السلام عليكم ورحمة الله وبركاته وبعد
اخواني المكشاتية كل عام وانتم بخير
وتقبل الله منا ومنك
اطرح على مسامعكم هذي القصيده والموجهه للشاعر /بندر الحجيلي
اقول فيها
من هاجسٍ له فالمواقف خانـه =يرقى سنود وفي يدي اعنانه
ينزل على البحر الغزير الطامي=ويجيب لي لولـوه ومرجانـه
حتى يطلع لـي قصيـده جزلـه=الي سمعها قال صـح السانـه
ومن بعدها ياراكـب الكبسولـة=يحماه ربي من شقـى العيانـة
لقفى تقول النجمـة المصلوتـه=الى لمس بنصه صرخ شكمانـه
والهيبة اليا اقبل تشوف الهيبـه=اتقـول ذيـبٍ عاقـدٍ حجانـه
سواقه وراعيـة ابـو عبـد الله=راع الوفا والصدق والامانه
تله موجه مع طريـق الفقـرة=يالين تاصل خـان فـي دكانـه
فيض يمينك حول نصف الكيلو=ويسارك المسجد تمـر اوزانـه
روح شويه لا قطعـت الـوادي=على يمينك عـان بيتـه عانـه
ماريته مجلس كبيـر امطوبـر=على الكرم والعز شاد اركانـه
هذاك ابو رامي ونعـم بحالـه=الطيب ساسه والكـرم عنوانـه
ان كان جينا للقصيـد مصيبـه=ما مل من يسمع صدى قيفانـه
وان جيت للمقناص يا مشاء الله=ما خان نيشانه وهو مـا خانـه
يا كـم ناخـس دق لـه تأشيـره=مثل ما سوى من قبل لاقرانه
وياكم حايـل جايـب ارقبتهـا=من بعد ماهي مرواغة شيطانه
اليا شربت الشـاي بعـد الدلـه=رسلانـةٍ يـا حي من رسلانـه
قلـه وانـا واثـق بأنـه داري=ترى فلاح يعدك مـن اخوانـه
ونبغى لنا سجـة اليـا عيدنـا=للموقع الي حافظٍ شرعانه
وإن كان للمقصود ما حصلنا=نرجع على شنيره ووبرانه
ولا اقول انـروح يم الساحـل=هـذي قميريـة وذي سمـانـه
قريب هنانا اخير بواجد=من منطقة بعيدةٍ مليانه
وختامها صلوا عـدد ينزل = وبل المخيله من صدوق امزانه
على ابو القاسـم نبـي ألامه=الى ختـم بـه ربنـا سبحانـه