السلام عليكم
كيف حالكم.. ان شاءالله بخير
اليوم جابت لكم طريقة لقيمات
وفعلا كل من ذاقها قال ان ميزتها انها خفيفه وهشه ولذيذه...
عموما ما اطول عليكم..
الطريقه والمقادير:
2كوب طحين
4ملعقة اكل كبيره حليب بودره
1ملعقة اكل كبيره خميره
2ملعقة اكل كبيره سكر
1ملعقة اكل كبيره هيل ناعم
2بطاط متوسط الحجم مسلوق ومهروس
ملعقه شاي ونص ملح
شوية زعفران
قلاص ونص ماي
نخلط المقادير السابقه مع بعض زين وتالي نغطيهم بفوطه ونحطهم بمكان دافي
واحسن مكان الفرن وهو مسكر لمدة ساعه حتى يتخمرون...
وبعدين نحمي الزيت الغزير ونصب اللقيمات ثم
نشيلها وتوضع في مشخال ثم نضعها في الشيرة ونطلعها ونرش عليها شوية سمسم محمص وتقدم .
وهذي الصور وطبعا ما تحلاااا اللقيمات إلا مع القهوه الشقرا
تفضلو مقدمه لكل من دخل وعطر موضوعي برده
أحترامي