رابطة ملاك التريل البليزر + الأنفوي ( التريلفوي ) -‏ الجزء الثاني

[عبادي بليزر]

بسم الله الرحمن الرحيم

السلام عليكم ورحمة الله

معكم أحمد من البحرين

سبب الاشتراك في هذا المنتدى : بعض المواضيع استفدت منها


اليوم جيتلكم وعندي مشاكل

عندي تريل بليزر LS وارد امريكا

طبعا بدون اوبشن

6 سلندر
4×4

حاليا مشيت فيه 64 الف

المشاكل اللي ظاهره فيه
- اول ما تشغل السيارة .. يطلع صوت حاد من المكينة مع اصوات مشابهه
وديته ورشه وقال لي المكانك ان الكمبيوتر يبيله رستارت
- اول ما الف الستيرنق خصوصا اذا كنت امشي معتدل احس ان شيء بينكسر اذا دست على البنزين او لفيت ستيرنق زود
مثل الشي وديته على ورشة ثانية يقول عندك "رك ستيرنق"
- البترول فيه صرف مو طبيعي اكثر من الـ 8 سلندر مع اني امشي معتدل
راعي ورشة يقول الانجكترات يبيلهم فلال وتنظيف وعندك ريقيولر تعبانين
- اذا وخرت عن الدعس او دعست بريك اسمع صوت احتكاك حديدي + نطله للأمام طبعا الصوت جاي من الخلف
محتاج فيسنق حق درامات و شيوزات جديده
- اذا ابدل للجير اسمع صوت احتكاك

بعض الاعطال صلحتها بس مثل الشي ما في اي نتيجة مرضية

وتوني مغير زيوت السيارة كلها قبل اسبوع تقريباً
اليوم ظهر عندي نور فحص الزيت في الطبلون

عداد الحراره لا يتغير على النص
اذا ابدل زيوت السيارة عداد الزيت ما يتغير يتم على النص
البطارية تنخفص احيااناً

وعندي انوار المسجل والمكيف اشوف كم يوم طفت



تعبني تريل بليزر بسبب مشاكله انتظر منكم الردود
-

اخوي احمد..

يا هلا و غلا فيك و في اهل البحرين ..

نا عندي مثل سيارتك.. LS 2004 بدون اوبشن

وتوني مغير زيوت السيارة كلها قبل اسبوع تقريباً
اليوم ظهر عندي نور فحص الزيت في الطبلون

بالنسبة للمشكلة هذي..محتاجه لـ فحص كمبيوتر..

انا كانت تظهر عندي اول ما اشغل السياره و من ثم تختفي ...

و لكن عملت فحص للسياره .. صار واحد من الـ بلوف ( بلف ) فيه ضعف بسيط

فتحوه و نظفوه و صار كل شي تمام


و انصحك في زيت GTX 10w30

صحيح انه غالي... بس ممتاز


انصحك في ورشة العيسى بالاحساء ( المنطقة الصناعية للسيارات - قرب الحرس الوطني ) .. اسأل عن صاحب الورشه ( ابو احمد) .. رجال ينصحك قبل تغير و تدفع


البترول فيه صرف مو طبيعي اكثر من الـ 8 سلندر مع اني امشي معتدل

انا اشوف صرفية سيارتي طبيعيه جداً .. يعني موترك فيه مشكله


... هذا اللي قدرت اساعدك فيه ... لأن الباقي ما عندي معلومات عنه ..



بس بسألك .. ما عندكم اكسسوارات للبيلزر؟ يعني جناح خلفي مثلاً ؟؟

[ass3d]

كل عام وانتم بألف خير ومن العايدين والفايزين بإذن الله
أخواني بس حبيت اسال هل البنزين 91 ياثر عالبليزر
لانه 95 غالي والسيارة ماشاءالله تفط البنزين شفط كل 3ايام مفللها بــ40ريال
فإذا احد مجرب الــ91 عالموتر يخبرنا
وعموما ايش تنصحوني 91 ولا 95

[WWS]

بسم الله الرحمن الرحيم

آخؤآني آعضآء منتديآت مكشآت آلعآلمية

ؤ آعضآء

ܓܨ║░▒█ ܓ رابطة ملاك التريل البليزر + الأنفوي ( التريلفوي ) ܓ █▒░║ܓܨ

آلسلآم عليكم ؤ رحمة الله ؤ بركآته
تقبل الله منكم صيآم رمضآن ؤ قيآمه ؤ ختم لكم بآلصآلحآت آعمآلكم ؤ آعـآد عليكم رمضآن آعؤآم عديده ؤآنتم تنعمؤن بؤآفر آلصحة ؤ آلعآفية ؤ جميع آلمسلمين

