الفزعه يا اهل اللاند كروزر

[C_J_O_JI]

السلام عليكم ورحمة الله وبركاته
اسعد الله مساكم بكل خير

يالربع عندي vxr 2003 وفيه مشكله ثقل بالدركسون مع صوت خفيف لا يكاد يذكر
والثقل صير عندي اذا كانت السياره واقفه يعني لو انا في مكان ضيق واب البق الموتر يعلني وانا الف الطاره واذا مشيت يرجع طبيعي

علمآ ان الزيت فل ماينقص ولا فيه تهريب
وديتها لورشه وقالي مبدئيآ هذي جلب علبة الدركسون ولازم نوديها المخرطة وتكلفك 1000 ريال وبعدها نشيك على الصليب
ما استغني عن شوركم

[عاشق الحجاز1]

اخوي شيك على طرمبة الدركسون اذا وقفت تصير ضعبفه ولا تدفع الزيت واذا مشيت تقوا والدليل جرب اذا وقفت ادعس ابنزين والموتر واقف ولف جرب

[C_J_O_JI]

تسلم ياغالي على المعلومه وراح اجرب وافيدك

[فارس الحربي1]

يالطيب يمكن عندك المواصير حقت الدوده منسده ولا الكفرات نازل هواها

[فاقدخوي]

افحص قطعه اسمها الدوده شكل المشكله منها

[مخاوي دابذريع]

عطاك الحل اخونا عاشق الحجاز الله يعافيه .......

[C_J_O_JI]

بيض الله وجه من افادنا ولازالت المشكله مستمره

[أبوعابد 22]

شيك على طرمبة الدريكسون وعلى الدوده يمكن يبيلها كبس او تغير

[راعي براوننق]

ودها الى اصحاب الهيدروليك مباشرة لايكون بينكم وسيط ورشة
شكلها الدودة يبلها اصلاح
وخلك على روسهم لايغير الدودة بأخرى
انتبببببببه التكلفة550ريال تقريبا

[record]

السلام عليكم . يالربع انا عندي مشكلة في الموترGX-R 2005 وهي عند المطبات تقول ان الموتر بدون مساعدات ولا يايات تحس وكأنك ماشي على بطن السيارة .غيرت مساعدات خلفية ولازالت المشكلة قائمة هل ياترى المشكلة في اليايات وذا كان الامر كذلك فبأي نوع من الياي تنصحون وشكراً

[gx 94]

اذا انت بالرياض روح لمحلات الهدروليك يفحصونها لك بالصناعية القديمة