المشاركة الأصلية كتبت بواسطة خنشلية
السلام عليكم. امس ماسك خط ومسرع ومره افتح الهوايه ومره اصكها والمكيف شغال طبعا المهم مالكم في الطويله يوم وصلت الرياض صار التكييف مايطلع بالشكل المطلوب كنه مكتوم اطفي المكيف واشغله تروح المشكله وترجع. وش ظنكم منه الله لايهينكم؟ احس المكيف ماصار يطلع هواه مع الفتحات
وعليكم السلام ورحمة الله وبركاته
صارت لي تقريبا نفس المشكله وهي ان الدفع ضعيف مره وبعض المرات يقوى وهي تتغير
مع كل مره اطفي واشغل المكيف وبعض المرات المروحه تكون معلقة حتى لو اطفي
السيارة.
رحت لكهربائي وقال لي غير المروحه اللي تحت عند الراكب وغيرتها ولا طلع منها.
المهم رحت لكهربائي ثاني وقال لي الحساس حق سرعات المروحه طبعا مكانه تحت عند
الراكب وغيرته وضبط معي وقيمته 300 ريال من الوكاله وهو اي سي ديكلو صناعه
كندية و الآن المكيف مضبوط ولله الحمد وهذي صورة الحساس.