حل مشكلة ارتفاع حرارة القير لليوكن والتاهومن 2007إلى 2011

[عبدالعزيزف]

طيب يا شباب وين احصل الاديتر الكبير هاذا وكم سعره
وهل المواصير تركب على طول ولا لازم قص وتلحيم

نفس سوال الاخ عاشق
امكان تبيع الاديتر الكبير وهل له اسم يعرف به

[مكشآتي للآخر]

السلام عليكم ورحمة الله وبركاته

انا معي يوكون 2010
وطلعت لي رسالة ان الاطار الامامي الايمن ناقص الهواء وعبيت هواء وللاسف ماراحت الرسالة مع العلم ان هالمشكله صارت لي في الإطار الامامي الايسر ولما عبيت هواء اختفت الرسالة
اتمنى تفيدوني وجزاكم الله خير

يالغالي هل قد غيرت كفرآتك؟؟؟
لانه موترك انحاست البرمجة حقت الكفرآت
بس حلها سهل
دق الموتر سلف بس لاتشغلة
واضغط الي يقفل والي يفتح مع بعض الي بالريموت
لين يضرب هرن
ونقص من هواء الكفرآت على حسب الليت (الاسطبات)
يعني مثلا اشتغلت عندك االاشارة الامامية الايسر
تروح تنسم من الكفر الامامي الايسر لين يضرب هرن
وهكذا لين تخلص

[مشلخ الذيب]

والله نصيحتي أنكـ تركب مبرد قير أكبر افضل لكـ ولموتركـ

http://www.gmctruckclub.com/vb/showthread.php?t=5343

http://www.gmctruckclub.com/vb/showthread.php?t=9431

[all005]

موضوع ممتاز انا عندي يوكون 2006 طبعا خليجي نفس السعودي تقريبا لكن سؤالي كيف اعرف مقياس الحراره واين يوجد يعني كيف اعرف ان حرارته مثلا 70

[m00dee]

السلام عليكم

كل عاااااام وأنتم بخير والعيد عليكم مبارك

عندي ملاحظه :
في أحد الردود وأحد كاتب أن فيه رديتر أومبر خارجي لليوكن أو التاهو .... السييرا .. الجموس عموما .
هذي المعلومه فيها خطأ أو لبس ... لأن تبريد القير عن طريق مبرد صغير في داخل الرديتر الرئيسي حق المكينة ويبرد بالماء . ( والسعودي والأمريكي نفس الشئ ما يفرق بأي شئ .
والرديتر اللي ممكن فيه الخربطه اللي صايره هذا حق المكيف ..... ويكون من جهة اليمين جهة الراكب ..... وفيه واحد ثاني صغير حق الباور الدركسون وحجمه صغير ومكانه جهة اليسار جهة السايق ..... هذا للمعلوميه عشاااااان محد يخربط .

ثانيا :
تركيب مبرد خارجي ممتاااااااز ويريح السياره ويطول بعمر القير ,,, بس أهم شئ التركيب لأن القير ضغط عالي يعني لأزم يكون الرديتر نوع ممتاز أمريكي أو أسترالي ...وغيرها .. ويكون التركيب بمواصير ألمنيوم أحسن وأبرد أو بنحاس واذ ما في أو ماحصلت ركب هوز بس أصلي عشان مايفلت الهوز ........ وتجلس تدعي على ... هههههه ...والشرط الثاني عشان تلقي نتيجه أفضل وأحسن يكون التركيب نفس اللي بالصوره الأولي بأول الموضوع .......
بحيث اللي طالع من القير يمر على الرديتر الأصلي ويتبرد بالماء ويطلع من الأصلي ويدخل على الرديتر الجديد ( اللي أنت مركبة ) ويطلع بارد جدا ويرجع للقير مره ثانيه وفي هالحاله صار للقير مبردين أثنين .
واذا تبي بعد تخلى الدنيا ثلج بعد أحتياطا ركب مروحه خارجيه على الرديتر الجديد ووصلها وخل تشغيلها من عندك من داخل بحيث متى ما أحتجتها شغلها ويستحسن تخلى دقمة التشغيل تحت بالديكور عشااااااان المنظر العاااااااااام .وما تستهلك عليك الكهرب وتتعب الدينمو مع كثرة الأستعمال .
فيه بعد ملاحظه :
من 2009 وفوق قليل يسخن القير الأ اذا فيه مشكله لا قدر الله وخصوصا بالطريق لأنه صار 6 تعشيقات بدل 4 تعشيقات للموديلات اللي تحت بأستثناء الدينالي والكدلك من زمان وهي 6 تعشيقاات .

تقبلوا تحياتي وأنشاء الله أكون أفدتكم بتجربتي وخبرتي

[سيف463]

موضوع مفيد ....

[hassan389]

حفظكم الله وجزاكم كل خير يا اعضاء المنتدى الغالي

[ابوزياد وراما]

الاخوه الاعزاء
ماهو معدل الطبيعي للاستخدام الامريكي كم يكون بالفهرنهايت

[GMC4Ever]

السلام عليكم ورحمة الله وبركاته

انا معي يوكون 2010
وطلعت لي رسالة ان الاطار الامامي الايمن ناقص الهواء وعبيت هواء وللاسف ماراحت الرسالة مع العلم ان هالمشكله صارت لي في الإطار الامامي الايسر ولما عبيت هواء اختفت الرسالة
اتمنى تفيدوني وجزاكم الله خير

وعليكم السلام ورحمة الله وبركاته

عندي سؤال أخوي، هل قمت بتغيير مكان الكفرات قبل فترة؟

بعلمك بسالفة حصلت لي

غيرت مكان كفرين بالسيارة يوكن 2011... وبعد فترة طلع لي رسالة نقص الهواء في الإطار الأيمين الأمامي... أطالع الكفر ما فيه إلا العافية ومع ذلك فحصت هواه وحصلته مضبوط وزدته شوي قلت يمكن تروح الرسالة ولا راحت، وطفيت السيارة ولا نفع قلت يمكن خلل فني!