بمنآسبة عيد آلفطر آلمبآرك
كل عآم ؤ آنتم بخير ؤ من آلعآيدين ؤ آلفآيزين
ؤ تقبل الله منكم آعمآلكم ؤ آلبسكم لبآس آلصحة ؤ آلعآفية
ؤ آعآده عليكم ؤ على الأمه الإسلامية سنين مديده

كل ؤآحد يـآخذ حبه بس ترآه محسؤب ع عددكم

’’’,,,’’’

> آعتذر عن عدم تؤآجدي آلفتره آلمآضيه لـإنشغـآلي لـحد شؤشتي
بحبيب آلقلب . .. . الله يآقاه من آلعين ؤ يحفظه
777
77
7

رآجع لكم بعد آم حزم ( آلمآنعية ) بكرآ إن شاءالله نشؤؤفكم هنــآك يآلقريبين منهآ لتستمتعؤ بهدره مكآئن آلسيآرآت آللي تعج بآلمكآن

بحفظ الله ؤ رعآيته

[ANF55]

مشكور يالغالى وكل عام وانت وجميع الاعضاء باالمنتدى الغالى هذابالف صحة وعافية ومن المقبولين انشالله

[123google]

البنزين = 91 يمشي على الموتر مثل العسل بدون اي مشاكل



ياإخوان محتاج نصيحتكم الله لايهينكم

القير عندي خبّط شـــ رايكم اغيره بواحد تشليح او أوضب القير ؟

شوركم و هداية الله


و كل عام وانتم بخير وهالعيد بدون البليزر

[بليزر فيراني]

ياشباب الاصل في البنزين في امريكا 80 لكن انا اعبي 95 يقولون افضل مايجيب مشاكل في الماكينه

[بليزر فيراني]

1- الظاهر الكمبروسر في اخر ايامه
2- غير الرمان البيرينق
3- مادري بالضبط
٤ - ٩١ويحمد ربه مافي 80

شكراtrailblazer04 على الرد بس الكمبروسر الصوت يجي ويروح

[محد يمك]

السلام عليكم ورحمة الله وبركاته

عيدكم مبارك

اذا ماعليكم امر ابيكم تفيدوني واحد من الزملاء معه بليزر 2008 فل كامل دبل فتحه لون اسود صارله حادث
والرجال الحين يبي يبيعه وهو مصدوم طبعا يبيله صدام امامي ورفرف امامي يمين وشبك وكبوت وانوار واتوقع صاجه وباب خلفي وحكه بالرفرف الخلفي الايسر طبعا المكينه والقير ماجاهن شي

تتوقعون كم يجيب لو يبي يبيعه طبعا ماشي 125 الف

[بليزر فيراني]

الله يعوضه خير ان شاء الله اعرضه في مواقع السيارات المصدومه ومعوض خير

[ass3d]

ما اقنعتونوي ياشباب ايش اعبي بنزين91 ام 95 وايش الافضل للموتر .؟؟؟؟؟؟؟

[anwar-1]

ما اقنعتونوي ياشباب ايش اعبي بنزين91 ام 95 وايش الافضل للموتر .؟؟؟؟؟؟؟

استعمل بنزين 91 والحمدلله ما في مشاكل
السياره مصممه على بنزين 87
قبل عام كنت في الاردن وعبيت بنزين 90

[123google]

البنزين = 91 يمشي على الموتر مثل العسل بدون اي مشاكل



ياإخوان محتاج نصيحتكم الله لايهينكم

القير عندي خبّط شـــ رايكم اغيره بواحد تشليح او أوضب القير ؟

شوركم و هداية الله


و كل عام وانتم بخير وهالعيد بدون البليزر

شدعوه ماحد عنده راي ؟ ا

[trailblazer04]

شدعوه ماحد عنده راي ؟ ا

مايبيله راي اكيد توضيب لانه راح يرجعه لك جديد

اما المستعمل ماتدري متى يخبط عليك

واهم شي يكون عالتوضيب ضمان

[Eng De Fa]

انا اقدر اجاوبك على موضوع الزيت وهو 10W30

اما الجوال اللي يوصل للسياره بالمرايا اول مره اسمع عنه يمكن سيارتك فيها مواصفات خاصه
بس كيف اوصل الجوال للسياره عن طريق المرايا ؟؟؟
ايش الهدف من الحركه

كل عام و انتم بخير ...
اشكرك على الرد .. بالنسبة لتوصيل الجوال وجدتها في السيارة اضافة و حبيت اسأل عن طريقة التوصيل عشان اجربها .

[123google]

[QUOTE=trailblazer04;7212131]مايبيله راي اكيد توضيب لانه راح يرجعه لك جديد

اما المستعمل ماتدري متى يخبط عليك

واهم شي يكون عالتوضيب ضمان [/QUOTE


افدتني الله يجزاك الخير ،،،،،