ثلاجة الرميح (مواصفاتها وكل ما تريد معرفته عنها)

[راعي الفتك 9]

عندي نفس الثلاجه لاكن سعة 70 لتر مشتريها 2750ريال قبل سنه
طبعا تستهلك 55 واط
من مميزاته انها خفيفه لأن الغطا الخارجي بلاستك
التجميد فيها رائع جدااا والوكيل معرووووف
العيوب صوت المروحه قوي لأنها مروحه كبيره
تستهلك كهرب أذا كان الوضع تجميد

[gxr2001]

امين وياك ورحم الله والدينا ووالديك وكل مسلم

ج1 : لا يا بعدي يقولون راح نفتح فرع بعد اربعة شهور ولا ادري عنهم

ج2 : ابشر بسعدك

الأطوال الخارجية :

الطول : 43سم

العرض : 64سم

الإرتفاع : 45سم

الأطوال الداخلية (قسم الإستيل) :

طول : 34 سم

عرض : 31 سم

عمق : 33 سم

الأطوال الداخلية (قسم الفيبر) :

طول : 34 سم

عرض : 21 سم

عمق : 14 سم

وهذي صورة توضيحيه بسيطه

اشكرك على مرورك واتمنى اكون افدتك

ـ

الله يسعد و يغفر ذنبك على هالرد الوافي

الحقيقة كنت ابشتري ثلاجة ويكو رغم ارتفاع سعرها 50 لتر بــ 4000 ريال رغم أنها ليست بالجودة السابقة التي عرفت بها ثلاجات ويكو نقلاً عن أبو راكان

و السبب في رغبتي في ويكو مزاياها التي تجمع ثلاجات متعددة و بعد الاتصال على أبو راكان رشح ثلاجة الرميح يقول سعر معقول و نفس الماطور دانفوس و كذالك تجي كهرب و بطارية فتوكلت على الله و قلت ابشتريها اتصلت على الزلفي قالوا الـ50 خلصلت تجي بعد فترة بسيطة و شفت تقريرك قلت هذا الي يبي يجيب المعلومات الكاملة وفعلاً الله يسعدك ويعزك جبت الابعاد من الخارج و للأسف الويكو تتفوق عليها حيث العرض في الويكو 36 سم أما الرميح 43 سم لذا لا يمكن دخولها في شنطة السيكويا كما هي الحال في الويكو
ميزة أخرى في الويكو تنفرد بها عن باقي الثلاجات هي فتح بابها من كلى الجهات و كذلك إمكانية نزعه بالكامل و إعادته لمكانة فهذه الميزة أستفيد منها كثيراً في حال كانت الثلاجة قريبة من سقف السيارة .
في الأخير بيض الله وجهة و الله يطعمك من خيرها و خير ما فيها و يكفيك شرها و شر ما فيها

[راعي الشبات]

بيض الله وجهك على هالشرح الوافي وما قصرة
لكن سؤالي هلى يناسب وضعه داخل شنطة الجيب التايوتا ولا تاخذ مكان
لأني محتار الصراحه بينه وبين ثلاجة الطمره

[ابو صقر 111]

الملاحظ انه ليس فيها عازل ولذلك لا أستبعد فقدانها للبروده اسرع من غيرها000وشكرا

[السلسبيل 722]

مشكوووووور..

تقرير رائع ..

[عااشق الدهناء]

الله يرضى عليك ابي استفسر عن قسم التبريد كم لتر وايضاً قسم التجميد داخل الثلاجة

وعليك يا الغالي والله يا بعدي ما ادري بالضبط لكن توقع ان قسم التبريد يمكن من 15 الى 20 لتر والباقي لقسم التجميد وسبق اني وضحت في احد الردود المقاسات الداخلية بالــ سم اذا عندك طريقة تسحبها جرب

تقرير كامل من 000الى بارك الله فيك 0
جزاك الله خير 0

آمين وياك اشكرك على الإطراء

ا

لسلام عليكم ورحمة الله وبركاته
يعطيك العافية اخوي
شرح وافي وشامل عن هذه الثلاجة
وسبق لي مشاهدتها عند الرميح
وهي بحق رائعة وجيدة وأعتقد أن سعرها كذلك مناسب مقارنة بالثلاجات الأخرى
شاكرا لك ومقدر هذا الجهد
سائلا الله أن يطعمك من خيرها ويكفيك شرها
وان يجعلها من النواصي المباركة
أما من ناحية تفصيل الثلاجات يوجد تفصيل كما هو الحال لدى سيارات النقل ( التريلات )
وأعتقد أنها ستكون بأسعار كبيرة واكثر من المقاسات الآستاندر
تقبل تحياتي
أخوك / ابو فيصل
تم إضافة الضمان لأول الموضوع

وعليكم السلام ورحمة الله وبركاته اشكرك اخوي على الإطراء والله يعافيك من كل شر
واشكرك على اضافة الضمان للموضع الأساسي ومتابعتك للموضوع وطلبات الأعضاء
ولك مني التحية والتقدير

الله يجعل من جابك في جنات النعيم ووالدي والمسلمين

شرح وآآآفي وتوضيح كاآآفي وسعر الثلاجه مناسب جداً

آمين ان شاء الله
وبالفعل مثل ما تفضلت السعر مناسب خصوصاً بالنسبة لسعر الثلاجات من انواع اخرى .. اشكرك على المشاركة

الله يطعمك من خيرها ويكفيك شرها , شرح وافي لا هنت..