المهم عقب ما غسلت يدي من الكفر وجيت أرجع العدة والمنفاخ للشنطة، لاحظت الكفر الأيمن الخلفي مبنشر وناقص هواه واجد... وعلى طول تذكرت إني مبدل مكان الكفرين...

طيب الحين نجي للإيضاح ليش طلع لك الكفر الأيمن الأمامي مو الخلفي اللي مبنشر؟؟؟ الجواب بكل بساطة، هو لأن حساس الكفرات يرسل رسالة لاسلكية لكمبيوتر السيارة، والكمبيوتر مخزن عنده في الذاكرة أن هذا الحساس هو للكفر الأمامي الأيمن وبالتالي يوم غيرت مكان الكفر ما سويت تحديث لموقع الحساس علشان يعرف الكمبيوتر إنه تغير.

طبعاً إعادة برمجة الكمبيوتر للتعرف على الحساسات سهلة جداً وما تاخذ أكثر من دقيقتين، لكن يبغالك ترجع لكتيب السيارة لأن الطريقة تختلف من موديل لموديل...

أتمنى قدرت أفيدك وأي استفسار اضافي لا تتردد وأنا أخوك...
وبالتوفيق إن شاء الله تعالى،،،

[Avalanche]

ينقل للقسم الصحيح للفائدة ....

[مركز حراره]

طريقه ممتازه نحن دايم نركبهن وممتازات بلعكس تبريد افضل للقير بس تبي لافضل لغ المواسير الي رايحه لرديتر وانس الخراب
لطلب ارسل على الخاص

[مغلي]

موضوع ممتاز انا عندي يوكون 2006 طبعا خليجي نفس السعودي تقريبا لكن سؤالي كيف اعرف مقياس الحراره للقير واين يوجد يعني كيف اعرف ان حرارته مثلا 70

انا ايضا معاي يوكن 2002 ... امريكي
وفيه اديتر صغير للقير

بس ماله امبير بالطبلون..؟؟
فكيف اركب له امبير ؟؟؟
هل اركب له امبير خارجي او ممكن يركب داخل الطبلون مثل الدينالي

[Hmmod03]

أخواني وأحبتي مبروك عليكم الشهر
أنا قريت موضوع وحبيت تشاركوني الراي فيه لأنه فيه مجازفه
الموضوع هو حل مشكلة حرارة القير للتاهو واليوكن الشكل الجديد
مع العلم إن الفكرة ليست جديدة وأحيطكم علمااا أنني أخذت بعض الصور من أشخاص سبقوني بطرح هذا الموضوع لتعم الفائدة على الجميع
الفكرة(حل مشكلة حرارة القير)
طبعااا الي عنده يوكن أو تاهو يلاحظ ان درجة حرارة القير مابين 77 إلى 85
بالطرق العادية لكن في البر أو المرتفعات تصل الحرارة إلى 99 ولكي تعالج المشكله يجب توسيع لديتر القير (( موجود أمام لديتر الماكينة ولونه أسود صغير في الإستعمال السعودي))

ملاحظة
طبعا حرارة القير الطبيعية هي تقريباا77إلى 85درجة
ومثل ماأنتم عارفين الحرارة الزايدة تأثر على الكلتشات ويخبط بسببها القير

لذالك تخيلو لو ثبتنا حرارة القير على 75 درجة سواء في البر أو في المرتفعات زي أبها وغيره ((لأني عانيت من حرارة القير في مرتفعات أبها))
مع العلم إن وصول درجة الحرارة إلى 100 يعني غليان الزيت وهذا أكيد يضر القير على المدى البعيد

نشرح الفكرة عليكم

تغيير اللديتر شد البلد بلديترأكبر مثل ماهو موجود في الصوره

مشكلة لديتر القير شد البلد صغير والصورة الي في الأعلى تبين الفرق بين شد البلد الأسود الصغير والفضي الأكبر
لكي تحل مشكلة ارتفاع الحرارة
طبعا صورة لديتر شد بلد بهذا الشكل

وبعد التركيب

وبس طبعا الموضوع يمكن مر عليكم من قبل لكن أنا ودي أعرف هل فيه مخاطرة بتغيير قطعة شد بلد ويعتبر هذا ترهيم
((طبعاااا جلست أفكر وش البديل لأني ماودي ألعب بسيارتي وهي جديدة وجتني فكرة وهي تركيب مروحة أضافية لسيارتي اليوكن مثل الي موجودة في الصورة تكون وظيفتها المحافضة على درجة حرارة القير طبعا الي في الصورة ماحطت على لديتر القير لكن شغل خيالك شوي وتخيل ...مروحتين للمكينة ومروحة ثالثة للقير وتنتهي المشكلة

وفي النهاية يا أخوان أعذروني لو أخطاءت وأمدحوني لوأصبت

سلام عليكم ابي استفسر منكم عندي مشكلة في حرارة التريميش عندي تاهو 2007 واصلة عندي 160 مادري وش الحل

[Hmmod03]

سلام عليكم عندي تاهو ٢٠٠٧ لان انا جالس في سيارة هل هي طبيعة حرارة التريميش ارجو رد بسرعة

[Hmmod03]

واصلة عندي ١٦٠ حرارة التريميش مادري وش الحل