هالموضوع خارج عن نطاق تراثنا بس حبيت اشاركم فيه
عشان تتونسون شوي واخلي الموضوع يونس
احب اقولكم قصه صارت لي بالمرحله المتوسطه
بختصر لكم القصهـ
ايام المدارس وبالتحديد في حصهـ الجغرآفيا كانت معلمتي حضريهـ ودايم تتريق على البدو
وعلى عآداتنا طبعا اكيد كلكم تعرفون وش هي تربه
كانت تربه عنصر من الدرس
ومعلمتي الفاضله كانت تنطق كلمه تربه غلط وكانت تقول تَرَبَهْ
انا قمت وقلت لو سمحتي نطق الكلمه غلط وصححت لها بعدين جلست تتريق على البدو وكلامنآ
قلت لها ابله انا بسوي لك مفآجأه في حفل الجنآدريهـ بس تكفين تحضرين وابيك تكونين قريبه مني
قالت بنشوف وش هي مفآجات البدو
"طبعا في يوم حفل الجنادريه وقبل تبدا فقرتي
دورتها وقلت لها يا ابله المفآجأه حقتك الحين بتبدآ خليك قدآمي ابي اشوفك عشان الاهدآء قالت طيب<كان باين عليها انها مستانسه بالحييييل
وبعدين قلت القصيده اللي هي
اسم القصيده:قآلت بدو
للشآعر:طلال السعيد
قالت: بدو
صدت وقالتها بقرف
بنت الأكابر والترف
متكبره متعاليه
يعني بدوي يقعد طرف
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا: عدد
رقم ولا اكثر بعد
يعني مجرد تكمله
والا اهي اصل البلد
قالت : بدو
يعني صفر على الشمال
هذا على احسن احتمال
قلت:أي نعم
حنا بدو
حنا عما عين العدو
حنا البداوه طبعنا
واهل الوفا هم ربعنا
حنا بدو
اصل وفصل
حنا بداوتنا الاصل
ماهي بداوة تليفزيون
والا مسلسل اردني
بس بدوي بالمكرفون
ولا هد سيفه ينثني
حنا بداوتنا تراث
من جيل لا جيل انتقل
بالقمه حنا مو اقل
ماهم بدو بيت السدو
حنا بدو
حنا معاني ساميه
نروي السيوف الضاميه
نرد المنايا ما نهاب
لو هي سعاير حاميه
حنا بدو
صعبين ونحب الصعب
اهل الخشونه والتعب
حنا يميزنا الوضوح
واذ اكرهنا ما نحب
حنا بدو
حنا البداوه عيدنا
ما ناكل الاصيدنا
مانعيش عالة مجتمع
نموت مانمد ايدنا
حنا بدو
حنا البداوه بدمنا
مانسمي احد عمنا
حتى ولو منهو يكون
لو هو زعل ماهمنا
ياتارسه وجهك صبغ
ياتارسه عينك شدو
حنا بدو
حنا بداوتنا شيم
دين وقيم
طيب وظفر
ومعنى كبير
يعني التمسك بالجذور
ماهو التخلف والجهل
ولا بعد حب الظهور
ولا التنكر للاهل
حنا بدو
حنا بداوتنا شمم
فعل وكرم
مبدأ حضارات الامم
حنا القمم
ولنا الفخر
لو عشنا ببيوت شعر
عيشة ألم عيشة فقر
عيشه تعلمنا الصبر
مانحسب ايام الشهر
مانقترض
نشرب من الماي الهماج
نكحل نواظرنا بعجاج
ساعات مانلقى ذرا
يكفي نتلحف بالنجوم
وفراشنا رمل الثرا
وسراجنا نور القمر
لامن ظهر
نومن بقضانا والقدر
ماهو كسل
والا نعيش بلا امل
نملك طموح علم وعمل
ونرعى الابل
ونرعى الغنم
ونعزف من الوانه نغم
ونتابع اخبار المطر
وندور الروض الخضر
نسري ورا
برق سرا
ولا نتراجع للورا
نبحث عن المرعى العشيب
ومن شعيب اليا شعيب
مانستقر
عنواننا كل الديار
تجوالنا ليل ونهار
وهذي حياة الباديه
سنه ربيع
سنه دهر
ورغم الفقر
نخاف من قولة افا
ونتعب ورا قولة نعم
ونعيش عالين الهمم
نرعى الذمم
ناخذ من الصحرا الهدو
لأنا بدو
يا تارسه وجهك صبغ
يا تارسه وجهك شدو
ياللي تقولين بدوي
عزمي قوي
يبدا نهاري بالصلاه
واصارع امواج الحياه
محافظ على الخمس الفروض
واضح ولا احب الغموض
ماالتوي
لاني بدوي
متمسك باصالتي
ولا اغير لهجتي
انا بدوي
في فزعتي في جلستي
في كلمتي في نخوتي
حتى عقالي ولبستي
ولو قلتي عني فوضوي
ماهمني
بالحيل يابنت بدوي
ويسرني
اعرف زين من انت ومن انا
ويكفينا نعرف بعضنا
والفرق واضح بيننا
انتي مثل عمر الزهور
مالك عمر
شهرين ويجيها الجفاف
وتندثر
وتصبح الوانك باهته
وانا جذوري ثابته
ياتارسه وجهك صبغ
ياتارسه عينك شدو
حنا بدو
حنا عما عين العدو
كنا ولا زلنا بدو
وبنموت هم واحنا بدو
قسسم بالله اني ما كملت منها بيتين الا وانحاشت مدري وين طست المهم كملت القصيده ومن هذاك اليوم عطيتها درس ولا صارت تتريق وصرت اخلي كلامي بدوي مررره وهي تنقهر ولا تقدر تقول حرف واحد
كان بإمكاني اشتكيها بس انا كنت ابي ارد حقي بنفسي
عطوني رآيكم ؟؟؟!