بقي إحدى الركائز لم تذكرها الا وهي صرف الكهرب كيفها مع البطاريه تصرف والا اقتصاديه..

شاكر لك هالمجهود والله يجزاك خير.

آمين الله يجزاك خير .. ولا ندمت
مثلك عارف يا الغالي انا توي شاريها وجربتها تقريبا لمدة ساعة ونصف بدون تشغيل السيارة مع اني كنت مشغل لمبة خارجيه ومع ذلك ما حسيت بتأثر البطارية وللعلم كنت حاط درجة التبريد على +5 وبطاريتي قديمة شوي لها سنه ونصف تقريبا

الثلاجة كم واط؟

والله يا الغالي البائع اللي بالمحل قالي انها 70 واط لكن احد الاخوان ذكر لي انها 55 واط وللاسف انه غير مكتوب على الكرتون او داخل الكتلوج الواط وبإذن الله راح احاول اتصل على ابوركان بكره واتأكد منه بالضبط

ممكن مكان الرميح لوتكرمت

ابغي وصف مايحتاج

وبالنسبة للثلاجه فهي ممتازة صراحه من ناحية الشكل والمقاس والتبري حسب ماذكرت

الله يبارك لك فيها

الله يجزاك خير بالنسبة للوصف اذا انت من الرياض فيه ثلاث فروع واحد بالملز جنوب ملعب الملز والثاني بالتخصصي والثالث بالنسيم
اللي ادله مزبوط فرع التخصصي وهذا وصفه :
وانت جاي من طريق خريص متجه للغرب وبعد ما تقطع طريق الملك فهد ادخل الخدمة تجيك اشارة شارع التخصصي اذا رحت يسار مستشفى الملك فيصل التخصصي انت ادخل يمين وراح تكون بنده العزيزيه على يسارك تمشي مسافة 300م تقريبا تجيك محطة على اليمين وبعدها محلات ومستوصف اذا ما خاب ضني وبعد 200 م تقريبا يجيك المحل على اليمين وجنبه على طول محل الرماية وهذا رقمهم
(014625029 )

ماشاء الله تبارك الله تقرير وافي عن الثلاجه شوقتنا الى اقتنائها ياليت توضح وزنها فارغه لانه يهمني شخصيا وجزاك الله خيرا

آمين وياك وزنها يا طويل البقا والسلامة 21 كجم

نسيت اخبركم ان اكثر الثلاجات خرابا اشوفها عند ابو راكان هي الطمره والصينيات الي بدون ضمان او بالاحرى ضمان ابو 6 اشهر.....

الله يعافيك يا الغالي وفعلا انا ما شفت عنده مثل ها النوعيه الا ثلاجة وحده بس الباقي اغلبهن الطمره وغيرها لكن لا تنسى اخوي يكمن مو صيانة يكمن تركيب مراوح او اسلاك

وعليكم السلام ورحمة الله وبركاته
ما شاء الله تبارك الله
تقريروافي
الله يجزيك خير
ويعطيك خيرها ويكفيك شرها
لك مني كل الودوالتقدير

آمين وياك وكل مسلم .. واشكرك على الإطراء

جزاك الله خير شرح وافي بيض الله وجهك ورحم الله والديننا ولديك وجميع المسلمين
بس عندي ملاحظة وهو على القفل الاحظ انه غير متين وبعد مدة يتخلخل ولايقفل الباب زين

آمين الله يجزاك خير ووالديك وكل مسلم
مثل ما تفضلت فعلا انا لاحظ القفل لكن اذا تكيته بمحله تلقاه ثابت ولا فيه هزه او فضاوه وهذا اهم شي اما عن عمليته مع الزمن ما عندي خلفيه لاني توي شاريها وما ادري انت تتوقع انه يخرب ولا مجرب وخرب معك ..!!

[عااشق الدهناء]

عندي نفس الثلاجه لاكن سعة 70 لتر مشتريها 2750ريال قبل سنه
طبعا تستهلك 55 واط
من مميزاته انها خفيفه لأن الغطا الخارجي بلاستك
التجميد فيها رائع جدااا والوكيل معرووووف
العيوب صوت المروحه قوي لأنها مروحه كبيره
تستهلك كهرب أذا كان الوضع تجميد

اشكرك اولا على المعلومات وبالنسبة لي صوت المروحة خفيف مره يمكن عشان انا اللي عندي 50 لتر
لكن السؤال هل انت متأكد من الواط ..!!
لأن راعي المحل قالي انها تستهلك 70 واط معقوله ..!!
وانا جربتها بدون ما اشغل السيارة ساعة ونص على وضع التبريد ولا تأثرت البطارية مع انها قديمة

