رابطة ملاك التريل البليزر + الأنفوي ( التريلفوي ) -‏ الجزء الثاني

[جمع تكسير]

اخواني اريد النصيحه
يطلع لي علي الشاشه انو ضغط الزيت منخفض low pressure oil مو دايما كل يومين مره
انا مغير زيت من حوالي اسبوعين بعدها صار هذا المسج يطلع هل طرنبة لزيت خربت
ارجو النصيحه

تأكد من عصا المعيار حق الزيت انها سليمه ومافيها اضرار
الشي ثاني احتمال حساس مستوى الزيت
والاخير انشالله مو هو طرمبة الزيت دفعها ضعيف

بالتوفيق

[Bleazr]

تعبت وانا أدور أبغى كلام ثابت

قوديير او ماشلان كيفهم

عبرونا الله يجزاكم خير

[omrs]

ميشلاااااان او ماكسس

[omrs]

ميشلاااااان ممتازة لكن على شوارعنا القرف هذي ما اظن حرررام تشتري كفر بالف ريال الواحد ثم على طول مسامير وتقطع
عشاااان كذا خلك على الماكسس حلو ورخيص 540 ريال ويعيش معك سنة ونصف بالراحة اذا ميزان الأذرعة والمقصات تماااام عندك

[omrs]

بلييييييزر من وين انت ؟؟

[Bleazr]

ميشلاااااان ممتازة لكن على شوارعنا القرف هذي ما اظن حرررام تشتري كفر بالف ريال الواحد ثم على طول مسامير وتقطع
عشاااان كذا خلك على الماكسس حلو ورخيص 540 ريال ويعيش معك سنة ونصف بالراحة اذا ميزان الأذرعة والمقصات تماااام عندك

يعطيك العافية لـردك انا من الرياض بس ماكسس تـايلـندي

وبصراحة احترت كـثـير

الحين مقاس شد البلد 17 60 255

لو ركبت 17 65 265 في ضرر لأني سمعت ينضر الدريكسون

[blazer229]

بلييييييزر من وين انت ؟؟

يعطيك العافيه ياخوي
انا من الاحساء

[ثلاثيني عزوبي]

يا شباب شور علينا بالكفرات يرحم والديكم
والله يا اسعارها صارت نار
عشان الواحد بس ما يقط هاك المبلغ في كفر ما يبرد الكبد
سيارتي بليزر دبل 2009

[Bleazr]

مسائكم الله بالخير

الحمد لله اخـذت طقم كـفرات Good Year

17 255 60 اسـمها EAGLE F1

Temperature A

Traction AA

سـرعـات الـفئـة V 240

سعر الـكـفـر الـواحـد 840

الـمـجـمـوع 4x840 = 3360

وكـيـلـه الـراشـد مـخـرج 15 مقابل الـعـاب الـحـسـيـن باتجـاه الـشـرق


والسلام عليكم ورحمة الله وبركاتة

[envoydenali]

تأكد من عصا المعيار حق الزيت انها سليمه ومافيها اضرار
الشي ثاني احتمال حساس مستوى الزيت
والاخير انشالله مو هو طرمبة الزيت دفعها ضعيف

بالتوفيق

سلمت اخوي على ردك
هل هذه تأثر على السياره والماكينه مع انه مستوي الزيت على المؤشر فوق النص وما تنزل اقل من النص ؟؟؟
ارجو الافاده

[عاشق السيراا]

السلام عليكم

مشكله ( لمبة الفرامل ) شلون تطفي .. مع العلم ان الفحمات اوكي . وزيت الفرامل اوك


عندي فضاوه بالدركسون ومادري هل هو العمود او شيء ثاني ؟ وشلون حلها

[فقشات]

السلام عليكم اعضاء الرابطة قريب لي عنده بليزر٢٠٠٥ راح يسوي صيانه له بسبب صوت عند قالوا له الورشة عند عكس دبل يمين قدام خربان لازم تغيير والتكلفة حول ٤٠٠٠ريال لانه يتحرك وارجو افادتي ياخوان

اخر مرة سويت صيانه للسيارة عند اي سي دلكو
كان واضح انه يلعب ماهو ثابت في مكانه
وقال المهندس انه دايم يخرب اللي على اليمين
واصلاحة ماهو عندهم .. يتم اصلاحة في محلات القير
يطلبون قطع ويصلحونة .. وصار عندي الان صوت يبدو انه منه
كأنه رمان بلي يتصاقع بدون شحم .. أضنه قالي هذا الكلام ايضا
أنه اذا تأخر الاصلاح يخرج الزيت شوي شوي ثم تكبر المشكلة.
للأسف عملي اشغلني عن اصلاح السيارة وعندي سيارة ثانية
لذلك اخبرني اذا استجد معك شي .. ولا اتوقع ان اصلاحة يكلف 4000
المبلغ كثير جدا..
أسال الله لكم التوفيق والسداد

[فقشات]

السلام عليكم


تنبيه هذه القاعدة تنفك وتتصلح من جوه ، في داخل بيرنقات 3 هي سبب المشكلة عندك تأكلت وفيها ترسين مع شوك، الترسين صعب انها تتكسر لانها قويه الخراب أما البيرنقات أو الشوكة الي يفعها الدينمو الأسود وتقفل التروس على بعض.

أرجوا التوضيح أكثر عن موقعها في السيارة
وياليت لو في صورة توضح أفضل
وشكرا جزيلا.

[ابو محمد1]

السلام عليكم ورحمة الله وبركاته انا عندي بليز 2005 وطفى عليه فجاه واخذت سطحه وديته الصناعيه وقالو طرنبه وغيرتها وقيمتها 9090ريال وبعد ما اخذت السياره وجربتها صافيه ما شاء الله بس مشيت عليها مشوار يجي ميه كيلو وطفية من حالها وشغلت واشتغلت واكمل مشواري واذا هديت ورفعت رجلي عن البنزين تطفا واشغل وزي الحلاوه تشتغل وامشي وتتكرر المشكله تكفون الي عنده خلفيه عن هذي المشكله يفيدني الله يعافيكم

[جمع تكسير]

سلمت اخوي على ردك
هل هذه تأثر على السياره والماكينه مع انه مستوي الزيت على المؤشر فوق النص وما تنزل اقل من النص ؟؟؟
ارجو الافاده

ان شاء الله ماتأثر بس صلح برمجه
افصل اصبع البطاريه السالب ربع ساعه وارجع اشبكه والمفتاح بالسوتش وخله عشر ثواني وقفل السوتش بدون ماتطلع المفتاح عشر ثواني وشغل وخلها خمس دقايق بعدين طفها وارجع شغل وتوكل على الله وفالك التوفيق