو بدون سرعة تحذف يمين والدركسون يلف يسار.

والمشكلة هاذي عندي قبل تغيير القطع أعلاه كلها.

مريت ورشة يقول يا عندك الكليبر.. أو العكس.

وأكثر شكي من الكليبر.. أمل من اللي مرت عليه المشكلة إفادتي.

وكم قيمة الكليبر مستخدم بالتشليح.

تحياتي وتقديري.

[Seas Diver]

دورت موقع فلتر المكيف للبليزر 2006 ماحصلته في السيارة
اللي يقدر يفيدني الله يرحم والديكم.