الله يسعد و يغفر ذنبك على هالرد الوافي

الحقيقة كنت ابشتري ثلاجة ويكو رغم ارتفاع سعرها 50 لتر بــ 4000 ريال رغم أنها ليست بالجودة السابقة التي عرفت بها ثلاجات ويكو نقلاً عن أبو راكان

و السبب في رغبتي في ويكو مزاياها التي تجمع ثلاجات متعددة و بعد الاتصال على أبو راكان رشح ثلاجة الرميح يقول سعر معقول و نفس الماطور دانفوس و كذالك تجي كهرب و بطارية فتوكلت على الله و قلت ابشتريها اتصلت على الزلفي قالوا الـ50 خلصلت تجي بعد فترة بسيطة و شفت تقريرك قلت هذا الي يبي يجيب المعلومات الكاملة وفعلاً الله يسعدك ويعزك جبت الابعاد من الخارج و للأسف الويكو تتفوق عليها حيث العرض في الويكو 36 سم أما الرميح 43 سم لذا لا يمكن دخولها في شنطة السيكويا كما هي الحال في الويكو
ميزة أخرى في الويكو تنفرد بها عن باقي الثلاجات هي فتح بابها من كلى الجهات و كذلك إمكانية نزعه بالكامل و إعادته لمكانة فهذه الميزة أستفيد منها كثيراً في حال كانت الثلاجة قريبة من سقف السيارة .
في الأخير بيض الله وجهة و الله يطعمك من خيرها و خير ما فيها و يكفيك شرها و شر ما فيها

الله يجزاك خير يا الغالي وحق وواجب ما سويت شي
والله يكتب لك اللي فيه الصالح ويرزقك بثلاجة وصيد يبرد خاطرك

بيض الله وجهك على هالشرح الوافي وما قصرة
لكن سؤالي هلى يناسب وضعه داخل شنطة الجيب التايوتا ولا تاخذ مكان
لأني محتار الصراحه بينه وبين ثلاجة الطمره

ووجهك ابيض يا الغالي بالنسبة هي تدخل ولا لا اخوي شف في احد الردود وضعت كامل المقاسات للثلاجة وبإمكانك تفيس السيارة عندك وتعرف المناسب
بالنسبة لي حاطها بسيارة بافندر مع العزبة وتانكي واقف ورا المرتبة بالراحه

الملاحظ انه ليس فيها عازل ولذلك لا أستبعد فقدانها للبروده اسرع من غيرها000وشكرا

معليش اخوي وشلون لاحظت ..!!
من الشكل يعني ..!!
ولا انت مجرب ها الثلاجة ...!!
رجاء اذا ما عندك خلفيه لا تقعد تخمن تخمينات على غير سنع
الغرض من كتابة مواضيع ومناقشة سلع في المنتدى هي الفائدة للجميع اذا تقدر تثبت كلامك اكون شاكر لك عشان تتضح الصورة للناس اما كلام من فراغ يخلي الواحد يتوه ويحتار ما يصلح يا الغالي
راجع الردود وشف ردود اللي يمتلكون مثل هذي الثلاجة وشف كلامهم عن احتفاظ الثلاجة بالبرودة وانا سبق وذكرته في الموضوع ووضحته بالتجربة

ورجاء يا اخوان اللي بيتنقد شي يا يثبت صحة نقده يا يسكت احسن له لا يضيع الناس بكلام ما له صحة كل هذا عشان بس يشارك بموضوع

تحياتي للجميع , ,,

[راعي الشبات]

كلامك صحيح
الأصل بنا يأخوان إذا كان الواحد عنده ملاحظات على الثلاجة يثبت بالدليل القاطع ولا يكون عن كلام بل عن تجربة لأنه كما يقال ( التجربه خير برهان )

[rolze]

رضى الناس غايه لاتدرك

تقرير رائع وانا كنت ابحث عن تقرير
يبين لي ثلاجة الرميح والحين انا اخذت فكره كامله
الله يبيض وجهك ويرحم والديك

[اتجاه السحاب]

لو وخرت الشبك يكون المكان اوسع والتبريد اسرع,,عن تجربه
بالتوفيق

[تعب]

عزالله كفيت و وفيت
الله يجعلة في ميزان حسناتك

[hz1mx]

الله يعطيك خيرها ويكفيك شرها.. وتكسرها بالعافية..

دمت بخير..

[مخاوي الليل1]

السلام عليكم ورحمة الله وبركاته

ماشاءلله

تسلم يمينك على الشرح المفصل

لو الشركه تبي تسوى دعايه المنتج ماعرفة توصله المستهلك زيك

تقرير كامل الدسم وتابعته من اول حرف الى اخر حرف

بصراحه تسلم ويعطيك الف عافيه

وجزاك الله الف خير ورحم الله والديك

اخوك

مخاوي الليل

[عااشق الدهناء]

لله يعطيكم العافية جميعاَ ما قصرتوا على الإطراء والمشاركة في الموضوع

اشكر الجميع ولكم مني التحية والتقدير

[الطبشي]

الله يعطيك العافيه على الموضوع الطيب

وانشاء الله اني اباخذ منها يمدحونها