لقيت جيب رانجلر 2011 وابي رايكم

[غالي يا غالي]

مرحبااااا بالجميع
ثقلتها عليكم ولكن تحملوني شوي
مالي غناة عنكم ياهل الخبره
سبق وشاورتكم عن جيب كيا موهافي ومامدحتوه وصرفت النظر عنه

اليوم لقيت جيب رانجلر بابين اللي بالصوره


سقفه فيبر مقوى ومعه سقف ثاني احتياط شراع

موديله 2011 اللون كحلي فل كامل

اللي اعجبن فيه
دبل قير
دفرنس امامي وخلفي
مكينته v6
199 حصان
الموتر نشيط

وراعية نفس سالفه خوينا اللي قبل ماخذة من البنك ويبيني اتقبله

ابي اشاوركم عليه وهل هو موتر كد
وكرف
وقطع غياره هل هو رخيص
لان عندنا بحائل مافيه وكيل له
والحراره كيفه
وهل فيه عيوب
قريت تقارير عنه يقولون كل مشاكله القديمة انتهت من موديل 2008 وفوق

وانتم هل الخبره ابي رايكم
ولا خاااااااااب من استشااااار

[غالي يا غالي]

قير عادي 6 سرعااااااااااااااااااااات نسيت اعلمكم

[sgl2002]

نصيحه

اذا جيت تشري خذ لك موتر شعبي. اذا جيت تبيع والا تصلح كلن يعرفه

وان طعتني لاتتعدى الاكستيرا

[علي101]

والله إني ناوي لي بواحد زيه
والله يقدم اللي فيه الخير

[غالي يا غالي]

معي اكستيراااااااااااااااااااااااااااااااااااااااااااا اااا
بس هذا حليل واخف والرجال مسدد منه سنه و شهرين

[الجندي2005]

صراحة الموت مع الجماعة رحمة خلك على نيسان أو تويوتاواذا بليت خذ مستوبيشي باجيرو

مر وكالة المستتوبيشي عندكم بحائل خذلك لفه وشف

,

[الشيخ هريدي]

والله ماانصحك شي ماهو مع الناس وش تبي به
وانا ناوي على اكسترا مثل اللي معك بس مااعرف عنه شي ياليت لو توضح لي
وش هو من لحيه بالسفر والبر وقطع الغيار والخرابات

[الباشاء]

انا جربت الشروكي .. اذا انت مو راعي بر يعني مو على طول في البر خذه موتر شكل وقوي لاكن ما يتحمل الصحراء مثل التا يوتا والنيسان ـ من ناحية المحرك انتبه للحرارة خصوصا في الصيف وبالتوفيق

[بدوي جنوبي]

السياره جميله ،،

لكن كأستخدام ما عندى علم .


أسئل أكثر عنها أذا ما فيها مشاكل تخوف
توكل على الله وخذها
يوجد منتديات متخصصه بهذا النوع .

بالتوفيق

[جلمود الحره]

الاخ غالي الغالي احس ان موالك هالمره بعد عكس التيار ياغالي انت وش تبي بالمناظر وانا اخوك عليك بالمخابر يعني الي الناس عارفتهم والدارجه بينهم والي لادخلت المنتدى تلقى من يفيدك عنها وانا عارف انها سيارات اكسسواراتها الداخليه تشد الناظر ومبدعين فيها لاكن ارجع واقول حشر مع الناس عيد والله يوفقك

[بواسامه]

مشكلة الشيروكي شي واحد
يتلفت في البر ان ما شاف احد طفى بك هناك

[أبوعابد 22]

أخوي نصيحه لا تخاطر بعمرك

[أطلال نجد]

أخوي غالي الغالي
للتصحيح حسب ما قرأت عن هذه السيارة
شيروكي رانجلر 2011 مكينته تغيرت للأفضل عن 2010 وأصبحت 290 حصان
وعلى فكرة ترى السيارة لا يوجد بها دف لوك !
موفق للخير ،،،

[غالي يا غالي]

مشكووووووووووووووووورين على المرووووووووووووووور
ونصااااااااااااااااائحكم على راسي
وشكلي ابي استخيررررررررررررررررررررررررر
واجلس على الاكستيرا

يالشيخ هريدي
تساااااال عن الاكستيراء

ماشاالله
والله والله مووتر يطربك له معي سنتين
موديل 2008 اول شكل نزل بالسعودية سياحي قير تماتيك

خبرك بحائل نفوووووود وجبال كرفته كرف وسفريات
ماشكا او فتحت كبووووته

مكينه نشاط وصصرفية بنزين ممتازة انا اعبي 95

وبدية متماسك
مع اني اجلدة سفر وبررررررر

[غالي يا غالي]

ماقصرت يا اطلال خبرررررررررررررررر جديد هذاء